LECCIÓN 11

¿Te̱ wel tikchi̱wa iga ma̱j mamitspale̱wi la Biblia?

XIKAKI PAN

Anka se̱ biáj tikchi̱wasnekiá se tekipano̱l yej pux weyi, wan tikitaʼ iga yawi difícil. Iga wel xikchi̱wa, anka tikchij ajachi ajachi iga maya̱wi ma̱j fácil. Ijko̱nsan no̱ yawi kua̱ tiktajto̱ltiáj la Biblia. Anka timotajtani «¿Ka̱n niktsi̱ntis iga maniktajto̱lti?». Pan iní̱n lección tikitaskej sekin tejté̱ yej mitspale̱wis iga ma̱j xiktajto̱ltisneki wan ximomachti la Biblia.

1. ¿Té íga moneki iga nochipa matiktajto̱lti̱kan la Biblia?

Yej nochipa makitajto̱lti la Biblia, o «iley Jehová», ma̱j yo̱lpa̱kis wan nochi yej kichi̱was kisas ye̱kti (xiktajto̱lti Salmo 1:1-3). Achto wel tiktajto̱ltiá sékinsan minutos pan el día. Kua̱ ma̱j tiki̱xmatis Itajto̱l Dios, ma̱j tiknekis xiktajto̱lti.

2. ¿Te̱ wel tikchi̱waj iga mate̱pale̱wi yej tiktajto̱ltiáj pan la Biblia?

Iga mate̱pale̱wi yej tiktajto̱ltiáj pan la Biblia, moneki iga matitajla̱mikikan pan yej nemi tiktajto̱ltiáj. Iní̱n libro ayéj ígasan matiktajto̱ltikan, moneki no̱ iga «matitajla̱mikikan pan yéj» (Josué 1:8). Kua̱ xiktajto̱ltijto, ximotajtani: «¿Te̱ nene̱xtiliá de Jehová iní̱n versículos? ¿Kén wel nikchi̱wa pan novida yej niktajto̱ltij? ¿Kén wel niknentis iga manikpale̱wi seuʼmej?».

3. ¿Kén wel tikpiáj tiempoj iga matiktajto̱ltikan la Biblia?

¿Tikita difícil iga xikpiá achi tiempoj iga xiktajto̱lti la Biblia? Miakejmej de tejeme̱n ijkó̱n tikitaj. Moneki iga matikye̱ʼnentikan «el tiempoj» (Efesios 5:16). Iga xikchi̱wa wel tikapartarowa se̱ momento pan el día iga xiktajto̱lti la Biblia. Sekin kitajto̱ltiáj kua̱ tane̱si. Seuʼmej kichi̱waj ma̱j tarde, anka kua̱ mose̱wiáj iga yawij takuatij. Wan sekin kitajto̱ltiáj achto iga makochitij. ¿Te̱ hora tikita ma̱j ye̱kti?

MATIMOMACHTI̱KAN MA̱J DE INÍ̱N TEMA

Matikitakan te̱ wel tikchi̱waj iga ma̱j matiktajto̱ltisnekikan la Biblia. Nigaj tikmatiskej sekin tejté̱ yej yawi te̱pale̱wi̱ti iga ma̱j matimoye̱ʼmachti̱kan wan tikitas iga ma̱j mitspale̱wis yej timomachtis de la Biblia.

Ke̱nsan kua̱ timomachtiáj iga matikuasnekikan sekin takual, ijko̱nsan no̱ wel timomachtiáj iga matiktajto̱ltijnekikan la Biblia.

4. Ximomachti iga xiktajto̱ltisneki la Biblia

Anka ayéj fácil iga achto biáj matiktajto̱ltikan la Biblia. Pero, ijko̱nsan pano̱wa wan se takual, kua̱ pano̱wa el tiempoj majya tikuajnekij, ijko̱nsan no̱ ajachi ajachi tiknektoskej «matiktajto̱lti̱kan» la Biblia. Xiktajto̱ltikan 1 Pedro 2:2 wan xitajto̱ka̱n de iní̱n:

Siga nochipa xiktajto̱lti la Biblia, ¿ticre̱rowa iga inó̱n mitspale̱wis iga ma̱j xiktajto̱ltisneki?

