ДӘРСА 10
Щьватед Шәʹдед Йаһоԝа Чьда Дькарьн Кʹаре Тәрʹа Биньн?
Тӧ ԛә чуйи щьватед Шәʹдед Йаһоԝа? Һәрге на, дьбәкә тӧ хԝә әглә дьки, чьмки ньзани ԝедәре чь дьԛәԝьмә. Дьбә кӧ пьрсед ӧса щәм тә пешда тен: «Гәло чьрʹа әԝ щьват фәрз ьн? Чьрʹа әз гәрәке һәрʹьм ԝан щьвата?» Жь ве дәрсе тӧйе пебьһʹәси, ԝәки чаԝа щьват дькарә али тә бькә, кӧ дьһа незики Хԝәде би у сәва хԝә жи кʹаре бьстини.
1. Чьма Шәʹдед Йаһоԝа щьвата дәрбаз дькьн?
Ньвискʹарәки Кʹьтеба Пироз әʹйан кьр, ԝәки чьԛас фәрз ә тʹәвайи бьщьвьн. Әԝи гот: «Щьватада әзе пәсьне Хӧдан бьдьм» (Зәбур 26:12). Шәʹдед Йаһоԝа жи мина хьзмәткʹаред Хԝәдейә бәре, тʹәвайи дьщьвьн, чь кӧ шабунәкә мәзьн ԝанарʹа тинә. Тʹәмамийа дьнйайеда һәр һʹәфтийе әԝана тʹәвайи тʹоп дьбьн, сәва кӧ пәсьна бьдьнә Хԝәде, кʹьламед пәсьндайине бьстьрен у дӧа бькьн. Хенщи ԝе йәке, сале чәнд щара әԝана сәр щьватед мәзьн жи тʹоп дьбьн.
2. Әм сәр щьвата чь һин дьбьн?
Сәр щьвата әм Хәбәра Хԝәде һин дьбьн у мәʹна ԝе зәлал шьровәдькьн (Бьхунә Нәһәмийа 8:8.) Һәрге тӧ һәрʹи сәр щьватед Шәʹдед Йаһоԝа, тӧйе дәрһәԛа Йаһоԝа у хәйсәт-һʹӧнӧред ԝийи баш, һе зедә пебьһʹәси. Тӧ чьԛас һе зедә пебьһʹәси дәрһәԛа һʹьзкьрьна Йаһоԝа һьндава хԝә, һаԛас һе зедә тӧйе бьхԝази незики ԝи би. Сәр ԝан щьвата тӧйе ӧса жи пебьһʹәси, ԝәки ча гәрәке бьжийи кӧ нета жийина тә һәбә у бәхтәԝар би (Ишайа 48:17, 18).
3. Щьватед Шәʹдед Йаһоԝа чьда дькарьн бона тә кʹар бьн?
Йаһоԝа тʹәмийе дьдә мә, ԝәки әм «һʹьзкьрьне у ԛәнщикьрьнеда һелана бьдьнә һәв» у «дәст жь льһәвщьвине нәкʹьшиньн» (Ибрани 10:24, 25). Сәр щьвата тӧйе ԝан мәрьва бьвини, кʹижан кӧ бь рʹасти бона һәв хәм дькьн у мина тә дьхԝазьн һе зедә дәрһәԛа Хԝәде пебьһʹәсьн. Хенщи ԝе йәке тӧйе бьвини, ԝәки әԝана жь Кʹьтеба Пироз фькьред һелани дьбежьн (Бьхунә Рʹомайи 1:11, 12.) Мәщала тә ԝе һәбә, кӧ насийа хԝә бьди һьм мәрьвед азәп һьм жи йед зәԝьщи, кʹижан кӧ һәла һе нава проблемада жи шабуна хԝә ӧнда накьн. Әв тʹәне чәнд мәʹни нә, кӧ чьма Йаһоԝа дьхԝазә ԝәки әм щьвата бәрʹнәдьн!
КʹУР ЛЕКОЛИН КӘ
Пебьһʹәсә, кӧ щьватед Шәʹдед Йаһоԝа чаԝа дәрбаз дьбьн у чьма фәрз ә һʹәму тьшти бькьн, ԝәки һәрʹьнә щьвата.
4. Щьватед Шәʹдед Йаһоԝа
Мәсиһийед ԛьрʹна йәке һәргав тʹәвайи тʹоп дьбун, сәва кӧ Йаһоԝа бьһʹәбиньн (Рʹомайи 16:3-5). Бьхунә Колоси 3:16, у паше щаба ве пьрсе бьдә:
-
Мәсиһийед ԛьрʹна йәке чаԝа Йаһоԝа дьһʹәбандьн?
Иро жи Шәʹдед Йаһоԝа һәргав дьщьвьн. Сәва кӧ пебьһʹәси, ԝәки щьватед ԝан чаԝа дәрбаз дьбьн, вехә ВИДЕО. Паше дина хԝә бьдә сәр шькьле жь ве рʹупʹеле, у ван пьрса шеԝьр кә:
-
Әв йәк чь кӧ тә видеойеда дит у чь тә жь Колоси 3:16 хԝәнд, чаԝа һәвва гьредайи нә?
-
Чь дьһа зәʹф тә хԝәш һат, чахе тә видео йан шькьл дьньһерʹи?
