ISAMBILILO 10
Kani Mungabwenamo Shani mu Kubungana na BaMboni sha BaYawe?
Kani mulingasanganwepo ku kubungana kwa BaMboni sha BaYawe? Kani tamungasanganwako, cipale mungaba ne mwenso uwa kusanganwako pa muku wa kutanga. Mungalukulipusha’ti: ‘Findo ficitika pali kuku ukubungana? Nindo kucindamine? Nindo njelelwe ukusanganinwako?’ Muli lilino isambililo, mwakusambilila ifi ukubungana ne bantu bambi kungamofweniko eli ne kumulengesheni ukupalamina kuli baLesa.
1. Nindo ukubungana pamo kucindamine?
Boneni ifi umulembeshi wa Baibolo abuulishishe icintu icicindeme makosa icitulengesha’ti tulukubungana pamo. Alilabile ati: “Mu mabungano, nkalukubatemwa baYawe.” (Amasamo 26:12) Efi na BaMboni sha BaYawe bacita, nabo balasangalala kani babungana pamo. Cila mulungu mu calo conse, BaMboni sha BaYawe balabungana mu kulemya baLesa, ukubembila, eli ne kutembela kuli bo. Shimbi impindi mu mwaka, balabungana na mu mabungano aakulu pakweba’ti bapempele baLesa.
2. Findo mukasambilila pa kubungana kwesu?
Pali kuku ukubungana, “balabuulishisha amashiwi abaLesa.” (Pendeni Neyamiya 8:8.) Kani mwasanganwa ku kubungana kwesu, mukasambilila pali baYawe eli na pa mibelo yabo iiweme. Ili mukeshibe’fingi pali fyefyo bamutemenweni, icine mukapalamina makosa kuli bo. Mukasambilila ifi baLesa bangamofweniko ukuba ne mekalilo aaweme.—Yisaya 48:17, 18.
3. Kani ukwambaala na bambi pa kubungana kwesu kukamofweniko shani?
BaYawe balatubuula’ti: “Ngatulangulukanshanye, ati tubusho’butemwe ne milimo iiweme, ngatubulo’kuleka ukubungana.” (AbaEbeya 10:24, 25) Pa kubungana kwesu, mukasangana abantu ababiika akalango ku bantu babyabo kabili abatemenwe ukusambilila pali baLesa koti ni fyefyo na mwebo mucita. Mukomfwila ku malyashi ne fyasuko pa kubungana, ne kwambaala ili ukubungana takungatatika eli na pa mpelo ya kubungana. (Pendeni AbaLoma 1:11, 12.) Mukeshibana ne abantu abalekene-lekene abapitilisho’kuba abasangalele nangaba’ti balaba ne makatasho. Ifi twalabilapo finini lukoso pa filengeshe baYawe ukutubuula’ti tulukubungana lyonse!
SAMBILILENI IFINGI
Ishibilenipo na fimbi ificitika pa kubungana kwa BaMboni sha BaYawe, kabili boneni ne mulandu cicindamine kuli fwebo ukusanganwako.
4. Ukubungana kwa BaMboni sha BaYawe
AbaKlistu bakutanga, baalukubungana lyonse mukupempela baYawe. (AbaLoma 16:3-5) Pendeni AbaKolosai 3:16, eli ne kwambaala icakwipushe’ci:
-
Kani abaKlistu bakutanga baalukupempela shani baYawe?
Na bukumo, baMboni balabungana lyonse pa mipunda yabo iyakupempelelapo. Pa kubona ificitika ili balukubungana, tambeni VIDYO. Panuma, cebeni pa cikope icilukubuulishisha ifi ukubungana kuba, ne kwambaale’fyakwipusha fyakonkapo.
-
Ni kwisa kupalana mwabona pa ficitwa mu Mulenda wa Bufumu na pali fyefyo mwacipenda pa AbaKolosai 3:16?
-
Ukwelelwa ne cikope neli vidyo mwatamba, findo mwatemwapo makosa ukulosha ku ficitika pa kubungana?
Pendeni 2 AbaKolinto 9:7, eli ne kwambaala icakwipushe’ci:
-
Nindo BaMboni sha BaYawe tabalipilishishapo kani mwasanganwa ku kubungana kwabo?
