Erlajar Pustaka si Badia melala gunana, tapi mon-mon mesera ngelakokenca. Banci jadi la kapndu mungkin kam terus erlajar Pustaka si Badia. Tapi, engkai maka penting gelah usahakenndu terus erlajar? Kai si banci nampati kam terus erlajar aminna pe melala tentangen?

1. Engkai maka erlajar Pustaka si Badia e penting?

“Kata Dibata e nggeluh janah dem alu kuasa.” (Heber 4:12) Pustaka si Badia penting perban jenari banci siteh perukuren Dibata janah siteh maka keleng ateNa kita. Pustaka si Badia banci nampati kam ndatken pemeteh, arapen, janah nampati kam jadi kalak si bijaksana. Si pentingna ka, Pustaka si Badia banci nampati kam jadi teman Jahwe. Adi pelajarindu Pustaka si Badia, e ertina pediatndu kuasa Kata Dibata erban geluhndu reh ulina.

2. Engkai maka perlu siteh maka kebenaren si lit bas Pustaka si Badia e penting?

Kebenaren si lit bas Pustaka si Badia bali bagi erta si meherga. Emaka bas Pustaka si Badia ikataken, “Tukurlah kebenaren . . . janah ula pernah dayaken.” (Kuan-kuanen 23:23) Adi siinget uga pentingna kebenaren si lit bas Pustaka si Badia, siusahaken terus erlajar aminna pe lit tentangen.​—Baca Kuan-kuanen 2:4, 5.

3. Uga cara Jahwe nampati kam gelah terus erlajar?

Jahwe nggit nampati kam erlajar kerna Ia perban Ia me Pencipta si Madakuasa ras Temanndu. Banci berekenNa man bandu “sura-sura ras gegeh guna ngelakokenca.” (Baca Pilipi 2:13.) Adi mon-mon kurang semangat kapndu kam erlajar, janah mesera kapndu ngelakoken kai si enggo ipelajarindu, banci kam sampatiNa. Adi la kapndu kam ngasup ngadapi tentangen, banci kam pegegehiNa. Ertotolah kam man Jahwe alu teratur gelah banci kam sampatiNa terus erlajar Pustaka si Badia.​—1 Tesalonika 5:17.

 PELAJARI TERBAGESEN

4. Banlah erlajar Pustaka si Badia jadi salah sada si pentingna bas geluhndu

Mon-mon sibuk kel kita, lanai siakap sempat erlajar Pustaka si Badia. Kai si banci silakoken? Bacalah Pilipi 1:10, kenca si e bahas penungkunen enda:

• Kai nge kapndu “si lebih penting” bas geluh enda?

• Uga carandu mbuktiken maka penting akapndu erlajar Pustaka si Badia?

1. Adi masukkenndu lebe pasir ku ember, janah kenca si e masukkenndu batu, lanai siat masuk batu e

2. Adi batu lebe masukkenndu, hampir kerina pasir e siat masuk. Bage ka pe, adi pelebendu “kai si lebih penting,” lit waktundu ngelakoken si e janah lit ka waktundu ngelakoken si deban.

Erlajar Pustaka si Badia banci nampati kita nandai Dibata ras nembah Ia. Bacalah Matius 5:3, kenca si e bahas penungkunen enda:

• Kai nge gunana adi siban erlajar Pustaka si Badia e pentingen asangken dahin si debanna?

 5. Teruslah erlajar amin pe lit tentangen

6. Pindolah penampat Jahwe

 KESIMPULEN PELAJAREN ENDA

Erlajar Pustaka si Badia mon-mon lit tentangenna, tapi e banci nampati kam ermeriah ukur seh rasa lalap. Teruslah kam tek man Jahwe, pasti kam ipasu-pasuNa.

Kai si Enggo Sipelajari?

• Engkai maka penting kapndu kebenaren si lit bas Pustaka si Badia?

• Uga carandu ‘mastiken kai si lebih penting’?

• Engkai maka perlu pindondu penampat man Jahwe gelah banci kam terus erlajar Pustaka si Badia?