Бьхунә 2 Корьнтʹи 9:7, у паше әве пьрсе шеԝьр кә:
-
Чьма сәр щьватед Шәʹдед Йаһоԝа, пʹәрә найенә тʹопкьрьне?
Тʹәви мәрьве кӧ Кʹьтеба Пироз тә һин дькә, бәрнама щьвате бьньһерʹә ԝәки пебьһʹәси, кӧ ве һʹәфтийе сәр щьвате ԝе чь бе шеԝьркьрьне.
-
Кʹижан пʹара бәрнамейә щьвате, дьһа зәʹф тә хԝәш те?
Ԝә заньбу?
Жь малпәра jw.org, тӧ дькари пебьһʹәси, ԝәки нав тʹәмамийа дьнйайе, щьватед мә кʹидәре у чь чах дәрбаз дьбьн.
-
А. Сәр щьватед мә һуне готара бьбьһен ӧса жи ԛьсәкьрьн у видеойа бьньһерʹьн. Щьватед мә, бь кʹьлам у дӧа дәстпедьбьн у хьлаз дьбьн
-
Б. Һьнә пʹаред бәрнамед щьватеда, мәрьв дькарьн щаба хԝә бьдьн
-
Щ. Һʹәму мәрьв дькарьн бенә щьвате; йед азәп у йед зәԝьщи, ӧса жи мәрьвед әʹмьрда мәзьн у зарʹ
-
Ч. Щьватед Шәʹдед Йаһоԝа бепʹәрә нә у ԝедәре пʹәрә найе тʹопкьрьне
5. Гәрәке ԛәԝате бьдьнә хәбате, кӧ бенә сәр щьвата
Ԝәре әм дәрһәԛа малбәта Иса шеԝьр кьн. Мәсәлә, әԝана гәрәке ԝәкә 100 километра, жь Ньсрәте һʹәта Оршәлиме, рʹийа чәтьнрʹа пʹийа бьчуна сәр щәжьне, кʹижан кӧ сале щарәке дәрбаз дьбу. Бьхунә Луԛа 2:39-42, у паше ван пьрса шеԝьр кә:
-
Ча тӧ дьфькьри, малбәта Исарʹа һеса бу һәрʹә Оршәлиме?
-
Чьма дьбәкә бона тә жи ԝе һеса нибә һәрʹи щьвата?
-
Ча тӧ дьфькьри, һежа йә ԝәки тӧ бона ве йәке ԛәԝате бьди хәбате? Чьма?
Жь Кʹьтеба Пироз әм педьһʹәсьн, ԝәки гәләк фәрз ә әм тʹәвайи бона һʹәбандьне бьщьвьн. Бьхунә Ибрани 10:24, 25, у паше әве пьрсе шеԝьр кә:
-
Чьма әм гәрәке һәргав бенә сәр щьвата?
ҺЬНӘ МӘРЬВ ДЬБЕЖЬН: «Әʹсәйи нинә тʹәвайи тʹоп бьн, чьмки малда жи дькари Кʹьтеба Пироз бьхуни.»
-
Жь кʹижан рʹезе, йан жь кʹижан сәрһатийа Кʹьтеба Пироз әм педьһʹәсьн, кӧ Йаһоԝа чь жь мә дәʹԝа дькә?
ТʹӘМАМКЬРЬН
Сәр щьвата тӧйе һе зедә дәрһәԛа Йаһоԝа пебьһʹәси, достийа хԝә тʹәви ԝи һе ԛәԝи ки у тʹәви мәрьвед дьн Ԝи бьһʹәбини.
Ԝәкʹьландьн
-
Чьма Йаһоԝа дьхԝазә кӧ әм тʹәвайи бьщьвьн?
-
Сәр щьватед Шәʹдед Йаһоԝа тӧйе чь пебьһʹәси?
-
Ча тӧ дьфькьри, бона тә щьват ԝе чьда керһати бьн?
ҺЕ ЗЕДӘ ПЕБЬҺʹӘСӘ
Дьбә кӧ тӧ һе дӧдьли йи һәрʹи сәр щьвате йан на? Пебьһʹәсә дәрһәԛа мәрьвәки, йе кӧ дьфькьри ԝәки һе һазьр нинә һәрʹә сәр щьвате, ле ԝәʹдә шунда әԝи щьват гәләк һʹьз кьр.
Пебьһʹәсә дәрһәԛа хортәки щаһьл, кӧ щьват ча ԝи хԝәш һат у әԝи чь дькьр, ԝәки һәргав һәрʹә щьвате.
Пебьһʹәсә, ԝәки мәрьвед дьн дәрһәԛа щьвате чь дьфькьрьн.
«Чьрʹа Әз Гәрәке Һәрʹьм Щьвина ль Одед Щьватада?» (Готара жь малпәре)
Пебьһʹәсә дәрһәԛа ԛачахәки, йе кӧ жийина хԝә гӧһаст паши ԝе йәке, гава һатьбу сәр щьвата Шәʹдед Йаһоԝа.
«Әз Бей Ԛьрʹмә Нәдьчумә Тʹӧ Щи» («Бьрща Ԛәрәԝьлийе», 1 Тирмәһе, 2014)
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
