11ǁÎ ǁKHĀǁKHĀǃÂS

Elobmîsa khomaisa xu du mati ǃgâiba nî hō?

ǀHURU RE

Kai ǁaeba ra ū xū-e du ge tsoatsoa hâ i? Tsî ge ǃgombahe? Nēsa supusupus ams ai du ge ǀnîsi, ǂkhari ǃârogu ǃnâ ge ǀgoraǂgā. ǁKhā xū-i ge a mîhe ǁkhā. Elobmîs khomais tawa i ga hā o. Mapa du nî tsoatsoasa du ge ǀnîsi nî dîsen. Nē ǁkhāǁkhāǃâs ǃnâ da ge, supu xūn hîna du a dī ǁkhāna nî ǃhoaǃgao. Î du Elobmîsa ǁkhoaxase khomai tsî ôaǃnâ.

1. Tae-i ǃaroma da Elobmîsa hoaǁae nî khomai?

“ǃKhūb di ǂhanub” tamas ka io Elobmîsa ra khomai khoe-i ge hoaǁae nî ǃgâiaǂgao. Tsî nî ǃgâiǃō. (Khomai re Psalmdi 1:1-3 sa.) Tsoatsoas ǃaroma ǃnubu ǁaeroba tsēs hoasa khomai re. Elobmîsa du ra ǂan khami du ge nî ǃgâibahe ǁîsa khomaisa.

2. Tae-e nî hui du î du Elobmîs khomaisa xu ǃgâiba hō?

Elobmîs khomaisa xu ǃgâiba hōs ǃaroma. Da ge nî ‘ǂâiǃgâ’ tae-e da ra khomaisa. (Josuab 1:8) Khomai du ra hîna du ge sao ra dîna a dîsen ǁkhā. ‘Nē ta ra khomai xū-e Jehova Elob xa tae-e ra mîba te? Nē ta go ǁkhāǁkhāsen xūna ta mati ti ûib ǃnâ a sîsenū ǁkhā? Nē xoade ta mati a sîsenū ǁkhā, î ta nau khoena hui?’

3. Mâǁae du Elobmîsa a khomai ǁkhā?

Elobmîsa khomais ǃaroma du ǁaeba ǁamaǂuis xa a ǃgombahe? ǂGui khoen ge ti ra tsâ. ǁAeba da ge nî “ǁamaǂuibasen.” (Efeseǁîn 5:16) Tsēs hoasa du Elobmîsa nî khomai ǁaeba du ge nî mîǁgui. ǀNî khoen ge ǁgoaga furuse ra khomai. ǀNîn ge ǀkhara ǁaeba tsēs ǃnâ ra ǁhûi. Lunch ǁaeb khami. Tsîn ge ǀnîna ǃuia ǁoman nîs aiǃgâ ra khomai. Mâba a ǃgâi ǁae sadu ǃaroma?

ǃGAMSE ÔAǃNÂ RE

ǁKhāǁkhāsen re mati du sadu Elobmîs khomaisa nî ǁkhoaǁkhoasa. Kō re mati du a aiǂhomisen ǁkhāsa. Î du nē Elobmîs ǁkhāǁkhāsensa xu ǃgâiba hō.

ǃKharagagu ǂûna ǂûsa ǀnamsa da ra ǁkhāǁkhāsen. Khami da ge Elobmîsa khomais tsîna a ǀnam ǁkhā

4. ǁKhāǁkhāsen re Elobmîsa khomais xa ǁkhoaxabahesa

Elobmîsa khomai tsoatsoas ge supu tama hâ. Xawe da ge Elobmîsa ‘turaba’ nî omkhâiba. Khoe-i ǀasa ǂû-i di ǁkhoaba ra omkhâi khami. Khomai re 1 Petrub 2:2 sa. Tsî sao ra dîsa ǃhoaǃgao re:

ǂÂi du ra tsēs hoasa du ga Elobmîsa khomai o, o du ǁîs xa nî ǃgâibahe? Tsî hoaǁae nî khomai ǂgao ti?

