LONGI DIA 10
Tukutakanu twa Mbangi za Yave Aweyi Tulenda Kusadisila?
Nga wayenda kala mu lukutakanu lwa Mbangi za Yave? Avo ve, nanga olenda mona wonga wa kwenda mo mu nkumbu antete. Nanga olenda kukiyuvula: ‘Nkia mambu mevangamanga muna tukutakanu twatu? Ekuma tunina o mfunu? Ekuma mfwete kwendela muna tukutakanu twatu? Mu longi diadi, olongoka e kuma olungana ye akaka dilenda kusadisila mu kala nkundi a Nzambi yo kusadisa muna zingu kiaku kia lumbu ke lumbu.
1. Ekuma tukutakanu tunina o mfunu?
Nsoneki mosi a Bibila wavova vo: “Muna nkutakani anene, ikembelela Yave.” (Nkunga 26:12) Diau dimosi mpe, Mbangi za Yave bekalanga ye kiese kia lungana kumosi. Mu nza yawonso, belungananga konso lumingu mu sambila Nzambi, yimbila yo samba. Muna konso mvu, bekalanga mpe ye tukutakanu twampwena mu sambila Yave.
2. Nkia mambu olongoka muna tukutakanu tweto?
Muna tukutakanu tulonganga Diambu dia Nzambi ‘mu mpila yakiá yo toma dio sasila.’ (Tanga Nekemiya 8:8.) Muna tukutakanu tweto olongoka mambu matadidi Yave ye fu yandi yambote. Vava obakula vo Nzambi otoma kuzolanga, dikufila mu kala nkundi andi. Obakula mpe una Nzambi kalenda kusadisila mu kala ye zingu kiakiese.—Yesaya 48:17, 18.
3. Nkia nluta olenda baka muna lungananga ye akaka muna tukutakanu tweto?
Yave okutuvovesanga vo: “twayinduziananga kimana twasikamesa o zola ye mavangu mambote kwa muntu yo nkwandi, ke tuyambula kutakana ko.” (Ayibere 10:24, 25) Muna tukutakanu tweto, owana mo wantu besongaziananga o zola ye bena ye luzolo lwa longoka mayingi mu kuma kia Nzambi nze ngeye. Owa malongi ye mvovo mia lukasakeso mitukidi muna Bibila. (Tanga Roma 1:11, 12.) Ozaya mpe mpangi zayingi, ampumpa ye ana basompa bena ye kiese kanele vo benuananga ye mambu mampasi. Ekiaki i kuma Yave kazolele vo twalungananga muna tukutakanu ye akaka.
ZAYA DIAKA MANKAKA
Zaya mana mevangamanga muna tukutakanu twa Mbangi za Yave ye nluta olenda baka muna kwendanga muna tukutakanu twatu.
4. Tukutakanu twa Mbangi za Yave
Muna tandu kiantete, Akristu bakutakananga ntangwa zawonso mu sambila Yave. (Roma 16:3-5) Tanga Kolosai 3:16, i bosi, vana e mvutu za kiuvu eki:
-
Aweyi Akristu a tandu kiantete basambidilanga Yave?
O unu mpe, Mbangi za Yave belungananga ntangwa zawonso muna fulu yau ya nsambila. Muna zaya mana mevangamanga muna tukutakanu, tala e VIDEO. I bosi, tala e fwaniswa kia lukutakanu yo vana e mvutu za yuvu ilende.
-
Nkia mambu mevangamanga muna Seka dia Kintinu mena betela ye mana otangidi muna Kolosai 3:16?
-
Muna video yovo muna fwaniswa, nga omwene diambu diankaka diyangidikidi mu kuma kia tukutakanu?
Tanga 2 Korinto 9:7, i bosi, vana e mvutu za kiuvu eki:
-
Ekuma Mbangi za Yave ke belombelanga nzimbu ko muna tukutakanu twau?
Kumosi yo nlongi aku, fimpa e programa ya lukutakanu ya lumingu lulanda.
-
Muna malongi ma lukutakanu, nkia longi omwene vo nluta kikilu dikutwasila?
Nga ozeye?
Muna nzil’eto ya internete jw.org, osolola mo e fulu ye ola ya tukutakanu mu nza yawonso.
-
Muna tukutakanu tweto tuwanga malongi yo tala nsongesela ye video. Tukutakanu tweto tuyantikilanga yo fokokela muna nkunga ye sambu
-
Muna malongi mankaka, wantu bevananga e mvutu
-
Konso muntu olenda kwiza kwandi—akazi, ampumpa, ambuta ye aleke
-
Muna tukutakanu tweto ke mu lombwanga nzimbu ko. Mbangi za Yave ke bevanganga nsinsani ko ngatu viokesa malonga muna sia nkayilu
5. Ngolo divavanga mu kwenda muna tukutakanu
Badika e nona kia nzo ina Yesu kasansukila. Muna kutakana muna lukutakanu lumosi lwavangamanga konso mvu, bakangalanga kilometa 100 muna nzila zazala ye miongo, tuka kuna Nazarete yakuna Yerusaleme. Tanga Luka 2:39-42, i bosi, vana e mvutu za yuvu eyi:
-
Adieyi obenze, ngolo diavavanga muna vanga nkangalu wau?
-
Ekuma ofwete vangila ngolo mu kwenda muna tukutakanu?
-
Avo ovangidi wo, nga nluta dikutwasila? Ekuma?
Bibila kivovanga vo okwenda muna tukutakanu mu sambila Yave diamfunu kikilu. Tanga Ayibere 10:24, 25, i bosi vana e mvutu za kiuvu eki:
-
Ekuma tufwete kwendelanga muna tukutakanu ntangwa zawonso?
AVO MUNTU UVOVESE VO: “Ke dina kwandi mfunu ko mu kwendanga muna tukutakanu. Olongoka e Bibila kuna nzo diafwana kwandi.”
-
Nkia sono yovo nona kina muna Bibila kisonganga vo Yave ozolele vo twakutakananga?
MAMBU MASINA MA LONGI DIADI
Okwenda muna tukutakanu dikusadisa mu longoka mambu mayingi mu kuma kia Yave, mu siamisa kikundi kiaku yo yandi ye kunsambila entwadi ye akaka.
Nkia Mambu Olongokele?
-
Ekuma Yave kekutukasakeselanga twakutakananga ye akaka?
-
Nkia mambu olongoka muna tukutakanu twa Mbangi za Yave?
-
Nkia mpila yankaka tukutakanu tulenda kusadisila?
TALA MPE OMA MALENDE
Adieyi ovanga avo wonga omonanga mu kwenda muna tukutakanu? Tala dina diasadisa muntu mosi mu sunda wonga yo yangalela kwenda muna tukutakanu.
Tala e kuma toko dimosi kayangalelanga tukutakanu ye dina kavanga muna kwamanana kwenda mu tukutakanu.
Tala una wantu ankaka bebadikilanga tukutakanu.
“Ekuma Tukwendelanga Muna Tukutakanu Muna Seka dia Kintinu?” (Longi dina muna jw.org)
Zaya muntu mosi wakala nkwa nsoki ye wakala muna buka kia yimpumbulu. Tala una kasobela zingu kiandi vava kayenda muna lukutakanu lwa Mbangi za Yave.
“Kiayendanga Konso Fulu ko Lembi Nata Nkele Ame” (Eyingidilu dia 1 dia Yuli, 2014)
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