Pano, ambaaleni ne umusambisheni Baibolo fimo-fimo ifi tukasambilila pa kubungana uno mulungu.
-
Cisa ciputusha ca kubungana ici mwacitemwapo makosa kabili icingamofweniko?
Kani mulishi?
Mungasangana imipunda ne mpindi ili BaMboni sha BaYawe babungana mu calo conse lukoso pa jw.org.
-
Pa kubungana kwesu palaba amalyashi, ifilangililo eli ne mavidyo. Ukubungana kulatatika ne lwimbo ne tembelo. Fyopele’fyo, na pa kushila kulaba ulwimbo ne tembelo.
-
Pa fiputusha fimbi ifya kubungana, abali mwi bumba bangasukapo
-
Bonse lukoso bangasanganwako—Ifisoolo, abashike, abacekulu, eli ne bana
-
Takubapo ukulipilisha. Fwe BaMboni sha BaYawe tatulipilishapo abesa mu kubungana na fwebo neli ukupishamo imbale
5. Tulyelelwe ukupyungisha pakweba’ti tusanganwe ku kubungana
Langulukeni pa cakubwenako ca cisoolo ca baYesu. Pa kusanganwa ku kubungana uku balukuba nako pa mwaka, baalukupengelo’kwenda amakilomita 100 ukupita mu mpanga umwali amapili ukufuma ku Nasaleti ukuya ku Jelusalemi ukwali itempuli. Pendeni Luku 2:39-42, eli ne kwambaala ifyakwipushe’fi:
-
Kani mulukubona’ti calukupengela ukupyungisha makosa pa kuya ku Jelusalemi?
-
Nindo mwelelwe ukupyungishisha makosa pakweba’ti musanganwe ku kubungana?
-
Kani mulukubona’ti cicindeme ukusanganwa ku kubungana, nangaba’ti shimbi impindi cingamukatasheni? Nindo mwalabilile’fyo?
Baibolo ilalabilo’kweba’ti cicindeme ukubungana pamo mukupempela baYawe. Pendeni AbaEbeya 10:24, 25, eli ne kwambaala icakwipushe’ci:
-
Nindo twelelwe ukusanganinwa ku kubungana lyonse?
BAMBI BALALABILA ATI: “Tacicindemepo ukulukubungana ne bantu bambi. Ningalisambisha Baibolo nenka pa ng’anda.”
-
Ni lisa ilembo neli icakubwenako ca mu Baibolo icibuulishisha ifi baYawe bafwaya?
IFI MWASAMBILILA
Ukusanganwa ku kubungana kukamofweniko ukwishibe’fingi pali baYawe, ukukosha bucibusa bwenu na bo eli ne kubapempela pamo ne bantu bambi.
Kani Munganuka?
-
Nindo baYawe batubuulila ukulukubungana pamo?
-
Findo mukasambilila kani mwasanganwa ku kubungana kwa BaMboni sha BaYawe?
-
Ni muli fisa fimbi ukubungana na BaMboni sha BaYawe kungamofweniko?
ISHIBILENIPO NA FIMBI
Kani mulukumfwa umwenso wa kusanganwa ku kubungana? Boneni icalengeleshe umbi uwali ne mwenso pa kutanga, ukutemwa makosa ukubungana.
Boneni ifi umwalalume umbi alitemweseshe ukubungana ili ali umusankwa na fyefyo acitile pakweba’ti apitilishe ukulukusanganwako.
Boneni ifi bambi bomfwa pa kusanganwa ku kubungana.
“Nindo Twelelwe Ukusanganinwa ku Kubungana pa Mulenda wa Bufumu?” (Ilyashi lya pa jw.org)
Boneni ifi umwalume umbi uwali mwi bumba lya tupondo atatikilo’kwalulako imibelo yakwe panuma ya kusanganwa ku kubungana kwa BaMboni sha BaYawe.
“Tapalipo uku Nalukuya Ukwakubula Imfuti” (Akatambo ka Wakulama, July 1, 2014)
Cipale Mungapendako Nafifi:
IFYAKWIPUSHA IFIPUSHIWA MAKOSA
Kani Isambililo lya Baibolo Cindo?
Boneni ifyasuko pa lwe sambililo lya Baibolo ilya pa lukoso.
