PES 12
Kii i nla hôla we i kena yigil yoñ Bibel ni bisu?
I nigil Bibel i yé jam li mahee, ndi hala a ntomb bé i boñ. Ngim mangéda u nla badba too w’a la ke ni bisu i nigil Bibel. Inyuki i yé nseñ i ke ni bisu i boñ biliya i nigil Bibel? Kii i nla hôla we i téñbe to ibale u mboma mandutu?
1. Inyuki i nigil Bibel i yé mahee?
“Bañga i Nyambe i yé yômi, i gwé ki ngui.” (Lôk Héber 4:12) Bibel i yé mahee inyule i nyelel mahoñol ma Djob ni i yom a nôgda inyu yés. I nhôla ndik bé we i bana bañga yi, ndi i nhôla yak we i bana pék ni botñem. Ndi i jam li nlôôha ba nseñ li yé le Bibel i nhôla we i yila liwanda li Yéhôva. Ngéda u nigil Bibel, u nti yo pôla i lémés niñ yoñ.
2. Inyuki i yé nseñ i diihe maliga ma yé ikété Bibel?
Maliga di nléba ikété Bibel ma gwé mahee. Inyu hala nyen Bibel i nti bés makénd i ngéda i nkal le: “Somb maliga ndi u nuñlak bañ mo.” (Bingéngén 23:23) Ibale di ndiihe maliga ma yé ikété Bibel, hala a nhôla bés i ke ni bisu i nigil yo to ibale di mboma mandutu.—Añ Bingéngén 2:4, 5.
3. Lelaa Yéhôva a nla hôla we i ke ni bisu i nigil Bibel?
Nhek woñ ni liwanda joñ le Yéhôva a ngwés le u yi njee a yé. A nla ti we “ngôñ lôñni ngui i boñ mam.” (Añ Filipi 2:13.) Jon, ibale u gwé ngôñ ni makénd i nigil ni i bii i mam u nigil bisélél, a nla hôla we. Ibale u gwé ngôñ le a ti we ngui inyu yémbél ngolba tole manoodana, a nla ti we yo. Hiki ngéda, bat Yéhôva mahôla ikété masoohe inyu ke ni bisu i nigil Bibel.—1 Tésalônika 5:17.
KÔNDE TÉM
Béñge lelaa u nla kena yigil yoñ Bibel ni bisu to ibale u pégi tole bôt ba nkolba we. I mbus tehe lelaa Yéhôva a nla hôla we i téñbe.
4. Diihe yigil yoñ i Bibel
Ngim mangéda di gwé ngandak mam i i mpégdaha bés, kayéle di gwé ha bé ngéda inyu nigil Bibel. Kii i nla hôla bés? Añ Filipi 1:10, i mbus ni kwélél mambadga mana:
-
U nhoñol le mambe “mam ma nlôôha ba nseñ” ikété niñ?
-
Lelaa u nla boñ kayéle yigil yoñ i Bibel i yila jam li bisu i niñ yoñ?
-
Ibale u gwé nlôñge ndi u bôk u ha lisege, ngok y’a jôp ha bé ngandak.
-
Ndi ibale u nyoñ nlélém nlôñge u ha ndugi ngok, lisege li ga jôp bebee le jolisôna. Nlélém i niñ yoñ, ibale u mboñ ndugi “i mam ma nlôôha ba nseñ” w’a bana ngéda inyu mana mam mape
I nigil Bibel i nyônôs ngôñ di gwé i yi Djob ni i bégés nye. Añ Matéô 5:3, i mbus ni kwélél mbadga ini:
-
Ibale u ndiihe yigil yoñ i Bibel, umbe nseñ u nla kôhna mu?
5. Téñbe i bisu bi ngolba
Bôt bape ba ga noode tômbôs we le u kena bañ yigil yoñ i Bibel ni bisu. Béñge hihéga hi Francesco. Tuk VIDÉÔ, i mbus ni kwélél mambadga mana.
-
Kii mawanda ma Francesco ni lihaa jé ba bi boñ ngéda a bi bôdôl añle bo i mam a bé nigil?
-
Bimbe bisai ndéñbe yé i bi lona nye?
Añ 2 Timôtéô 2:24, 25, i mbus ni kwélél mambadga mana:
-
Kii mawanda moñ ni lihaa joñ ba nhoñol inyu yigil yoñ i Bibel?
-
Inoñnaga ni minlôñ mini, lelaa u nla timbhe i mut nu a ta bé maséé inyule u nigil Bibel? Inyuki?
6. Bat Yéhôva mahôla
Kiki di mba di nkôôge Yéhôva bebee, d’a bana ngôñ i kônde lémél nye. I nla bane bés ndutu i boñ ngim mahéñha inyu niñ inoñnaga ni matiñ ma Yéhôva. Ibale hala nyen u nôgda, u tomb bañ. Yéhôva a ga hôla we. Tuk VIDÉÔ, i mbus ni kwélél mambadga mana.
-
Mu vidéô, mambe mahéñha Jim a bi boñ inyu lémél Yéhôva?
-
Kii i nlémél we mu hihéga hié?
Añ Lôk Héber 11:6, i mbus ni kwélél mambadga mana:
-
Kii Yéhôva a ga boñ inyu bet ba mboñ “biliya bi ngui” inyu yi nye ni i lémél nye?
-
Yéhôva a ntehe biliya u mboñ inyu yi nye, kii hala a niiga we inyu yé?
BÔT BAPE BA NLA BAT LE: “Inyuki u nigil Bibel?”
-
Lelaa w’a timbhe?
I SEM KWEP
Tolakii hala a ntomb bé hiki ngéda, yigil Bibel i nla lona we maséé i boga ni boga. Kee ni bisu i bat Yéhôva mahôla, a ga sayap we.
Mambadga ma mbigda
-
Inyuki maliga ma yé ikété Bibel ma yéne we nseñ?
-
Lelaa u nla “wan i mam ma nlôôha ba nseñ”?
-
Inyuki u nlama soohe Yéhôva le a hôla we i ke ni bisu i nigil Bibel?
KÔNDE YÉÑ
Béñge mam ma-na ma ma bi hôla ngandak bôt i tibil gwélél ngéda yap.
Yimbe lelaa Yéhôva a bi hôla muda wada nu nlôm a bé tééñga inyule a bé gwés lémél Djob.
Béñge lelaa hônba i muda wada i bi hôla nlôm.
Ngim mangéda, bôt ba nkal le Mbôgi Yéhôva i ñôbôs mahaa, ndi baa mbale i?
“Baa Mbôgi Yéhôva i ñôbôs mahaa tole i ñat mo?” (Kee i jw.org)
Yak ini i nla lémél we
MAMBADGA BÔT BA MBÉNA BAT
Lelaa Mbôgi Yéhôva i ntégbaha bôt yigil i Bibel?
Mbôgi Yéhôva i nla hôla we i nigil Bibel ibabé i saa; yigil i ntagbe kiki nkwel ipôla bôt iba, u nla ki gwélél to imbe ngobol i Bibel. U kon bañ woñi i naña lihaa joñ jolisôna tole mawanda moñ.
