Penas jek ap tute: “Wals shukar, te weh an maro Khetnepen”? Tu te hals kote gomme gar, nai putchals tut: “Hoi krenn le kote? Hoske te djap me kote?” An kaja lektiona well tuke sikedo, kai well tiro malepen o Debleha sorleder un kai hin le tuke an tiro djipen mishto.

1. Hoske wenn Jehoweskre Rakepangre khetne?

Dik, hoi i biblakro tchinepaskro pral kowa tchinas, hoske mer hunte was wawarentsa khetne: “Me kamau miro baro Debles te sharell, kote, kai leskre menshe khetne wenna” (Gilja 26:12). Jaake, har job kowa penas, hi menge kowa i bari bacht, te djah an maro Khetnepen. Ap i tseli phub wah mer hako kurko khetne, te sharas o Debles, te giwas leske gilja un te mangas les an. Denn ninna tsire an o bersh, kote hi men i bareder Khetnepen, te anas maro sharepen glan i Debleste.

2. Pral hoi djala an o Khetnepen?

Mer te wah khetne, wah mer sikedo, hoi kol laba an i bibla menge “kamenn te penell, jaake te [haiwah] len” (Dik pal an Nehemia 8:8). Tu te hal pashel, haiweh tu budeder pral i Jehoweste und leskri shukar shinia. Jaake budeder tu pral leskro kamlepen djineh, jaake budeder tserdeh tu tut ap leste. Tu haiweh ninna, hoi job tuke nai krella, te well tuke i bachtelo djipen (Jesaja 48:17, 18).

3. Hoske hi kowa mishto, te weh an o Khetnepen wawarentsa khetne?

O Jehowah penell menge te “das jak jek ap o wawareste, te kamell jek o wawares o djiestar, un te krell hakeno latcho koowa [… un] te atchas gar krik, te wenn i patsle khetne” (Hebrearja 10:24, 25). An o Khetnepen hatseh tu sawe, kai kamenn budeder pral o Debleste te djinell — jaake har tu. Jon krenn pen kola latche labentsa dran i bibla sorles (Dik pal an Remarja 1:11, 12). Tu nai putcheh lendar ninna, har jon pengre problementsa trujel djan un har jon tel phare tsire pengri bacht rikran. Un kote dell ninna bud wawar koowa, hoske o Jehowah kamell, te was wawarentsa pale un pale khetne.

 RODAS DUREDER

4. O Khetnepen i Jehoweskre Rakepangrendar

An o 1. sheeleskro bersh wan i erste Christe pale un pale khetne, te sharenn le i Jehowes (Remarja 16:3-5). Dikenn pal an Kolossarja 3:16, un rakrenn khetne pral:

• Har sharan kola erste christe i Jehowes an pengro Khetnepen?

1. Glanstunes un palstunes hi i gili un i mangepen. An o Khetnepen denn Biblakre Rakepena, ninna wenn videos sikedo

2. Denn ninna kotja an i programma, kote nai dell jek i kommentar, te kamell lo

3.   Hakeno nai wella — i tseli familja

4. O wudar hi hakeneske pre. Mer mangah gar pal lowe

5. Djas an o Khetnepen, ninna te hi kowa phares

• Hoske te was khetne?

 HOI KATE PENLO WAS

O Khetnepen hi tuke mishto, te prindjress i Jehowes feteder, te kress tiro malepen leha sorleder un te sharess les khetne wawarentsa.

Hoi penals tu?

• Hoske penell o Jehowah, te was wawarentsa khetne?

• Hoi well tuke an o Khetnepen i Jehoweskre Rakepangrendar sikedo?

• Nai well tuke o Khetnepen ninna pash tchomone wawar mishto?