XNAQʼTZBʼIL 10
¿Tiquʼn tbʼanel tuʼn t-xiʼya kyoj kychmabʼil testigos de Jehová?
¿Ope txi qʼamaʼn teya jun maj tuʼn t-xiʼya kyoj kychmabʼil testigos de Jehová? Qa naʼmx ttena jun maj toj jun chmabʼil moqa jun reunión, bʼalo jaku tzaj xobʼa aj t-xiʼya tnejel maj. Tuʼntzunju, bʼalo jaku kubʼ t-xjelina jlu: «¿Tiʼ in bʼant kyuʼn testigos de Jehová kyoj kychmabʼil? ¿Tiquʼn in nok tilil kyuʼn tuʼn kyxiʼ kyoj chmabʼil? ¿Ilpe tiʼj tuʼn nxiʼye kyoj chmabʼil?». Toj xnaqʼtzbʼil lu kʼelel tnikʼa tiʼj qa jaku che onin chmabʼil tiʼja toj tanqʼibʼila ex tuʼn tchʼiy tamiwbʼila tukʼil Jehová.
1. ¿Tiquʼn in nok qchmon qibʼe?
Tqʼama jun aj tzʼibʼil tiʼj Tyol Dios tiquʼn nim toklen tuʼn tok qchmon qibʼ tej tqʼama jlu: «Kjawil nnimsaʼne Qman kywitz qe xjal etzan tuʼn» (Salmo 26:12). Ax ikx, toj ambʼil jaʼlo in nok kychmon kyibʼ testigos de Jehová ex nimxix in che tzalaj aj tbʼant jlu kyuʼn. Twitz tkyaqil Txʼotxʼ, in nok kychmon kyibʼ tkyaqil seman tuʼn kykʼulin te Dios, tuʼn kybʼitzin te ex tuʼn kynaʼn Dios junx. Ax ikx, in nok kychmon kyibʼ junjun maj toj abʼqʼi jatumel in che pon nim xjal.
2. ¿Tiʼ kʼelel tnikʼa tiʼj kyoj qchmabʼile?
Tkyaqilju in tzaj qʼamaʼn kyoj qchmabʼile atz in jatz toj Tyol Dios ex in tzaj chikʼbʼaʼn tiʼ kyxilen texto (uʼjinktza Nehemías 8:8). Tuʼntzunju, qa ma pona kyoj qchmabʼile, kʼelel mas tnikʼa tiʼj Jehová ex kyiʼj tbʼanel tmod. Ex aj tel tnikʼa tiʼj qa nimxix kʼujlaʼna tuʼn Jehová, jaku kubʼ t-ximana tuʼn toka te tamiw. Ax ikx, kʼokel tojtzqiʼna tzeʼn jaku tzʼonin tiʼja tuʼn tten ttxolil tanqʼibʼila (Isaías 48:17, 18).
3. ¿Tzeʼn jaku che onin xjal tiʼja qa ma pona kyoj chmabʼil?
In tzaj tqʼamaʼn Jehová tuʼn tbʼant jlu quʼn: «Qo ximan tiʼj tuʼn qkyuwsante qibʼ qxolx tuʼn qkʼujlante qibʼ ex tuʼn qbʼinchante bʼaʼn. Ex miʼn txi qkolin tuʼn tok qbʼuyin qibʼ» (Hebreos 10:24, 25). Kyoj qchmabʼile che okel tojtzqiʼna xjal in kubʼ kyyekʼin axix tok kykʼujlabʼil ex kyaj tuʼn tel mas kynikʼ tiʼj Dios ik tzeʼn teya. Ax ikx kʼokel tbʼiʼna qe tbʼanel consej in che jatz toj Tyol Dios (uʼjinktza Romanos 1:11, 12). Ax ikx che okel tojtzqiʼna xjal o che ex twitz junxichaq nya bʼaʼn, ik tzeʼn qeju o che kubʼ mojeʼ ex qeju naʼmx kykubʼ kymojeʼ. Tuʼn jlu in nel qnikʼ tiʼj tiquʼn taj Jehová tuʼn kukx tok qchmon qibʼ.
QO JYON MAS TQANIL
Qo xnaqʼtzan tiʼj tzeʼn in che ok qe kychmabʼil testigos de Jehová ex tiquʼn nim toklen tuʼn qxiʼ kyoj.
4. Qe kychmabʼil testigos de Jehová
Ok tilil kyuʼn okslal te tnejel syent abʼqʼi tuʼn tok kychmon kyibʼ tuʼn kykʼulin te Jehová (Romanos 16:3-5). Kyuʼjinktze Colosenses 3:16 ex che yoline tiʼj xjel lu:
-
¿Alkye tten e kʼulin okslal toj tnejel syent abʼqʼi te Jehová?
Ax ikx, toj ambʼil jaʼlo in nok kychmon kyibʼ testigos de Jehová tuʼn kykʼulin te Dios. Tuʼn tel mas tnikʼa tiʼjju in bʼaj kyoj kychmabʼil testigos de Jehová, kyqʼonke kywitze tiʼj VIDEO. Yajxitl, kyqʼonke kywitze tiʼj tilbʼilal in yolin tiʼj jun chmabʼil ex che yoline kyiʼj xjel lu:
-
¿Alkye junjun tiʼchaq in bʼant toj jun Ja te Chmabʼil ik tzeʼn in tzaj qʼamaʼn toj Colosenses 3:16?
-
Tej sok tqʼoʼna twitza tiʼj video ex tiʼj tilbʼilal, ¿atpe jun tiʼ tbʼanel sela toj twitza kyiʼj chmabʼil?