VIDIOBA ǀhuru re. Î du mû khoen ge mati Elobmîsa khomais xa ǃgâibahesa. Tsî sao ra dîde ǃhoaǃgao re.

VIDIOB: ǂKhamkhoen ge Elobmîsa ge ǀnam (5:33)

Nē vidiob ǃnân ge, ǂkhamkhoena mâ ǃgomsina hōǃâ?
Tae-e ge hui nî în Elobmîsa hoaǁae khomai?
Matin ge Elobmîs khomaisa ǁkhoaxa kai?

Tsoatsoas ǃnâ a hui du ǁkhā xūn:

Sado a ǃgâiba ǂnûiǃkhunisa sîsenū re. New World Translationsa sîsenū re sadu gowab ǃnâs ga hâ o. Tamas ka io sadu ǃgâise ra ǁnâuǃā gowab ǃnâ hâ ǂnûiǃkhunisa sîsenū re.
Sado a ǃgâiba ǃâga ǂgurose khomai re. Mû re “Elobmîsa khomai tsoatsoa re” di hâ ǃâba.
ǀNai du khomai hâ ǃâga xoamâi re. “ǀNai du khomai toa hâ ǃâba” di hâ boksisa sîsenū re.
JW Librarib^®appsa sîsenū re. ǁÎs ǀkhats ge Elobmîsa khomai tsî a ǃgâ ǁkhā. Mâ ǃkhai-i hoa-i ai. Nē appsa a ǃnaoǁnâ ǁkhā foni tamas ka io tableta du ga ūhâ o.
New World Translations ǃgâb ai hâ ǂhawega sîsenū re. ǃĀdi ǁgoe ǀgausa ra ǁgau ai-īsigu, boksidi tsî mîde ra ǁguiǃā ǃâba î ge ǃkhōǂgā hâ. Nē xūn ge sadu Elobmîs khomaisa nî ǁkhoaǁkhoa.

5. Sadu Elobmîs ǁkhāǁkhās ǃaroma aiǂhomisen re

Khomai re Psalmdi 119:34 sa. Tsî sao ra dîsa ǃhoaǃgao re:

Tae-i ǃaroma du Elobmîsa du nî khomais aiǃgâ nî ǀgore? Tsî Elobmîs ǁkhāǁkhāsa du ga aiǂhomi o?

Mati du ǃgâiba a hō ǁkhā ǁkhāǁkhāsen du ra ǃâba xu? ǁKhāǁkhāǃâsa du ra aiǂhomi ǁaeb ai sao ra xūna dītsâ re:

Tsoatsoas ai hâ xoaǀgorade khomai re.
Xoade khomai re tsî kō re mati di ǁkhāǁkhāǃâs ǃnâ hâ xūn ǀkha ra ǃgûǀhaosa.
Dîsa ra ǃeream ǃâga ǂgaeǃgao re. Nēs ge ǁkhāǁkhāǃâsa du ra ǃhoaǃgao ǁaeb ai nî hui du.

ǂAn i du go i?

Jehovab di ǀHûǀguitimî- aon ge ǃkharagaǃnâgu Elobmîs ǂnûiǃkhunide gere sîsenū. Xawe da ge New World Translation of the Holy Scriptures xa ǃgâibahe. Nē ǂnûiǃkhunis ǂgomǃgâhe ǁkhā, ǃgāsa tsî Elob ǀonsa ra sîsenū amaga.—Internets ai hâ ǁkhāǁkhāsa khomai re “Jehovab di ǀHûǀguitimî-aona ǁîn ǀguin da sîsenū Elobmîsa ūhâ?”

MATI DU NÎ ǃEREAM KHOE-I GA MÎ O: “Elobmîsa ǁkhāǁkhāsens ge a ǃgom. Tita ge ǁaeba ūhâ tama hâ tsî tsau hâ.”