Xikitakan el VIDEO iga xiki̱xmati sekin chokomej yej momachtijkej iga ma̱j makitajto̱ltisnekikan la Biblia. Wan xitajto̱ka̱n de iní̱n:

VIDEO: Chokomej yej momachtijkej iga makinekikan Itajto̱l Dios (5:33)

¿Te̱ ki̱xtajmakakej chokomej del video?
¿Te̱ kipale̱wijkej iga amo mamosenmakakan?
¿Te̱ kichijkej iga ma̱j makitajto̱ltisnekikan la Biblia?

Sekin tejté̱ yej wel mitspale̱wiá:

Xiktapejpena se̱ traducción yej maya̱wi confiable wan yej ma̱j xikojasi. Wel tiktajto̱ltiá la siga onoʼ pan mo-idioma.
Wel tiktsi̱ntiá wan los relatos yej ma̱j misgusta̱rowa. Tikitas ken ma̱j wel tikchi̱wa pan la tabla «Yej wel tikchi̱wa iga xiktajto̱lti la Biblia».
Xikijkuilo te̱ kanya tiktajto̱ltij. Xikijkuilo pan la tabla «Yej niktajto̱ltijya de la Biblia», tikasis pan iní̱n publicación.
Xiknenti la aplicación JW Library^®. Siga tikinstala̱rowa pan moteléfono o pan seuʼ dispositivo, wel tiktajto̱ltis wan tikakis la Biblia san ka̱n tinemis.
Xiknenti las secciones adicionales yej kiwajliga la Traducción del Nuevo Mundo. Ompa tikasis mapas, tablas wan se̱ glosario yej kichi̱was iga ma̱j xiktajto̱ltisneki la Biblia.

5. Ximoprepararo achto iga ximomachti de la Biblia

Xiktajto̱ltikan Salmo 119:34 wan xitajto̱ka̱n de iní̱n:

¿Té íga moneki iga xi-ora̱ro achto iga tiktajto̱ltiá la Biblia o kua̱ timoprepara̱rowa iga tiá timomachti̱ti?

¿Te̱ ma̱j wel mitspale̱wis kua̱ timomachtis? Kua̱ timomachtis las lecciones de iní̱n libro, wel tikchi̱wa iní̱n:

A) Xiktajto̱lti nochi los párrafos yej ka̱n tsi̱nti cada lección.
B) Xikte̱mo los textos bíblicos, xiktajto̱lti wan xikita kén wel mitspale̱wiá iga xikojasi yej nemi timomachtiá.
C) Xiksubrayaro tajto̱lmej o frases yej kitajto̱lkuepa las preguntas. Iní̱n mitspale̱wis kua̱ timomachtis la lección wan momaestro.

¿Tikmatiá?

Yej tajto̱lmoya̱waj de Jehová tiknentiáj komati traducciones de la Biblia, pero yej ma̱j tiknentiáj la Traducción del Nuevo Mundo iga yawi exacta wan ma̱j moojasi, wan kipiá ito̱ka̱ Dios (xikita iní̱n artículo de jw.org: «¿Kipiáj yej tajto̱lmoya̱waj de Jehová yej de yejempa ibibliajmej?»).

YEJ SEKIN KIJTOWAJ: «Manimomachti la Biblia yawi pux difícil iga nej. Anikpiá tiempoj wan animomachtisneki».

¿Te̱ tikijtowa téj?

TE TIMOMACHTIJ

Iga ma̱j ximoye̱ʼmachti la Biblia, xikpiá se horario iga xiktajto̱lti, xiktajtanili Dios iga mamitspale̱wi iga xikojasi yej nemi tiktajto̱ltiá wan ximoprepara̱ro achto iga ximomachti.