کیا آپ کبھی یہوواہ کے گواہوں کے اِجلاس میں گئے ہیں؟ اگر آپ ابھی تک اُن کے کسی اِجلاس میں نہیں گئے تو شاید آپ پہلی بار وہاں جانے سے تھوڑا گھبرائیں۔ شاید آپ سوچیں:‏ ”‏اِن اِجلاسوں میں کیا ہوتا ہے؟ اِن میں جانا کیوں ضروری ہے؟ مجھے اِن میں جانے سے کیا فائدہ ہوگا؟“‏ اِس سبق میں آپ سیکھیں گے کہ یہوواہ کے گواہوں کے اِجلاسوں میں شامل ہونے سے آپ خدا کے اَور قریب کیسے ہو سکتے ہیں اور آپ کو کیا فائدہ ہو سکتا ہے۔‏

1.‏ یہوواہ کے گواہ اِجلاسوں کے لیے جمع کیوں ہوتے ہیں؟‏

اِس کی سب سے اہم وجہ بائبل لکھنے والے ایک شخص نے بتائی۔ اُس نے کہا:‏ ‏”‏مَیں بڑے مجمع میں [‏یہوواہ]‏ کی ستایش کروں گا۔“‏ (‏زبور 26:‏12‏، نیو اُردو بائبل ورشن‏)‏ پُرانے زمانے کے خدا کے بندوں کی طرح آج یہوواہ کے گواہ بھی عبادت کے لیے جمع ہوتے ہیں اور اِس سے اُنہیں بڑی خوشی ملتی ہے۔ پوری دُنیا میں یہوواہ کے گواہ ہر ہفتے مل کر خدا کی عبادت کرتے ہیں، اُس کی حمد کرتے ہیں اور اُس سے دُعا کرتے ہیں۔ اِس کے علاوہ سال میں چند بار اُن کے بڑے اِجتماع بھی ہوتے ہیں۔‏

2.‏ آپ ہمارے اِجلاسوں میں کیا سیکھیں گے؟‏

ہمارے اِجلاسوں میں خدا کے کلام کی ‏”‏تشریح کر کے اُس کے معانی بتائے“‏ جاتے ہیں۔ (‏نحمیاہ 8:‏8 کو فٹ‌نوٹ سے پڑھیں۔‏ a‏)‏ ہمارے اِجلاسوں میں آپ یہوواہ خدا اور اُس کی شان‌دار خوبیوں کے بارے میں سیکھیں گے۔ جیسے جیسے آپ سیکھیں گے کہ یہوواہ خدا آپ سے کتنی محبت کرتا ہے، آپ اُس کے قریب ہوتے جائیں گے۔ آپ یہ بھی جانیں گے کہ خدا ایک اچھی زندگی گزارنے میں آپ کی مدد کیسے کر سکتا ہے۔—‏یسعیاہ 48:‏17، 18‏۔‏

3.‏ جب آپ اِجلاسوں میں جا کر دوسروں سے بات‌چیت کریں گے تو آپ کو کیا فائدہ ہوگا؟‏

یہوواہ خدا چاہتا ہے کہ ہم ‏”‏ایک دوسرے کے بارے میں سوچتے رہیں تاکہ محبت اور اچھے کاموں کی ترغیب دے سکیں۔ اور ایک دوسرے کے ساتھ جمع ہونے میں ناغہ نہ کریں۔“‏ (‏عبرانیوں 10:‏24، 25‏)‏ ہمارے اِجلاسوں میں آپ ایسے لوگوں سے ملیں گے جو دل سے ایک دوسرے سے پیار کرتے ہیں اور جو آپ کی طرح خدا کو اَور اچھی طرح جاننا چاہتے ہیں۔ وہ بائبل سے ایسی باتیں بتائیں گے جن سے آپ کا حوصلہ بڑھے گا۔ (‏رومیوں 1:‏11، 12 کو پڑھیں۔)‏ وہاں آپ ایسے لوگوں سے بھی ملیں گے جو اُن مسئلوں سے بڑی اچھی طرح نمٹ رہے ہیں جن کا شادی‌شُدہ اور غیرشادی‌شُدہ لوگوں کو سامنا ہوتا ہے۔ یہ کچھ ایسی باتیں ہیں جن کی وجہ سے یہوواہ خدا چاہتا ہے کہ ہم باقاعدگی سے اُس کی عبادت کے لیے جمع ہوں۔‏

 موضوع کی گہرائی میں جائیں

4.‏ یہوواہ کے گواہوں کے اِجلاس

پہلی صدی عیسوی میں مسیحی یہوواہ خدا کی عبادت کے لیے باقاعدگی سے جمع ہوتے تھے۔ (‏رومیوں 16:‏3-‏5‏)‏ کُلسّیوں 3:‏16 کو پڑھیں اور پھر اِس سوال پر بات‌چیت کریں:‏

• پہلی صدی عیسوی کے مسیحی یہوواہ خدا کی عبادت کیسے کرتے تھے؟‏

1. ‏(‏1)‏ ہمارے اِجلاسوں میں تقریریں ہوتی ہیں، منظر ہوتے ہیں اور ویڈیوز دِکھائی جاتی ہیں۔ ہر اِجلاس گیت اور دُعا سے شروع اور ختم ہوتا ہے۔‏

2. ‏(‏2)‏ اِجلاس کے کچھ حصے سوال و جواب کی صورت میں ہوتے ہیں جن میں اِجلاس پر آئے ہوئے لوگ جواب دے سکتے ہیں۔‏

3. ‏(‏3)‏ ہمارے اِجلاسوں میں بوڑھے، بچے، خاندان اور غیرشادی‌شُدہ لوگ سب آ سکتے ہیں۔‏

4. ‏(‏4)‏ ہمارے اِجلاسوں میں چندہ نہیں لیا جاتا اور داخلہ مُفت ہوتا ہے۔‏

 5.‏اِجلاسوں میں جانے کے لیے کوشش کرنی پڑتی ہے

• ہمیں باقاعدگی سے اِجلاسوں میں کیوں جانا چاہیے؟‏

 خلاصہ

اِجلاسوں میں جانے سے آپ یہوواہ خدا کو اَور اچھی طرح جان سکیں گے، اُس کے ساتھ اپنی دوستی مضبوط کر سکیں گے اور دوسروں کے ساتھ مل کر اُس کی عبادت کر سکیں گے۔‏

دُہرائی

• یہوواہ خدا یہ کیوں کہتا ہے کہ ہم دوسروں کے ساتھ مل کر اُس کی عبادت کریں؟‏

• آپ یہوواہ کے گواہوں کے اِجلاسوں میں کیا سیکھیں گے؟‏

• آپ کے خیال میں آپ کو اِجلاسوں میں جانے سے اَور کیا فائدہ ہو سکتا ہے؟‏