Kuti mwanonkelamo nga mwatwalilila ukusambilila Baibolo, nangu ca kuti inshita shimo tacanguka. Inshita shimo kuti mwasakamana nga ca kuti mukatwalilila ukusambilila Baibolo. Cinshi cacindamina ukutwalilila ukulaibikilishako ukusambilila Baibolo? Finshi fingamwafwa ukutwalilila ukusambilila Baibolo nangu ca kuti inshita shimo cilafya?

1. Bushe ukusambilila Baibolo kuti kwamwafwa shani?

“Icebo ca kwa Lesa ca mweo kabili ca maka.” (AbaHebere 4:12) Baibolo kuti yamwafwa, pantu ilalondolola ifyo Lesa atontonkanya ne fyo amutemwa. Mukasambilila ifintu ifingi kabili mukaba ne nsansa pali ino nshita, e lyo ne subilo lya kuti ifintu fikawama ku ntanshi. Ne cacindamisha ca kuti nga mulesambilila Baibolo, kuti mwaba cibusa wa kwa Yehova. Na kabili ukusambilila Baibolo kukalenga ubumi bwenu bukawamineko.

2. Mulandu nshi tulingile ukwishibila ukuti icine icaba mu Baibolo calicindama?

Icine icaba mu Baibolo caba kwati cuma icaumo mutengo. E co Baibolo itukoselesesha ukuti: “Nonka icine kabili wicishitisha.” (Amapinda 23:23) Nga twaishiba ifyo icine caba mu Baibolo cacindama, tukalaesha na maka ukutwalilila ukulasambilila Baibolo, nangu ca kuti twakwata amafya.—Belengeni Amapinda 2:4, 5.

3. Bushe Yehova kuti amwafwa shani ukutwalilila ukusambilila Baibolo?

Yehova Kabumba wa Maka Yonse kabili Cibusa wenu alimwishiba bwino kabili alafwaya ukumwafwa ukusambilila pali ena pa kuti mumwishibe. Kuti alenga “mulefwaya” ukusambilila pali ena “e lyo no kucitapo cimo.” (Belengeni Abena Filipi 2:13.) Kanshi nga mulekabila ukumwafwa pa kuti mutwalilile ukusambilila nelyo ukubomfya ifyo mulesambilila, Yehova kuti amwafwa. Nga mulekabila amaka ya kucimfya amafya nelyo aya kushipikisha nga balemucusha, Yehova kuti amupeela. Lyonse mulepepa kuli Yehova kabili mulemulomba ukuti alemwafwa ukutwalilila ukusambilila Baibolo.—1 Abena Tesalonika 5:17.

 SAMBILILENI NA FIMBI

4. Mulemona ukusambilila Baibolo ukuti kwalicindama sana kuli imwe

Inshita shimo kuti twalamona kwati twalikwata ifya kucita ifingi ica kutila te kuti tukwate ne nshita ya kusambilila Baibolo. Finshi fingatwafwa? Belengeni Abena Filipi 1:10, lyena lanshanyeni aya mepusho:

• Finshi fimo ifyo mumona ukuti e “fyacilapo ukucindama” mu bumi bwenu?

• Finshi mwingacita pa kuti mulelanga ukuti ukusambilila Baibolo kwalicindama sana kuli imwe?

1. Nga mwabalilapo ukubika umucanga mu mbeketi e lyo mwaesha ukubikamo amabwe, te kuti yengile yonse

2. Nga mwabalilapo ukubika amabwe mu mbeketi, kuti kwashala incende iya kuti mwabikamo umucanga uwingi. Ifi fine e fyo ciba nga ca kuti mwabalilapo ukucita ifintu “ifyacilapo ukucindama” mu bumi bwenu. Kuti mwakumanisha ukuficita, kabili kuti mwashalako ne nshita ya kucitako ne fintu fimbi

Nga tulesambilila Baibolo tuleshiba fyonse ifyo tukabila ukwishiba pa fya kwa Lesa, e kutila ukwishiba Lesa no kulamupepa. Belengeni Mateo 5:3, lyena lanshanyeni ici cipusho:

• Tunonkelamo shani nga ca kuti tulemona ukutila ukusambilila Baibolo kwalicindama sana?

 5. Muletwalilila ukusambilila Baibolo na lintu balemukaanya

6. Muleshintilila pali Yehova ukuti alemwafwa

 IFYO MUSAMBILILE

Nangu ca kuti limo kuti cakosa ukusambilila Baibolo, ukusambilila Baibolo kuti kwalenga mwaba ne nsansa umuyayaya. Mutwalilile ukushintililila pali Yehova, kabili akamulambula.

Ukupitulukamo

• Cinshi icine icaba mu Baibolo cacindamina kuli imwe?

• Finshi mufwile ukucita nga ‘mwaishiba bwino bwino ifyacilapo ukucindama’?

• Cinshi mulingile ukulombela Yehova ukuti amwafwe ukusambilila Baibolo?