ANG ỌJẸ́JẸ 10

Ụgbẹyị Oyina Ọjịra-jịra nya Alibeenu nya IJihova à Tị́ ka Dang Ụbwọ?

Ị wụrụng ka ọjịra-jịra nya Alibeenu nya iJihova ẹnẹhẹ lẹẹ? Kori ká ka ẹnẹhẹ lẹka, ọ ka lang abwẹbwẹhẹ la ọkaka ụka nya ọgbanyẹ myị́. À ka kụ irya myị́: ‘Ịyẹ ị tị́ kaa họ ọọjịra-jịra ịwẹ? Ịyẹ tị́ du kị baba? Ịyẹ tị́ du kam ka ka?’ A-ang ọjẹ́jẹ ọlẹ, à ka jẹ́ jaabwọ ká ọ-ka ọjịra-jịra bala angịkịla ka jẹ́-ẹ tụ́ng ju Ohe chwẹẹ bala ọ-dang ahụ ayịdang ụbwọ.

1. Ịyẹ tị́ du ká Alibeenu nya iJihova kaa la ọjịra-jịra?

Yẹ jaabwọ ká ọngọ da ịBayịbụụ ọhẹ ya ẹla ọkpọnchị ọlẹ kọ du kahị baba nyọka tọ awụlẹ: “M̀ gwogbo ha [iJihova] ẹ-ẹpwarịrị nya ọjịra-jịra nya angịnyị nyamwụ.” (Eje Ọnyịịla 26:12) Ụgbẹyị ọwọwa, Alibeenu nya iJihova kaa ye ọkẹkẹnị ọtụka bwula ọ-ka ọjịra-jịra. Ụpa nya odehe wuu, ị kaa to awụlẹ epwihi ọnyị myị́ ọnyị nyọka yogbo ha Ohe, mweje, bala ọ-raabwọ. Ụka ịmanyị-ịmanyị ẹ-ẹpwụ nya ẹka, ị kaa ka ọtụguru ịtụka nyọka gbịgba ha Ohe.

2. Ịyẹ a tị́ ka jẹ́ ọọjịra-jịra nyahị?

Ọọjịra-jịra, ahị kaa mẹ ang jẹ bwu Omyi Ẹla nya Ohe, juwa “yọọ da lọnụ dodehe” bala ọ-wụlẹ etu nyamwụ. (Wa iNehemaya 8:8.) Ọọjịra-jịra nyahị, à ka jẹ́ ang u-uhye nya iJihova bala abwụma ịnyịịla nyamwụ. Jaabwọ ká wẹẹ jẹ́ ang gụ ọwọwa u-uhye nya ọháha ọlẹ kọ la ẹ-ẹga nyang, à ka tụ́ jwoo chwẹẹ gụ ọwọwa ịnyịnyị. À ka yẹ ịnyịnyị jaabwọ kọ ka dang ụbwọ la ọhịhị ọ-la etu.—Ayịsaya 48:17, 18.

3. Ányị a tị́ ka ye apyobwuna bwula ọ-yẹjula angịkịla ọọjịra-jịra nyahị?

IJihova byihi yẹkẹẹ, ‘anụ juwa du awụlẹ ju ọháha ọlala bala ụkụrwọ ọnyịịla ọhọhọ. Anụ juwa yẹhị da ọjịra-jịra ọlala lawụlẹ nyanụ bwee kpong-kpong ka.’ (Ala iHiburu 10:24, 25) Ọọjịra-jịra nyahị, à ka ta angịlẹ kị kaa kpahị ju awụlẹ nyịlẹhị, kị tị tịtọ nyọka jẹ́ ang gụ ọọwa u-uhye nya Ohe Oluhye, lala ahụ-ahụ. À ka wo kị ka ya ẹla o-ju awụlẹ ọhụ bwu ẹpwụ nya ịBayịbụụ. (Wa Ala iRom 1:11, 12.) À ka myịmyị tọ angịkịla, angị ye ahụ bala ọ-rwọrụ bala angị họ ịnyị lẹka, ịlẹ kị kaa chị ọkẹkẹnị nanana nyori ị ka la akama juwa myị́. Ang ịhyẹ ịlẹ kị du ká iJihova tịtọ kahị ka tawụlẹ ụka myị́ ụka à wẹ lẹ!

