10 УРОКИ

Сар ащи те помагинен туке о събрания е Йеховаскере Свидетеленгере?

МУК

Дали декхана гелян ко събрания е Йеховаскере Свидетеленгере? Ако нисар жи акана на гелян салке събраниесте, ащи те притеснинес тут те жас. Ащи те пучес тут: „Со ачшол калке събраниенде? Соске си важна? Соске те жав ленде?“ Кавка уроки ка сикавел туке сар о събрания ащи те керен тут по-близко е Девлеса тай те помагинен туке тере животосте.

1. Соске е Йеховаскере Свидетеля киден пес заедно?

Йекх таро мануша, колато пишинде и Библия, сикавгяс соске си важно те кидас амен околенца. Ов пхенгяс: „Ка благословинав е Йеховас машкар о кидиме народос.“ (Псалм 26:12) Е Йеховаскере Свидетеля-да бут дехен те киден пес. Секо курко ко цело светос он киден пес групенде, коленге пхенел пес сборовя, за те поклонинен пес е Девлеске, те хвалинен лес гилиенца тай те молинен пес. Също секо бреш керен по-баре събирания, за те барярен пи вяра.

2. Со ка сикльовес амаре събраниенде?

Ко събрания четинас таре Девлескоро Слово, обяснинас лес тай помагинас е манушенге „те ахальовен со означинел“. (Четине Неемия 8:8.) Ако авес ко събрания, ка сикльовес саво си о Йехова. Кана ахальовес кизом бут дехел тут ов, ка ачшовес по-близко леса. Ка ахальовес също сар о Йехова ащи те помагинел туке те овел тут шукар тай спокойно животос. (Исаия 48:17, 18)

3. Соске си шукар те хоратинес околенца ко събрания?

О Йехова пхенел аменге те помагинас йекх авереске „те сикавас любов тай те керас лачшипе, без те измукас амаре събирания“. (Евреи 10:24, 25) Амаре събраниенде ка запенжарес тут манушенца, колато наистина дикхен йекх авереске тай сар туте, он-да манген те ахальовен по-бут е Девлеске. Ка шунес лен те пхенен шукар букя тари Библия, колато ка насърчинен тут. (Четине Римляни 1:11, 12.) Също ка ащи те хоратинес манушенца, колато си прандеме (женени) или колато нанай прандеме. Калка мануша си щастлива, нищо кай иси лен проблемя. Калка си само хари таро букя, ашал коленге о Йехова мангел те кидас амен редовно!

РОДЕ ПО-ХОРЕСТЕ

Ахальов со керел пес ко събрания е Йеховаскере Свидетеленгере тай соске ка овел шукар те дас всичко амендар, за те жас ко събрания.

4. О събрания е Йеховаскере Свидетеленгере

Отсарто иси християня, он киден пес редовно, за те поклонинен пес е Йеховаске. (Римляни 16:3-5) Четинен Колосяни 3:16 тай хоратинен калке въпросиеске:

Сар о първа християня поклониненас пес е Йеховаске?

Авдиес е Йеховаскере Свидетеля киден пес редовно, за те поклонинен пес е Девлеске тханенде, колато пхенен пес Залес е Царствоскере. Дикхен о КЛИПИ, ковато сикавел со керел пес амаре събраниенде. После дикхен и картинка, която сикавел йекх събрание, тай хоратинен калке въпросиенге:

КЛИПИ: Со керел пес ко събрания анди Зала е Царствоскери? (2:12)

Саве букя, коленге четингян андо Колосяни 3:16, дикхлян, кай керас ко събрания андо Залес е Царствоскере?
Кана дикхлян о клипи тай и картинка, со авер харешингяс туке таро събрания?

Четинен 2 Коринтяни 9:7 тай хоратинен калке въпросиеске:

Соске ко събрания е Йеховаскере Свидетеленгере на киден пес парес?

Заедно е манушеса, колеса изучинес, дикхен со ка сикльовас йекхе събраниесте калке куркеске.

Сави част таро събрание мислинес, кай ка овел туке най-интересно тай полезно?

Жанес ли?

Таро сайти jw.org ащи те ахальовес кате тай кана керен пес о събрания ко цело светос.

1. Амаре събраниенде шунас проповегя, дикхас клиповя тай иси задачес, колендар сикльовас сар те проповединас тай те сикавас околен. Ко начало тай ко крайос е събраниескоро гилябас йекх гили тай молинас амен
2. Ко събрания иси десаве задачес, коленде секой ащи те пхенел со мислинел
3. Секой ащи те авел ко събрания — мруша, жувля, терне тай по-пхуре
4. О събрания е Йеховаскере Свидетеленгере си бипаренгоро. О входи си свободно тай никхой на накхел те кидел парес

5. Требен усилия, за те овас ко събрания

Те дикхас со керелас е Исусескоро семейство. За те ащи те жан ко събирания, колато керенас пес йекх дром андо бреш, требелас те пхирен декхате трин диеса ки планина тари диз Назарет жи ко Йерусалим. Четинен Лука 2:39-42 тай хоратинен калке въпросиенге:

Мислинес ли, кай о пътуване жи ко Йерусалим сине лесно?
Саве си десаве букя, колато ащи те пречинен туке те жас ко събрания, тай со ащи те керес, за те справинес тут ленца?
Мислинес ли, кай ка овел шукар те жас ко събрания, даже кана нанай туке лесно? Соске?