LIÇÃO 10
Jeová Kãmén Fã vẽnhmãn ag hã ren kỹ ã ajũna ke tĩ?
à mỹ ẽg Vẽnhmãn vé huri? Hãn ri ke mũn ã pijé ẽg vẽnhmãn ũ vé ver, ã tỹ mỹꞌ ãg nĩn kỹ. Hã ra, hãn ri ke mũ ã tóg ãkrén tĩ: ‘Ne nỹ vẽnhmãn ag ki hãn ri ke tĩ? Ne tugnĩn inh mỹ há nĩ? Inh ne tugnĩn vẽnhmãn ti venh tĩnh mũ?’ Lição tag kã ã tóg kanhrãn ke mũ, ẽg vẽnhmãn ag hã ren kỹ ã ajũna ke tĩ ti, ã tỹ tĩg há han jé, kar ã tỹ Topẽ mré há kãfór nĩ jé.
1. Jeová Kãmén Fã ag ne tugnĩn jagnẽ vẽnhmãnmãn tĩ?
Ũn tỹ Topẽ Vĩ Rá ki rán ja vỹ tó: “Kỹ isóg ẽg tỹ vẽnh mãn kỹ nỹtĩn kỹ ti mỹ vĩ há han ke mũ”. (Salmo 26:12) Gen kỹ, ti vỹ kãmén ẽg ne tugnĩn jagnẽ vẽnh mãn tĩ: ẽg tỹ jagnẽ vẽnh mãn tĩ, ẽg tỹ Topẽ mỹ vĩ há han jé. Hã kỹ, Jeová Kãmén Fã ag vỹ jagnẽ vẽnh mãn tĩ, ag tỹ Topẽ mỹ vĩ há han, Topẽ mré vãmén kar Topẽ mỹ tỹgtỹnh jé. Kejãn, ag tỹ Vẽnhmãn mág han tĩ gé. Jeová Kãmén Fã ag vỹ jagnẽ vẽnhmãnmãn mũ to há tĩ.
2. Ã ne kanhrãn ke mũ, ẽg vẽnhmãn ag ki?
Ẽg vẽnhmãn ag ki, ẽg vỹ Topẽ Vĩ Rá to kanhrãn tĩ. Ẽg tỹ Topẽ Vĩ Rá le ken kỹ, ẽg “tóg vẽnh kar mỹ kãmén tĩ gé, ne tỹ ki rán kỹ nĩ ti”. (Neemias 8:8 le kem nĩ.) Tá, ã vỹ Jeová to kanhrãn ke mũ, kar ti nén ũ há ag to. Ẽg vẽnhmãn ag ki, ã tỹ Jeová tỹ ã to há nĩ to kanhrãn kãfór kỹ, tag vỹ ã tỹ ti mré há kãfór nĩ han ke mũ. Ã vỹ kanhrãn ke mũ gé. Topẽ hã ren kỹ ã ajũna ke tĩ ti, ã tỹ mỹ há kãfór nĩnh jé. — Isaías 48:17, 18.
3. Ã tỹ vẽnhmãn ag ki ũnꞌũ ag ki kanhró kỹ, tag ne tugnĩn ã mỹ há nĩnh mũ?
Jeová vỹ ẽg mỹ ke tĩ: ‘Jagnẽ mĩ ẽkrén nĩ, ãjag tỹ jagnẽ jyvẽn jé. Vẽnh kar to há nĩm nĩ. Nén ũ há kar han nĩ. Vẽnhmãn venh kãmũm nĩ’. (Hebreu 10:24, 25) Vẽnhmãn ag ki, ã tỹ ũn tỹ Jeová to há nĩ ag ki kanhró ke mũ. Tá, ã tỹ ũn tỹ Topẽ Vĩ Rá ki vẽnh vĩ sér tó mũ venh ke mũ. (Roma 1:11, 12 le kem nĩ) Kar ã tóg venh ke mũ, ũn ag tỹ nén ũ jagy kato tãnh ja ra, ag tỹ mỹ há nỹtĩ. Ã ri ke, fag tỹ Topẽ to kanhrãn kãfór sór tĩ. Hã kỹ, Jeová tỹ ẽg tỹ jagnẽ vẽnhmãn mũ ve sór tĩ!
