Kwano Baibul kitwero porone ki wot mo mabor ento ma yomo cwinyi adada. Kadi bed kit meno, wot man pe twero bedo yot kare ducu. I kare mukene, itwero pennye kekeni ka ce ibitwero medde ki kwanni me Baibul. Tika tuteni binyako nyige? Gin ango ma twero konyi me medde ki kwanni kadi bed itye ka kemme ki ariya?

1. Pingo kwano Baibul pire tek?

“Lok pa Lubanga obedo gin makwo, dok tiyo matek.” (Jo Ibru 4:12) Baibul obedo gin me wel adada, pien nyutiwa tam pa Lubanga ki mare piwa. Konyowa pe me nongo ngec keken ento bene konyowa me nongo ryeko kacel ki gen pi anyim. Ma dong pire tek loyo ducu, Baibul konyi me doko larem Jehovah. Ka ikwano Baibul, ci ibibedo ki yomcwiny i kwoni.

2. Pingo pire tek me niang tyen lok ma oweko ada ma tye i Baibul tye me wel?

Ada ma tye i Baibul kitwero porone ki lonyo ma welle dit adada. Meno aye oweko Baibul cuko cwinywa ni, “Wil ada, ento pe icat woko aye.” (Carolok 23:23) Ka wiwa pe owil i kom kit ma lok ada me Baibul pire tek kwede, ci wabitute matek me medde ki kwan—kadi bed watye ka kemme ki ariya.—Kwan Carolok 2:4, 5.

3. Jehovah twero konyi nining me medde ki kwanni me Baibul?

Macalo Lacwecwa dok Laremwa, Jehovah ngeyi maber loyo ngat mo keken, dok mito konyi me medde ki pwonyo lok i kome. En twero mini “miti ki teko me tic.” (Kwan Jo Pilipi 2:13.) Pi meno, ka i kare mukene ipe ki miti me kwan nyo miti me keto i tic jami ma ipwonyo, en twero konyi. Ka imito teko me loyo ariya mo nyo kanyo aunauna, ci en twero mini teko meno. Leg Jehovah kare ki kare wek okonyi imedde ki kwanni me Baibul.—1 Jo Tecalonika 5:17.

 NONG NGEC MATUT

4. Ngo ma itwero timo me nyuto ni kwanni me Baibul pire tek adada?

I kare mukene wabedo ki tic madwong adada ma weko wawinyo calo pe watwero nongo cawa me kwano Baibul. Gin ango ma twero konyi? Kwan Jo Pilipi 1:10, ci wunyam lapeny magi:

• Jami mene ma in itamo ni gubedo “gin maber makato” i kwo?

• Itwero keto kwanni me Baibul bedo gin ma pire tek i kwoni nining?

1.  

2. I yo acel-lu, ka iketo ‘jami ma pigi tego loyo’ obedo mukwongo i kwoni, ci ibicobogi dok ibidong ki cawa me timo jami mukene

Kwano Baibul cobo mitiwa pi jami me cwiny—ma en aye, miti me ngeyo ki woro Lubanga. Kwan Matayo 5:3, ci wunyam lapeny man:

• Adwogi maber ango ma wanongo ka waketo kwano Baibul obedo gin ma pire tek loyo i kwowa?

 5. Di cwinyi ka itye ka kato ki i aunauna

6. Jenge i kom Jehovah wek okonyi

 WOT WIYE WIYE

Kadi bed kwano Baibul pe yot kare ducu, timone bikonyi me bedo ki kwo maber nakanaka. Medde ki jenge i kom Jehovah ci en bimini mot.

Ngo ma ipwonyo?

• Pingo lok ada me Baibul obedo gin me wel boti?

• Itwero keto pi ‘jami ma pigi tego loyo’ bedo mukwongo i kwoni nining?

• Pingo omyero ileg Jehovah wek okonyi imedde ki kwanni me Baibul?