CIJIJO 10

Musongano jo Zvapupu zva Jehovha Jingamubeseresa Kudini?

RIJANYI

Makambokokwa kuti muende ku musongano jo Zvapupu zva Jehovha here? Kudari mucizivi kumboendeyo, zvingaita kuti pavhaza yokutanga mungathya padoko. Kangaije mungajivhunjisa kudari: ‘Ngozvapi zvinoitwa pa musongano iji? Ngenyi jinosisira maningi? Ngenyi ndinodikana kuenda ku musongano?’ Pa cijijo ici, munozojija kuti kusongana pamwepo no vamweni kunozomukhwedeja phedo na Mwari no kumubesera mu upenyu hwenyu kamare.

1. Ngenyi Zvapupu zva Jehovha zvinosongana pamwepo?

Vonanyi zvakanangwa ngo mutari umweni wo Bhaibheri ngo pamusoro po thangwe rinosisira maningi ro kusongana pamwepo: ‘Ndinokuja [Jehovha] Mwari, mu musongano.’ (Nduyo 26:12) Mukufananavo, Zvapupu zva Jehovha zvinowana mudakaro mukuru pa zvinosongana pamwepo. Kutenderera nyika yese, ivona vanosongana sumana jese kuti vakuje Mwari, veciimba no kuita mukumbiro. Vhaza nganani pa gore, ivona vanosongana pamwepo pa musongano mukuru kuti vanamate Mwari.

2. Ngozvapi zvamunozojija pa musongano jedu?

Kumusongano, itusu tinojija Soko ra Mwari “no kudurujira” zvarinoreva. (Verenganyi Neemia 8:8.) Pamunonga muri pa musongano, munozojijira maningi ngo pamusoro pa Jehovha no mugariro jake jinodakajisa maningi. Pamunonga meciziva zvizinji ngo pamusoro po rudo hwake kwamuri, munozokhwedera maningi phedo naye. Munozovonazve kuti iyena anomubeseresa kudini kuti muve no upenyu hunodakajisa.—Isaia 48:17, 18.

3. Mungabesereka kudini ngo ushamwari hwamunoita no vamweni pa musongano jedu?

Jehovha anotivhunja kuti tirangarirane “ngocedu kuti tivangisane pa kudisana, pa kuita mabasa akanaka, ticikashwi kuenda ku musongano jedu.” (Vahebheru 10:24, 25) Ku musongano jedu, munozosongana no vandhu vanonasa kutajana kamare. Ivona vanodakariravo kujija zvizinji ngo pamusoro pa Mwari inga ndimwi. Munozozwa masoko avo anovangisa anovha mu Bhaibheri. (Verenganyi Varoma 1:11, 12.) Munozovavo no mukana wo kuvhunja vamweni zvamuri kuita kuti mubudirire pa kuhwisana no zvineso zvinosongana no vandhu vacizivi kucadha no vakacadha. Kuno mathangwe manganani anoitisa kuti Jehovha ade kuti tiende koosongana no vamweni nguva jese!

NASANYI KUPSAKISISA

Jijiranyi kuti zvicinyi zvinoitika pa musongano jo Zvapupu zva Jehovha perapo vonanyi kuti ngenyi zvinosisira maningi kuvangisira kuti tiende ku musongano iji.

4. Musongano jo Zvapupu zva Jehovha

Makristu o muzana ro kutanga ro makore, nguva jese ainamata Jehovha pamwepo. (Varoma 16:3-5) Verenganyi Vakorose 3:16, perapo bhuisananyi ngo muvhunjo uwu:

Makristu o kutanga ainamatisa kudini Jehovha?

Mazuva ano, Zvapupu zva Jehovha nguva jese vanosongana pamwepo kuti vanamate Jehovha. Kuti muvone zvinoithwa pa musongano javo, rijanyi VHIDHIYO. Perapo, vonanyi foto inotatija musongano yo ungano no kubhuisana ngo muvhunjo jinotevera.