VẼNH KANHRÃN KÃFÓR NĨ
Ha vé Vẽnhmãn Han Fã ki ne hãn ri ke tĩ ti. Vẽnh kanhrãn nĩ gé, ẽg tỹ vãsãnsãn kỹ, vẽnhmãn ra mũ jé, tag ne tugnĩn ẽg mỹ há nĩ ti.
4. Jeová Kãmén Fã ag vẽnhmãn ag ki kanhró nĩ
Vãsỹ apóstolo ag, kar Jesus mré ke ag tỹ jagnẽ vẽnh mãn tĩ vã, Jeová mỹ vĩ há han jé. (Roma 16:3-5) Colossos 3:16 le kem nĩ. Kar jagnẽ mré vẽmén nĩ, tag to:
-
Vãsỹ apóstolo ag kar Cristo mré ke ag hã ren kỹ Jeová mỹ vĩ há han tĩ vã?
Ũri Jeová Kãmén Fã ag vỹ jagnẽ vẽnh mãn tĩ gé, Topẽ mỹ vĩ há han jé. Ã tỹ vẽnhmãn tag ag kanhró jé, ha vé VÍDEO ti. Kar kỹ vẽnhmãn kãgrá ti vem nĩ, kar jagnẽ mré vẽmén nĩ, nén ũ tag ag to:
-
Colossos 3:16 ki, Vẽnhmãn Han Fã ki, nén ũ ag tỹ ne hãn ri ke tĩ?
-
Vídeo ki, ke tũ nĩn kỹ kynhmỹ vẽnh kãgrá ki, nén ũ tỹ ne ã mỹ há kãfór nĩ?
2 Corínto 9:7 le kem nĩ. Kar jagnẽ mré vẽmén nĩ, tag to:
-
Ne tugnĩn Jeová Kãmén Fã ag pi ũn ag mỹ jãnkamy to vĩ tĩ, ag vẽnhmãn ag ki?
Ũn tỹ ã kanhrãn tĩ mré tugnỹm nĩ, ã ne kanhrãn ke mũ ti, vẽnh mãn ki.
-
à hã mỹ, vẽnhmãn vẽnh kãpóv tỹ ne ã mỹ há kãfór ke mũ?
à mỹ ki kanhró nĩ?
Internet ki, jw.org ki, ã tóg venh mũ, hã tá vẽnhmãn ag hãn ri ke tĩ ti, kurã kar óra ti.
-
Ẽg vẽnhmãn ki, ẽg tỹ ũn tỹ Topẽ vĩ to kãmén mũ vigvég tĩ, kar vídeo ag ti. Ẽg vẽnhmãn início ki, ẽg tóg jagnẽ mré Topẽ mỹ tỹgtỹnh ke tĩ, kar ẽg régre ũ tỹ vẽnh kar jagfy Topẽ mré vãmén tĩ, kar vẽnhmãn fim ki, ẽg tỹ ge han mãn tĩ.
-
Ẽg vẽnhmãn ki, ũn tỹ Topẽ Vĩ Rá to kãmén sór kỹ, ti vỹ ge han tĩ.
-
Kãmũ há han nĩ, vẽnh kar mỹ: ũn ag, ũn tỹtá fag, ũn kófa ag kar gĩr ag.
-
Ẽg vẽnhmãn ki, ũn pi ũn ag mỹ jãnkamy to vĩ tĩ.