Kyuʼjinktze 2 Corintios 9:7 ex che yoline tiʼj xjel lu:
-
¿Tiquʼn mintiʼ in xi qanin pwaq kye xjal in che pon kyoj kychmabʼil testigos de Jehová?
Qʼonka twitza junx tukʼil erman in qʼon xnaqʼtzbʼil teya tiʼjju kbʼel xnaqʼtzet toj chmabʼil kʼokel toj seman lu.
-
¿Alkye jun xnaqʼtzbʼil kbʼel xnaqʼtzet toj chmabʼil mas tbʼanel ma tzʼela toj twitza?
¿Ojtzqiʼn jlu tuʼna?
Kkanetel mas tqanil tuʼna toj jw.org tiʼj alkye or ex jatumel in che ok qchmabʼile.
-
In che etz qʼoʼn chikʼbʼabʼil, qe yekʼbʼil ex qe video kyoj qchmabʼile. In xi tzyet chmabʼil ex in kubʼaj tukʼil jun bʼitz ex jun naʼj Dios.
-
In xi qʼoʼn ambʼil kye qeju in che pon kyoj chmabʼil tuʼn t-xi kyqʼoʼn jun kyyol toj junjun plaj.
-
Kykyaqil xjal jaku che pon, ik tzeʼn qe xinaq, qe xuʼj, qeju ma che tijen ex qe kʼwal.
-
Nya chjoʼn tuʼn qokx kyoj chmabʼil ex mintiʼ in jaw chmet pwaq.
5. Il tiʼj tuʼn tok tilil quʼn tuʼn qxiʼ kyoj chmabʼil
Qo ximen kyiʼj toj tja Jesús. Atztoq in che anqʼin toj tnam Nazaret. Tuʼn kyxiʼ toj tja Dios atz Jerusalén tkyaqil abʼqʼi, iltoq tiʼj tuʼn t-xi kybʼetin junlo oxe qʼij. Kyuʼjinktze Lucas 2:39 a 42 ex che yoline kyiʼj xjel lu:
-
¿In kubʼpe t-ximana qa iltoq tiʼj tuʼn tok tilil kyuʼn toj tja Jesús tuʼn kyxiʼ toj tja Dios?
-
Yajtzun teya, ¿atpe junjun tiʼchaq jaku tzʼel qʼinte ambʼil teya tuʼn t-xiʼya kyoj chmabʼil?
-
¿Tbʼanelpe aj tok tilil tuʼna tuʼn t-xiʼya kyoj? ¿Tiquʼn?
In tzaj tqʼamaʼn Tyol Dios qa nim toklen tuʼn tok qchmon qibʼ tuʼntzun qkʼulin te Jehová. Kyuʼjinktze Hebreos 10:24 ex 25, ex che yoline tiʼj xjel lu:
-
¿Tiquʼn il tiʼj tuʼn qnaqʼet tuʼn qxiʼ kyoj chmabʼil?
AJU IN TZAJ KYQʼAMAʼN JUNJUN XJAL: «Nya il tiʼj tuʼn tten jun qokslabʼil moqa qnimbʼil, sino oʼkx tuʼn tten Dios toj qanmi».
-
¿Alkye jun texto in tzaj tyekʼin tiʼ taj Jehová tuʼn tbʼant quʼn?
TOJ CHʼIN YOL
Qa ma txiʼya kyoj chmabʼil, kʼonil tiʼja tuʼn tel mas tnikʼa tiʼj Jehová, tuʼn tchʼiy tamiwbʼila tukʼil ex tuʼn tkʼulina te junx kyukʼil junjuntl xjal.
Aju ma qo yolin tiʼj
-
¿Tiquʼn in tzaj tqʼamaʼn Jehová qe tuʼn qxiʼ kyoj chmabʼil?
-
¿Tiʼ kʼelel tnikʼa tiʼj kyoj kychmabʼil testigos de Jehová?
-
¿Toj alkye junjuntl tten jaku che onin chmabʼil tiʼja?
OJTZQINKA CHʼINTL
¿In tzajpe xobʼa aj tkubʼ t-ximana tuʼn t-xiʼya kyoj chmabʼil? Atzun jlu bʼaj tiʼj jun xjal, pero tej tikʼ ambʼil tbʼanel e ela qe chmabʼil toj twitz. Ojtzqinka tiquʼn.
¡Mlay tzʼel naj tiʼj qkʼuʼje tzeʼn o ok qʼolbʼene kyuʼn! (4:16)
Ojtzqinka jun qʼa tgantoq tuʼn t-xiʼ kyoj chmabʼil ex tiʼ bʼant tuʼn tuʼn kukx txiʼ kyoj chmabʼil.
Jaku jaw tuʼjina tiʼ in tzaj kyqʼamaʼn junjun xjal kyiʼj chmabʼil.
«¿Tiquʼn tbʼanel tuʼn qxiʼ kyoj chmabʼil?» (Xnaqʼtzbʼil toj jw.org)
Ojtzqinka tzeʼn chʼexpaj tanqʼibʼil jun xjal tokxtoq toj jun pandiya tej t-xiʼ kyoj chmabʼil in che ok kyuʼn testigos de Jehová.
«Jaxku tumel in chinxe qʼiʼntoq pistola wuʼne» (Xnaqʼtzbʼil toj uʼj Xqʼuqil)
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Tzeʼn in xi kyqʼoʼn testigos de Jehová xnaqʼtzbʼil tiʼj Tyol Dios?
Aj t-xnaqʼtzana tiʼj Tyol Dios kyukʼil testigos de Jehová, jaku tzʼajbʼen texa ttraducción tiʼj Tyol Dios ex jaku che tzaj ttxkoʼna qe toj tjaya ex qe tamiwa tuʼn kyten tukʼila.