VHIDHIYO: Zvicinyi Zvinoitwa mu Nyumba yo Umambo? (2:12)

Ngozvapi zviro zvamavona zvinoitika pa Nyumba yo Umambo zvakaezana no zvamaverenga pana Vakorose 3:16?
Pa vhidhiyo kana pa foto, mavona ciri cese cinoithwa pa musongano camadakarira?

Verenganyi 2 Vakorinte 9:7, perapo bhuisananyi ngo muvhunjo uwu:

Ngenyi Zvapupu zva Jehovha azvikumbiri mare pa musongano yavo?

Pamwepo no mujijisi wenyu, vonanyi kuti ngozvapi zvinozojijwa pa musongano jo sumana inozari.

Ngoapi mativi o musongano o madakarira maningi kana anomubesera mu upenyu?

Imwimwi maizviziva?

Mu jw.org, mungakwanisa kuvona kuti musongano jo ungano jinoitihwa kwapi no nguva yakona kutenderera nyika yese.

Musongano jedu jinobatanija hurukuro, kuezanisira no mavhidhiyo. Musongano jinotangwa no kufungwa ngo mumbo no mukumbiro
Pakati po mativi amweni o urongwa, vapurutani vanokokwa kuti vadavire
Vese vanotendehwa kunghwina; mbhuri, vacizivi kucadha, vasharuka pomwe no vana
Musongano jedu ajipagahwi. Zvapupu zva Jehovha azvikumbiri muhengo kana kufambisa paratu yokudira mare

5. Zvinoda kuvangisira kuti muende ku musongano

Vonanyi muezaniso wo ukama hwa Jesu. Kuti vaende kumusongano waiithwa gore ngo gore, vaidikana kufamba makiromita anokwana kuita 100, kuvha Nazareta mbhera Jerusarema. Verenganyi Ruka 2:39-42, perapo bhuisananyi ngo muvhunjo iji:

Munorangarira kuti hwendo uhu hwo kuenda ku Jerusarema hwaida kuvangisira?
Ngenyi munodikana kuvangisira maningi kuti muende ku musongano?
Munovona kuti zvaushoni maningi kwamuri kwenda ku musongano pikija zvecinesa? Ngenyi?

Bhaibheri rinonanga kuti kusongana pamwepo kuti tinamate kunosisira maningi. Verenganyi Vahebheru 10:24, 25, perapo bhuisananyi ngo muvhunjo uwu:

Ngenyi tinodikana kuenda kumusongano nguva jese?

VANDHU VAMWENI VANOTI: “Audikani kuenda koosongana no vamweni. Zvinokwana kujija Bhaibheri uri pamuzi.”

Ivhesi yapi kana imuezaniso wapi wo Bhaibheri unovonesa zvinoda Jehovha?

ZVOTAJIJA

Kuenda ku musongano kunozomubesera kuti mujije zvizinji ngo pamusoro pa Jehovha, mukurise ushamwari hwenyu naye no kumunamata pamwepo no vamweni.

Kuhwirijira

Ngenyi Jehovha anotivangisa kuti tisongane pamwepo?
Ngozvapi zvamunozojijira pa musongano jo Zvapupu zva Jehovha?
Ngozvapi zvimweni zvamunovona kuti zvingamubesera ngo kuenda ku musongano?

Cijijo ici capera kujijwa mu

Ejanyi kuita izvi

Endanyi kumusongano no kuvangisira kuti muzive vandhu vamweni vari kondhoyo.

Zvimweni:

Your other goal

ZIVANYI ZVIMWENI

Tingati kudini kudari mucikadakariri kuenda kumusongano? Vonanyi kuti mwanarume umweni waizwa ngo njira yondhoyo wakaitisa kudini kuti adakarire kuenda kumusongano.

Narini Atizokanganwi Manera Otakaashihwa (4:16)