5. Ẽg tỹ vãsãnsãn ke nỹtĩ, vẽnhmãn ag vigvenh mũ jé
Prỹg kar ki, Jesus família vỹ Nazaré kãpa tĩ vã, ag tỹ Jerusalém ra mũ jé. Tag vỹ jagy tĩ vã, ag vỹ quilômetro tỹ 100 mĩ mũ ke nỹtĩ vã, kurã tẽgtũ kãmĩ kar ag pãnónh to jãgpry tĩ vã, ag tỹ tá junjun jé. Lucas 2:39-42 le kem nĩ. Kar kỹ jagnẽ mré vẽmén nĩ, nén ũ tag ag to:
-
à hã mỹ, fag mỹ vãsãnsãn ke nỹtĩ vã, fag tỹ ẽmã tỹ Jerusalém ra mũ jé?
-
Hẽn ri ke mũ, ã ne tugnĩn vãsãn ke nĩ, ã tỹ vẽnhmãn ra tnh jé?
-
à hã mỹ, tag mỹ ã mỹ há nĩnh mũ? à ne tugnĩn ge ãkrén tĩ?
Topẽ Vĩ Rá vỹ kãmén tĩ, ẽg tỹ ũn ag mré vẽnh mãn ke nỹtĩ, ẽg tỹ Jeová mỹ vĩ há han jé. Hebreu 10:24, 25 le kem nĩ. Kar kỹ jagnẽ mré vẽmén nĩ, tag to:
-
Ẽg ne tugnĩn vẽnhmãn kar ra mũnh ke nỹtĩ?
ŨN PIPIR AG VỸ KE TĨ: “Isỹ Topẽ Vĩ Rá le ken kỹ, tag tãvĩn vỹ há nĩ, inh pi vẽnhmãn venh tĩg ke nĩ, sỹ Topẽ mỹ vĩ há han jé.”
-
Topẽ Vĩ Rá ki, vẽnh rá tỹ ne ẽg mỹ ven tĩ, Jeová ne tag to jykrén nĩ ti?
à NE KANHRÃN JA TI
à tỹ vẽnhmãn ag venh tĩg kỹ, ã tỹ Jeová to kanhrãn kãfór ke mũ, kar ã tỹ ti mré há kãfór ke mũ gé. Kar vẽnhmãn ag ki, ã tỹ ũn ag mré Topẽ mỹ vĩ há han ke mũ.
Jykrinkrén mũ
-
Jeová ne tugnĩn ẽg tỹ jagnẽ vẽnhmãn mũ ve sór tĩ?
-
à ne kanhrãn ke mũ, Jeová Kãmén Fã ag vẽnhmãn ag ki?
-
à hã mỹ, Vẽnhmãn ag hã ren kỹ ã ajũna ke kãfór ke mũ?
VẼNH KANHRÃN KÃFÓR MŨ
à mỹ mỹꞌã nĩ, vẽnhmãn ra tĩ jé? Tag vỹ ũn mỹ hãn ri ke ke. Ha vé, ti ne tugnĩn vẽnhmãn to há mũ ti.
Ẽg pi hã re kã kã jatun ke mũ, ag hã ren kỹ inh ki rĩr ke ti (4:16)
Ha vé, ne tugnĩn ũn kyrũ vỹ vẽnhmãn to há tĩ ti, kar ti ne han ja ti, ti tỹ vẽnhmãn venh hã ki tĩ jé.
Ha kanhrãn nĩ, ũnꞌũ ag ne vẽnhmãn to jykrén tĩ ti.
“Vẽnhmãn Han Fã ki, ũn ag mré vẽnhmãn ne tugnĩn ẽg mỹ há nĩ?” (Vẽnh rá tỹ jw.org ki)
Vãsỹ ũn tỹ tỹ jũ kamã nĩ vã, kar ti mré ke ag vỹ tỹ jykre kórég nỹtĩ vã. Ha vé ti tỹ Jeová Kãmén Fã vẽnhmãn ti venh tĩg kỹ, ti tóg nén ũ kórég ag tovãnh mũ.
“Inh mokó vỹ inh mré nĩgtĩ vã.” (A Sentinela, 1 tỹ julho 2014)
