LECCIÓN 10
Como che poden axudar as reunións das Testemuñas de Xehová?
Algunha vez te invitaron a unha reunión das Testemuñas de Xehová? Se inda non fuches a ningunha, poida que te poña un pouco nervioso pensar en ir por primeira vez. Se cadra pregúntaste: “Como son esas reunións? Por que son importantes? Por que debería ir?”. Nesta lección, vas aprender que xuntarte con outras persoas pode achegarte máis a Xehová e axudarche na túa vida persoal.
1. Por que nos xuntamos as testemuñas de Xehová?
Fíxate no que dixo un escritor da Biblia sobre cal é a razón máis importante para xuntarnos: “Nas asembleas bendigo ó Señor” (Salmo 26:12). Do mesmo xeito, as testemuñas de Xehová tamén desfrutamos moito de xuntarnos para louvar a Deus, cantar e orar. Por iso, por todo o mundo, reunímonos varias veces á semana en grupos chamados congregacións. Ademais, varias veces ó ano tamén nos xuntamos en reunións máis grandes para adorar a Deus.
2. Que vas aprender nas nosas reunións?
Nas reunións ensínase o que di a Palabra de Deus e explícase con claridade o seu contido (le Nehemías 8:8). Nelas aprenderás sobre Xehová e as súas marabillosas calidades. E canto máis aprendas sobre o moito que te quere máis te achegarás a el. Ademais tamén vas descubrir como che pode axudar a ter unha vida con sentido (Isaías 48:17, 18).
3. Como te pode beneficiar xuntarte con outros nas reunións?
Xehová aconséllanos que esteamos pendentes uns dos outros “de xeito que nos sirvamos de estímulo para o amor e para as boas obras” e que non faltemos ás reunións (Hebreos 10:24, 25). Nas nosas reunións coñecerás xente que de verdade se preocupa polos demais e que, coma ti, tamén queren aprender máis sobre Deus. Escoitaralos falar sobre cousas animadoras que aprenderon na Biblia (le Romanos 1:11, 12). Tamén coñecerás persoas que son felices aínda que estean a afrontar problemas. Estas son só algunhas das razóns polas que Xehová quere que nos xuntemos regularmente.
AFONDA MÁIS
Descubre como son as reunións das Testemuñas de Xehová e por que é bo que nos esforcemos por ir a elas.
4. As reunións das Testemuñas de Xehová
No primeiro século os cristiáns xuntábanse regularmente para adorar a Xehová (Romanos 16:3-5). Lede Colosenses 3:16 e logo comentade esta pregunta:
-
Como adoraban a Xehová os primeiros cristiáns?
Na actualidade, as testemuñas de Xehová tamén se xuntan con regularidade nos seus lugares de culto. Para ver como son estas reunións, poñede o VÍDEO. Logo mirade o debuxo da reunión de congregación e comentade estas preguntas:
-
Que parecidos ves entre o que pasa nun Salón do Reino e o que di Colosenses 3:16?
-
Viches no vídeo ou no debuxo algo máis sobre as reunións que che guste?
Lede 2 Corintios 9:7 e logo comentade esta pregunta:
-
Por que as Testemuñas de Xehová non piden cartos nas súas reunións?
Mirade xuntos de que se vai falar nunha das reunións desta semana.
-
Que parte da reunión che parece máis interesante ou práctica?
Sabíalo?
En jw.org podes atopar onde e cando teñen lugar as nosas reunións en todo o mundo.
-
As nosas reunións inclúen discursos, vídeos e preparación para predicar e ensinar. Cada reunión comeza e remata cunha canción e unha oración
-
Nalgunhas partes do programa invítase ós asistentes a participar
-
Todo o mundo é benvido, homes, mulleres, nenos e maiores
-
As nosas reunións son gratuítas. Non se cobra entrada e nunca se fan colectas
5. Ir ás reunións implica esforzo
Pensa no exemplo da familia de Xesús. Para ir a unha celebración anual tiñan que camiñar uns 100 km dende Nazaret ata Xerusalén por unha zona montañosa. Lede Lucas 2:39-42 e logo comentade estas preguntas:
-
Pensas que implicaba esforzo facer esa viaxe ata Xerusalén?
-
Por que é posible que teñas que esforzarte para ir ás reunións?
-
Pensas que paga a pena? Por que?
A Biblia di que é moi importante xuntarse para adorar a Xehová. Lede Hebreos 10:24, 25 e logo comentade esta pregunta:
-
Por que deberiamos ir ás reunións regularmente?
HAI QUEN DI: “Non fai falta que te xuntes con outros para adorar a Deus, chega con que leas a Biblia na casa”.
-
Que texto ou exemplo da Biblia nos ensina o que quere Xehová?
RESUMO
Ir ás reunións axudarache a aprender máis sobre Xehová, a facer máis forte a túa amizade con el e a adoralo xunto a outras persoas.
Repaso
-
Por que nos anima Xehová a reunirnos?
-
Que vas aprender nas reunións das Testemuñas de Xehová?
-
De que outros xeitos pensas que che pode axudar ir ás reunións?
INVESTIGA
Ponte nervioso pensar en ir a unha reunión? Mira por que un home que se sentía así chegou a desfrutar moito delas.
Descubre por que lle chegaron a gustar tanto as reunións a un mozo e que fixo para seguir indo.
Aprende o que pensan outras persoas sobre ir ás reunións.
“Por que debería ir ás reunións no Salón do Reino?” (Artigo web)
Descubre como ir a unha reunión das Testemuñas de Xehová lle cambiou a vida a un home que pertencía a unha banda violenta.
“Non ía a ningún sitio sen a miña pistola” (La Atalaya, 1 xullo 2014)
Pode que tamén che guste
PREGUNTAS FRECUENTES
Como son os cursos da Biblia que ofrecen as testemuñas de Xehová?
Co curso da Biblia interactivo e gratuíto das testemuñas de Xehová, poderás usar calquera tradución da Biblia e invitar a calquera familiar ou amigo que desexes.
