Kofarkor Refo kada, na nbuk payamyum ḇeba syadi ḇe ko. Fama, inema roi ḇepyan risya ḇa. Fafisu wasmai roi ḇedwarek, imbude na kwara fa wabe wafarkor Refo ya pdef ke roḇa. Mboi rosai ḇefnai fa swewar kaku insama wafarkor Refo ya pdef? Rosai na ḇesaramper Au fa wasusu ḇa fafisu wasmai roi ḇedwarek?

1. Rosai ḇefnai fa wafarkor Refo ima roi ḇefandun kaku?

Refo ya doḇe, ’Allah wos Ḇyena ima wos ḇekenem ma ḇepok.’ (Ibrani 4:12) Wafarkor Refo ima roi ḇefandun kaku kukro na wafawi Manseren Allah marisen Ḇyena ma wafawi ima iswar Au. Wos ḇero Refo ya isaramper Au fa wasmai fawawi. Irya monda ḇa, nari wasmai fawawinanem ḇekaku ma nwa payamyum ro ras ḇarpon iwama. Ḇepyum syadi wer, nari wakḇebati kuker Yahwe I. Fafisu wafarkor Refo ya, na papoik ro Allah Wos Ḇyenane nasaramper Au fa kenem Bena napyum syadi wer.

2. Rosai ḇefnai kaku fa wasmai fawawi ḇekaku ro Refo ya?

Roi Refo fyarkor na namnis ra nana ḇaido arasai ḇekakur. Iso eḇedari Refo danun ḇe ko fa ’kokowes kakaku ya ma kopok koboḇ awer na’. (Amsal 23:23) Komam farkarkor ḇekaku ro Refo ya ḇe roi ḇefandun kaku ido, na kosewar fa kofarkor pdef. Kosmai roi ḇedwarek kako ke, na kosusu ḇa bo kofarkor pdef.​—Kowasya Amsal 2:4, 5.

3. Moḇsa na Yahwe isaramper Au fa wafarkor Refo ya pdef rai?

Manseren Yahwe iso ḇefrur Au ma ima Bati Bedirya, inja na imarisen kaku isaramper Au fa mambir pyum I. Nari byuk samambraḇ ma marisen ḇe Au fa wafarkor Refo ya. (Kowasya Filipi 2:13.) Rarirya, nari isaramper Au ro fafisu wafandun samambraḇ insama waryaḇ fa wafarkor ḇaido wakenem raris rosai wafarkor kwar na. Ro fafisu wasmai roi ḇedwarek, nari byuk samarawraw ḇe Au. Benadi ḇesya kwar ḇe Yahwe I wor insama isaramper Au fa wafarkor Refo ya pdef.​—1 Tesalonika 5:17.

 SWEWAR KAKU WER

4. Mam farkarkor Refo ḇe roi ḇefandun kaku ro kenem Bedi

Fararur koḇena nabor ido, na kokara kona swaf oḇa fa kofarkor Refo ya. Moḇsa na koḇerai? Refo danun ḇe ko fa ’komam roi ḇefandun syadi na, insama kosren ma kofrur fa snonggaku ḇesesya skarkar ḇa isof Kristus ras ḇyedi’. (Filipi 1:10, Terjemahan Dunia Baru, NWT) Kawos fakfuken suine wer:

• Ro kenem ine, rosai monda mam ḇe ’roi ḇefandun syadi’ ya?

• Mam farkarkor Refo ḇe roi ḇefandun kaku ido, rosai nari wafrur ya?

1. Waser ḇepon karyen ro rosaser oso mura waser karui ya wer ido, nari karui na nsun kam ḇa

2. Waser ḇepon karui ro rosaser anya mande, nari swaf ya isya kaker fa waser karyen na wer. Imnis rarirya, swewar ḇepon Manseren Allah marisen Ḇyena ro kenem Beja kada, nari swambraḇ fa wafrur na ma nwa swaf kaker fa wafrur roi ḇese

Farkarkor Refo nafnoḇek ko fa komambir Manseren Allah ma kosyom I. Kowasya Matius 5:3 (NWT), raimnai kawos fakfuken ine:

• Komam farkarkor Refo ḇe roi ḇefandun kaku ido, payamyum rosai nari kosmai ya?

 5. Wasusu awer ro fafisu sidwarek Au

6. Wakyar kaku Yahwe nari isaramper Au

 FARKARKOR ḆYENA

Wafarkor Refo ima roi ḇepyan risya ḇa, mboi wafarkor pdef ido nari wasmai payamyum ḇekain fyoro. Wakyar faro Yahwe I ḇesya kwar kada, nari ḇyebarakas Au.

Waswarepen Kaḇer

• Rosai ḇefrur fa mam farkarkor ḇekaku ro Refo ya nefandun kaku?

• Moḇsa na swewar ḇepon roi ḇefandun syadi ro kenem Beja rai?

• Rosai ḇefnai fa wor Yahwe insama isaramper Au fa wasusu ḇa bo wafarkor Refo ya pdef?