JẸ́ GỤ ỌỌWA

Jẹ́ ang ọlẹ kị kaa họ ọọjịra-jịra nya Alibeenu nya iJihova bala ang odudu kọ há kahị ka maga nyọka ka ọjịra-jịra ịwẹ.

4. Ọjịra-jịra nya Alibeenu nya iJihova

Lụka onyogo, Angịnyị nya ịKịrayịsị kaa tọ awụlẹ ụka myị́ ụka nyọka gbịgba ha iJihova. (Ala iRom 16:3-5) Wa Ala iKolosi 3:16, kanụ ya ẹla u-uhye nya ịtọ ẹla ọlẹ:

Ányị Angịnyị nya ịKịrayịsị nya ọgbanyẹ à tị́ kaa gbịgba ha iJihova?

Alẹ, Alibeenu nya iJihova kaa tawụlẹ ịnyịnyị ẹ-ẹga ọgbịgba. Nyọka yẹ jaabwọ ká ọjịra-jịra nyaa kaa la, Yẹ IFIM ọwẹ. Kori ká họ ịnyị kpá, à yẹ ụrụrụ nya ọjịra-jịra ọwẹ, kanụ ya ẹla u-uhye nya ịtọ ẹla ịlẹ.

IFIM: Ịyẹ Ị Tị-ị Họ u-Ube nya Ịpyị-Adịrahụ? (2:12)

Ányị ẹla ọlẹ kịị họ u-Ube nya Ịpyị-Adịrahụ à tị́ me ẹla ọlẹ ká wa bwu ụpwụ nya Ala iKolosi 3:16?
Bwu ẹpwụ nya ifim ọwẹ lee ifoto ọwẹ, à yẹ ịngịhyẹ ọkịla ọlẹ kọ kpụng ịpyọ u-uhye nya ọjịra-jịra?

Wa 2 Ala ịKọrịntị 9:7, kanụ ya ẹla u-uhye nya ịtọ ẹla ọlẹ:

Ịyẹ tị́ du kịị da angịnyị okpoko ọọjịra-jịra nya Alibeenu nya iJihova ka?

Ahụ bala ọngọmẹjẹ nyang a kụ ẹhị yẹ ẹla ọlẹ kị wẹẹ ka jẹ́ ọọjịra-jịra nya epwihi ọlẹ.

Ụpa nya ọjịra-jịra oyina bwu ẹpwụ nya ịwẹ a tị́ me irya kọ ka kpịpyọ lee o-ju apyobwuna hang?

À jẹ́ ẹla ọlẹ?

Ịị jw.org, à ka jẹ́-ẹ jẹ́ ẹga bala ụka ọlẹ kị kaa họ ọjịra-jịra ụpa nya odehe wuu.

Ọọjịra-jịra nyahị, ahị kaa ke ụrụ wo ẹla oyaya, yẹ ọ-họ mẹjẹ bala ifim. Ọjịra-jịra kaa dọmwụ bala ocheju la eje bala abwọ ọrịrị
Ụka ọhẹ ọọjịra-jịra, ị kaa ya iwe da ká angịnyị ka wẹ ịtọ ẹla
Ahị da ọng myị́ ọng wuu ọwụraba—ugbiyegu, angị ji lụbwaa, angịgbahị, bala anjwo
Ịị nwuri nyọka wẹ ọjịra-jịra nyahị ka. Alibeenu nya iJihova á tị kaa da angịnyị okpoko lee ọ-kpa ẹja nya ọhaha tụ́ angịnyị da ka

5. Ọjịra-jịra ọkaka ju aga ọmama ẹ-ẹpwụ

Kụ ẹhị yẹ ọ-chụ pwokwita nya ugbiyegu nya iJisọsị wẹẹ. Nyọka ka ube ịgọgọ ẹka ọnyị myị́ ọnyị, ị kaa jẹdịyẹ bwu uhye nya ịgbọdọ lala ịmayịlị 60, bwu ịNasareti ka iJerusalẹm. Wa iLuku 2:39-42, kanụ ya ẹla u-uhye nya ịtọ ẹla ịlẹ: