Jehovah Iseriotu ị́ tịịn anị yetolumọyọ a mú dẹ a o? Ị́mịnị naa kẹnị ifie kpọ múgha aba, iné mú mịnị bọlọụ ifie mị, ị́mịnị bụọze kpọ paa emi. Ị́mịnị iroro a paa emi: ‘Teeki yetolumọyọ bọọ paa mịnị a o? Yetolumọyọmọ tetuu kị duonị yelaa emi a o? Tetuu kị duonị ịmịnị mú agbẹị emi a o?’ Bei egberitịbị mị, yetolumọyọ a mú mị, baratụa ị́ pịrị mịnị bara, bá ị́ mịẹ Ọkpọnanaowei mọ naịn mịnị bara, ị́ mọ tolumọ mịnị.

1. Omịnị tetuu kị duonị kẹnịsụọmọ yetolumọ agbẹị emi a o?

Kẹnị Bible fun gẹẹ-owei omịnị bẹnịị yetolumọ agbẹị emi tuu gbaa mị: “Ịmịnị itu bolou bọọ Jehovah tokoni mịnị.” (Psalm 26:12) Bịsẹ kpekẹnị bara bị Jehovah Iseriotu kpọ bolouịmbẹlẹ timi gbelei yetolumọ mịnị. Akpọyọrọịsẹ, amịnị wiki ovurumọsẹ gbelei wẹrị Ọkpọnanaowei tokoni, numu tuun, bá tẹẹbịbị mịẹ mịnị. Kụraịbosẹ amịnị bẹnịị-ama kpọ a mú mịnị.

2. Wó yetolumọyọmọ ị́ mọ duo teeki tolumọ akị mịnị a o?

Wó yetolumọyọmọ, omịnị Ọkpọnanaowei egberi kị tolumọ mịnị, “Bible bị akị gaan bara tuu gbaa mịnị.” (Nehemiah 8:8 goo.) Ị́mịnị bo daba, ị́ kpọ laa Jehovah mọ má wo ebi inyenrinbụọbo mọ tolumọ mịnị. Omịnị ị́ tarị emi bara ị́ mọ nimi mịnị yọmị, ị́ mịẹ ụ mọ mọ́ naịn dẹịn mịnị. Omịnị baratụa ị́ pịrị dọọ ebi ụndụ nana mịnị bara kpọ, ị́ mọ nimi mịnị.—Isaiah 48:17, 18.

3. Yetolumọyọ bọọ emi otumọ tebara ka kị baratụa ị́ pịrị mịnị a o?

Jehovah gbaa amọ “omịnị tọrụ tụa zọzọ dii anị kị wó laa zọzọ tarị má ebi fịrị-ama wẹnị dẹ, wó kẹnị a gbele mụ yọ gbeinmọ koromọ kụmọ.” (Hebrews 10:24, 25) Wó yetolumọyọ bị, gesii bara zọzọ tarị emi má Ọkpọnanaowei nimi dọụ emi kịmịama ị́ mọ ẹrị mịnị. Amịnị Bible duo zọzọ kụrọmọ mịnị bara ị́ mọ dọụ ẹrị mịnị. (Romans 1:11, 12 goo.) Ị́mịnị laa taa mọ yei mọ otu, má naa yei anịaghakpọ ere nanagha otumọ ẹrẹtei mịnị. Bei tuumọ kị duonị Jehovah omịnị ifiemọsẹ kẹnị a gbele yetolumọ dọụ emi!

 EBIBARA TUUDỌỤ

4. Jehovah Iseriotu yetolumọ yọmọ

Bọlọụ kụraị sọnran-sii ifie mị, Christtuuduo-otu ifiemọsẹ kẹnị a gbelei Jehovah karị timi mị. (Romans 16:3-5) Colossians 3:16 goo dá, bei biibịbị kẹrị ẹrẹtei:

• Bọlọụ kụraị sọnran-sii Christtuuduo-otubo, tebara ka kị Jehovah karị timi ma o?

1. (A) Wó yetolumọyọ bị ẹrẹ-egberiama, mịẹdịayeama, bá vidioama kpọ emi. Omịnị numu tuun má tẹẹbịbị ka kị tolumọye fini má kunumọ mịnị

2. Yetolumọyọ mị, zụa ịkọkịama, egberi pei mịnị otu kpọ laa fomuun nana wẹrị ­biibịbị parụ mịnị

3.   Omịnị kịmị sẹlẹgha—warịbolou-otu, naa yei anịghakpọ ere nanagha-otu, kosu-otu, má kala-awọụ kpọ bo a paa emi

4. Omịnị wó yetolumọyọ bọọ sịlị akịgha

5. Angọ tụa yetolumọyọ a mú

• Tetuu kị duonị omịnị ifiemọsẹ yetolumọyọ mú agbẹị emi a o?

 KỊLỌỌBARA

Yetolumọyọ mú mịnị yọmị, baratụa ị́ pịrị Jehovah nimi dẹịn, ị́ mọ ụ mọ mọ́ ikie mịẹ palịị dẹịn, bá fomuun akị ị́ pịrị wẹrị laa zịnị-otu mọ kẹnịsụọmọ ụ karị mịnị.

Waị diitụa

• Jehovah tetuu kị duonị omịnị kẹnị a gbelei ụ karị bara gbaa ma o?

• Ị́mịnị wó yetolumọyọmọ duo teeki tolumọ akị mịnị a o?

• Wó yetolumọyọ mú mịnị yọbị, zịnị arere emi a o?