TIMEƔRI TIS 10

Acu n lfayda ara k-d-awin inejmuɛen n Inagan n Yahwa?

SEL S

Yella wasmi i tḥedṛeḍ i yiwen seg inejmuɛen n Inagan n Yahwa? Ma yella leɛmeṛ i teḥdiṛeḍ, ahat aţ-ţetqellqeḍ lukan a k-id-yeɛreḍ walbeɛḍ i tikkelt tamezwarut. Yezmer lḥal teqqareḍ-as: “D acu i geţţilin deg inejmuɛen-agi? Ayɣer i sɛan azal? Acimi i glaq ad ḥedṛeɣ?” Di tmeɣri-yagi, aţ-ţwaliḍ belli m’ara teţnejmaɛeḍ akk-d wiyaḍ, aţ-ţesseǧhdeḍ lɛalaqa-inek akk-d Ṛebbi yerna d ayen ara k-iɛiwnen di tudert-ik.

1. Ayɣer i ţnejmaɛen Inagan n Yahwa?

Yiwen seg wid yuran Adlis Iqedsen yenna-d acuɣer i gesɛa mliḥ azal a neţnejmaɛ. Yenna-d: “Deg unejmuɛ ameqran, ad ḥemdeɣ Yahwa” (Ahellil 26:12, TMN). Ass-agi daɣen, Inagan n Yahwa zgan ţnejmaɛen yerna xeddmen ayagi s lfeṛḥ. Di ddunit meṛṛa, ţnejmaɛen mkul smana iwakken ad ɛebden Ṛebbi, a t-ḥemden s ccnawi w’a s-ţẓallan. Yerna, ţheggin-d daɣen inejmuɛen imeqranen kra n tikkal deg useggas.

2. D acu ara d-tlemdeḍ deg inejmuɛen-agi?

Deg inejmuɛen-agi, Inagan n Yahwa sselmaden Adlis Iqedsen; ‘ţţaken-d lmeɛna-s iwakken a d-ssefhmen ayen i d-iqqar’ (ɣer-ed Naḥamya 8:8). Ma tḥeddṛeḍ, aţ-ţissineḍ akteṛ n leḥwayeǧ ɣef Yahwa akk-d ṣṣifat-is yetɛeddan. M’ara tfehmeḍ acḥal i k-iḥemmel, aţ-ţebɣuḍ akteṛ aţ-ţqerrbeḍ ɣur-es. Aţ-ţwaliḍ daɣen belli yezmer a k-iɛiwen akken aţ-ţafeḍ lfeṛḥ di tudert-ik (Icɛaya 48:17, 18).

3. Acu n lfayda ara k-d-awin inejmuɛen?

Yahwa iḍleb-aɣ-d ‘a neţţemḥadar gar-aneɣ, wa ad isseḥṛac wa ɣer leḥmala akk-d lefɛayel yelhan, yerna ur ilaq ara a neţţaǧǧa inejmuɛen-nneɣ’ (Iɛebṛaniyen 10:24, 25, TMN). Deg inejmuɛen, a d-temlileḍ lɣaci i geţḥebbiṛen s ṣṣeḥ ɣef wiyaḍ, i gebɣan am kečč ad issinen akteṛ ɣef Ṛebbi. Dinna, a sen-tḥesseḍ m’ara d-heddṛen ɣef wayen i ten-isseǧhaden deg Wedlis Iqedsen (ɣer-ed Iṛumaniyen 1:11, 12). Aţ-ţemlileḍ d lɛibad i geţɛicin di lfeṛḥ, ɣas akken ţmagaren-d cceddat am medden meṛṛa. Atentan ihi kra n ssebbat iɣef i gebɣa Yahwa a neţnejmaɛ!

A NNADI A NEFHEM AKTEṚ

A nehdeṛ ɣef wayen i geţţilin deg inejmuɛen n Inagan n Yahwa w’a nẓer acuɣer i gelha a nḥeddeṛ i inejmuɛen-agi.

4. Inejmuɛen n Inagan n Yahwa

Di lqern amezwaru, imasiḥiyen zgan ţnejmaɛen iwakken ad ɛebden Yahwa (Iṛumaniyen 16:3-5). Ɣret-ed Ikulusiyen 3:16, mbeɛd hedṛet ɣef westeqsi-yagi:

Amek i ţţeɛbaden Yahwa imasiḥiyen imezwura?

Ass-a, Inagan n Yahwa daɣen zgan ţnejmaɛen. Bidyu-yagi ara d-itebɛen a k-d-tessken d acu i geţţilin deg inejmuɛen-nsen. Walit BIDYU-YAGI. Mbeɛd walit ţţewṣifa n unejmuɛ thedṛem ɣef yesteqsiyen-agi:

BIDYU: Acu i geţwaxdamen di Tzeqqa n Tgelda? (2:12)

Amek i geţţemcabi wayen yeţwaxdamen di Tzeqqa n Tgelda akk-d wayen i d-teɣriḍ deg Ikulusiyen 3:16?
Di bidyu akk-d ţţewṣifa-yagi i twalaḍ, tella lḥaǧa i k-iɛeǧben, ara k-yawin aţ-ţebɣuḍ aţ-ţḥedṛeḍ i inejmuɛen?

Ɣret-ed 2 Ikurintiyen 9:7, mbeɛd hedṛet ɣef westeqsi-yagi:

Anekcum ɣer inejmuɛen n Inagan n Yahwa baṭel. Iwacu?

A nwali lwaḥid d acu ara yilin deg unejmuɛ i d-iţeddun.

Anwa aḥric n unejmuɛ i k-iɛeǧben yerna ara k-inefɛen akteṛ?

Tɛelmeḍ?

Deg wesmel jw.org, aţ-ţafeḍ imukan akk-d ssaɛa ideg i d-ţţilin inejmuɛen di ddunit meṛṛa.

Deg inejmuɛen-nneɣ ţţilint lxeṭbat, timeskanin akk-d bidyuwat. Inejmuɛen-agi beddun yerna ţfakkan s ccna akk-d tẓallit.
Di kra n yeḥricen seg inejmuɛen-agi, imeḥdaṛ zemren a d-ǧawben.
Nesteṛḥib s medden meṛṛa: tiwaculin, wid ur nezwiǧ ara, wid meqqren di leɛmeṛ akk-d yelmeẓyen.
Inejmuɛen-nneɣ baṭel. Inagan n Yahwa ur k-d-ṭṭalaben ara idrimen.

5. Laqen lmeǧhudat akken a neḥdeṛ i inejmuɛen

A nwali lwaḥid lemtel n twacult n Ɛisa. Mkul aseggas, leḥḥun azal n 100 kilumitrat deg wedrar akken ad ṛuḥen ɣer Yarucalim ad ɛebden dinna Ṛebbi. Ɣret-ed Luqa 2:39-42, mbeɛd hedṛet ɣef yesteqsiyen-agi:

D acu i teţxemmimeḍ, yeshel ad ṛuḥen alamma d Yarucalim?
Ɛlaḥsab-ik, acu n lmeǧhudat i glaq aţ-ţxedmeḍ akken aţ-ţḥedṛeḍ i inejmuɛen?
Ɛlaḥsab-ik, a k-d-awin lfayda inejmuɛen-agi? Acuɣer?

Adlis Iqedsen yeqqar-ed belli yesɛa mliḥ azal a neţnejmaɛ iwakken a neɛbed Ṛebbi. Ɣret-ed Iɛebṛaniyen 10:24, 25, mbeɛd hedṛet ɣef westeqsi-yagi: