LECCIÓN 10
¿Imasna canda yanapan Jehovahuaj testigoguna tandarinaunama rina?
Jehovahuaj testigoguna tandarinaunama ¿canda cumbiranushcachu? Mana shina ashas, can ansa manzhai charina ushanguichari ñaupa punda ringaj. Shinajpi tapuringuichari: “Testigoguna ¿imara ruranun paiguna tandarinaunai? ¿Imarasha ashca valishca anun cai tandarinauna paigunaj? Ñucas chima ¿rina anichu?”. Cai lecciombi yachangaraungui imasna cai tandarinauna canda yanapanga mas Diospa amigo tucungaj shinallara canllara yanaparingahua.
1. ¿Imarasha Jehovahuaj testigoguna tandarinun?
Shu Bibliara quillcaj runa rimaca imarasha valishca an tandaringaj: “Atun congregaciombi Jehovara alabasha” (Salmo 26:12). Cuna punzhaunai Jehovahuaj testigoguna shinallara tandarinun shina rurasha ashcara cushiyanun. Intiru mundui caran semana tandarisha Jehová Diosta alabangaj, cantangaj, pariju mañangahuas. Shinallara caran huatai huaquin timpuunai atun tandarinaunara ruranun.
2. ¿Imara yachangaraungui ñucanchi tandarinaunai?
Tandarinaunai Diospa Shimimanda yachachinun “alira intindichisha ima nishcaunara” (leai Nehemías 8:8). Can tandarinama risha, mas Jehovamanda imasna ashcara yachangaraungui. Pai canda mas llaquishcara yachasha, can paihua amigo mas tucuna munangui. Shinallara can yachangaraungui imasna pai canda yanapanga sumaj causaira tupangahua (Isaías 48:17, 18).
3. ¿Imasnara canda yanapanunga tandarinai ricsishca runauna?
Jehová Dios mañanmi “ñucanchipura parijumanda iyarishunchi, mas mas llaquinausha, alira rausha yanaparingaj; ñucanchi tandarimunara mana saquisha” (Hebreos 10:24, 25). Ñucanchi tandarinaunai, sirtu parijumanda llaquinara charij runaunara ricsinguimi, imasna can cuinta Yaya Diosmanda mas yachana munajta. Paiguna Bibliamanda sumaj cuintashcauna canda animachinga (leai Romanos 1:11, 12). Shinallara chibi ricsina ushangui casarashcauna mana casarashcauna asha, caran tunu llaquiunara charishas cushihua sirvisha catiushcara. Caimanda Jehová munanmi caran cuti tandarinaunama rinuchu.
MAS YACHAI
Ricushun imasnara an Jehovahuaj testigoguna tandarinauna shinallara imarasha ursarina anchi chi tandarinaunama ringahua.
4. Jehovahuaj testigoguna tandarinauna
Punda sigloi, Jesusta catijcuna Jehovara adurangaj tandarij anuca (Romanos 16:3-5). Leaichi Colosenses 3:16, huasha catij tapuimanda rimaichi:
-
Punda siglomanda Jesusta catijcuna ¿imasnara Jehovara aduraj anuca?
Cuna punzhai Jehovahuaj testigoguna Reinomanda Yachana Huasii tandarinun. Ñucanchi tandarinauna imasna ashcara yachangaj VIDEORA ricuichi. Tandarinamanda dibujura ricuichi, huasha catij tapuigunamanda rimaichi:
-
Reinomanda Yachana Huasii rurashcauna shinallara Colosenses 3:16 rimashca ¿imasnara chi samillara an?
-
Videora, dibujura ricushcai ñucanchi tandarinaunamanda ¿imara mas gustashcangui?
Leaichi 2 Corintios 9:7, huasha catij tapuimanda rimaichi:
-
Jehovahuaj testigoguna tandarinaunai ¿imarasha cullquira mana mañanun?
Camba yachachijhua ricuichi imara catij tandarinamanda yachangaraushcara.
-
Cai tandarinamanda yachaushca ¿imara canda mas gustaca?
¿Yachanguichu?
Intiru mundui ñucanchi tandarinauna maibi, ima huras tiajta yachana munasha jw.org nishcai ricuna ushangui.
-
Ñucanchi tandarinai tianmi yachachishcauna, Bibliamanda yachachingaj ricuchishcauna, videogunas. Tucui tandarinauna callarin, tucurin cantanahua oracionda ranahuas.
-
Huaquin programai maquira aisasha rimana ushanun.
-
Tucuiguna ali shamushca anun: cariuna, huarmiuna, rucuuna, huahuaunas.
-
Jehovahuaj testigoguna tandarinauna gratis anun. Mana cullquira mañanun, icunamanda mana pagana anguichi.
5. Tandarinaunama ringaj ursarina anchi
Jesuspa aillui iyarishun. Nazaret llactai causaj anuca, caran huata Jerusalén temploma ringaj paiguna quinsa punzhauna purina anuca urcuunara. Leaichi Lucas 2:39-42, huasha catij tapuigunamanda rimaichi:
-
Can ¿imara iyangui, Jerusalén llactama ringaj ursarina anuca?
-
Can ¿ima arcaigunara huaquimbi vinsina angui tandarinaunama ringaj?
-
¿Iyaringuichu ursarina valij ashcara? ¿Imarasha?
Diospa Shimi yachachinmi pariju tandarina ashca valij ashcara Jehovara adurangaj. Leaichi Hebreos 10:24, 25, huasha catij tapuimanda rimaichi:
-
¿Imarasha tucui huras tandarinaunama rina anchi?
RUNAUNA CASNA NINUJPI: “Mana ministinchi shujcunahua tandarina Diosta adurangaj, huasii Bibliara yachanalla chi valin”.
-
¿Ima Bibliamanda cuintashcara, textora utilizanguima Jehová munashcara intindichingaj?
IMARA YACHASHCANGUI
Tandarinaunama rina yanapanga Jehovamanda mas yachangaj, Jehovahuaj mas amigo tucungaj shujcunahua pariju adurangaj.
Iyaringaj
-
¿Imarasha tandarinaunama ringaj Jehová Dios cumbiran?
-
Jehovahuaj testigoguna tandarinaunai ¿imara yachangaraungui?
-
¿Ima tunura canda tandarinauna yanapana ushanunga?
RICUNGUI
¿Manzhai charinguichu tandarinama ringaj? Shu runa shina sintirisha huasha tandarinaunara ashca munangaj pactaca. Ricui imarasha.
Shu maltara ricsi yapa tandarinaunara gustashcara, imara rurana aca tandarinaunama risha catingaj.
Shujcuna ñucanchi tandarinaunamanda iyashcara leai.
“¿Imarasha Reinomanda Yachana Huasi tandarinaunama rina valishca an?” (jw.org partii tiaj tema)
Ricui imasna shu macanuj muntunmanda runa Jehovahuaj testigoguna tandarinama risha paihua causaira turcachica.
“Maican partimas illapahua rij acani” (La Atalaya, 1 de julio de 2014)
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
