Taq nqatjoj qiʼ chrij le Biblia, röj kan kʼïy utzil nqïl, ye kʼa ma ronojel ta mul kan chaq bʼaʼ nuʼän chqawäch nqatjoj qiʼ chrij. Rkʼë jbʼaʼ rït kʼo mul akʼutun qa chawäch we xkakowin na xtatjoj awiʼ chrij le Biblia. ¿Achkë rma ütz natäj aqʼij rchë naʼän riʼ? ¿Achkë xkatoʼö rchë ma xtayaʼ ta qa atjonik tapeʼ kʼo kʼayewal awlon?

1. ¿Achkë rma ütz nqatjoj qiʼ chrij le Biblia?

«Ri Ruchʼaʼäl Dios kan kʼäs, y kʼo ruchqʼaʼ» (Hebreos 4:​12). Le Biblia kan kʼo ruqʼij rma nuʼij achkë nuquʼ chqä achkë nunaʼ Dios chawij rït. Ma xa xuʼ ta xtkʼatzin chawä rchë kʼo más naʼoj xtatamaj qa chpan, xa kan xkaturtoʼ chqä rchë yë ri ütz xtachaʼ xtaʼän y rchë nayaʼ chwäch awan chë chqawäch apü jontir ütz xtuʼän. Y ri kʼo más ruqʼij ya riʼ chë le Biblia xkaturtoʼ rchë xkatok rachiʼil Jehová. Rma riʼ ronojel mul ri nanukʼuj ruwäch, najin nayaʼ qʼij chë yë le Biblia nsmajin akʼaslemal.

2. ¿Achkë rma kan kʼo ruqʼij nqaloqʼoqʼej ri naʼoj ye kʼo chpan le Biblia?

Ri naʼoj ye kʼo chpan le Biblia kan ye achiʼel bʼeyomäl ri kowan kiqʼij. Rma riʼ le Biblia nuʼij reʼ chqë: «Taloqʼoʼ ri kantzij y ma takʼayij ta äl» (Proverbios 23:​23). We röj nqaloqʼoqʼej ri naʼoj ye kʼo chpan le Biblia, kan xtqatäj qaqʼij rchë xtqatjoj qiʼ chrij tapeʼ kʼo kʼayewal xtqïl (taskʼij ruwäch Proverbios 2:​4, 5).

3. ¿Achkë rubʼanik xkaturtoʼ pä Jehová rchë ma xtayaʼ ta qa atjonik?

Rma yë Jehová xbʼanö qchë chqä yë ryä ri awachiʼil, ryä kan retaman awäch chqä nrajoʼ yaturtoʼ pä rchë natamaj más ruwäch. Dios ma xa xuʼ ta nuʼän chë narayij natamaj ruwäch, xa kan nuyaʼ chqä awchqʼaʼ rchë naʼän riʼ (taskʼij ruwäch Filipenses 2:​13). Rma riʼ we kʼo mul nanaʼ chë nkʼatzin natäj más aqʼij rchë natjoj awiʼ chrij le Biblia o rchë nasmajij ri najin natamaj, ryä xkaturtoʼ pä. Chqä, we nkʼatzin más awchqʼaʼ rchë naköchʼ jun kʼayewal awlon rma najin natjoj awiʼ chrij le Biblia, ryä xtyaʼ pä awchqʼaʼ. Rma riʼ ronojel mul taʼij che rä Jehová chë katurtoʼ pä rchë ma xtayaʼ ta qa atjonik chrij le Biblia (1 Tesalonicenses 5:​17).

 TQATAMAJ MÁS CHRIJ RE NAʼOJ REʼ

4. Takʼutuʼ chë kan kowan ruqʼij chawäch rït ri natjoj awiʼ chrij le Biblia

Rma kʼo mul kan kʼïy kʼo chë nqaʼän pa jun qʼij, kʼayewal nuʼän chqawäch nqajäm qawäch rchë nqatjoj qiʼ chrij le Biblia. ¿Achkë ütz nqaʼän? Tiskʼij ruwäch Filipenses 1:​10 y kixtzjon chrij reʼ:

• Chawäch rït, ¿achkë riʼ ri «kʼo más kiqʼij»?

• ¿Achkë rubʼanik xtakʼüt chë kan kowan ruqʼij chawäch rït ri natjoj awiʼ chrij le Biblia?

1. We nayaʼ arena chpan jun kʼojlibʼäl y chrij riʼ nawajoʼ nayaʼ qa kʼïy abʼäj pa ruwiʼ, ri abʼäj ma xtqʼiʼ ta chik chpan ri kʼojlibʼäl.

2. Ye kʼa we naʼäy nayaʼ qa ri abʼäj, kan jbʼaʼ ma jontir ri arena xtqʼiʼ qa chpan. Ke riʼ chqä nbʼanatäj awkʼë rït. We xtayaʼ naʼäy pan akʼaslemal ri «kʼo más kiqʼij», ma xa xuʼ ta xkakowin xtaʼän riʼ, xa kan xtkanaj qa chqä a-tiempo rchë xtaʼän xa bʼa achkë chik na jun ri nawajoʼ.

Jontir röj qataman chë nkʼatzin nqatamaj ruwäch Dios chqä nqayaʼ ruqʼij. Ye kʼa rchë nqaʼän riʼ kʼo chë nqatjoj qiʼ chrij le Biblia. Tiskʼij ruwäch Mateo 5:3 y kixtzjon chrij reʼ:

• We xtqajäm qawäch rchë xtqatjoj qiʼ chrij le Biblia, ¿achkë utzil xtqïl?

 5. Ma tayaʼ ta qa atjonik chrij le Biblia tapeʼ nkʼaj chik ma nkajoʼ ta chë naʼän riʼ

6. Tayaʼ chwäch awan chë Jehová xkaturtoʼ pä

 RI XQATAMAJ QA

Tapeʼ kʼo mul kʼayewal xtuʼän chawäch, ri natjoj awiʼ chrij le Biblia xkaturtoʼ rchë xtawïl ri kʼaslemal ri majun bʼëy xtkʼis ta. We ronojel mul xtakʼuqbʼaʼ akʼuʼx chrij Jehová, ryä kan xtyaʼ pä utzil pan awiʼ.

Tqakamluj ri xqatzʼët qa

• ¿Achkë rma naloqʼoqʼej rït ri naʼoj ye kʼo chpan le Biblia?

• Taq xatzʼët yän achkë riʼ ri «kʼo más kiqʼij», ¿achkë kʼo chë naʼän rït?

• ¿Achkë rma ütz naʼij che rä Jehová chë katurtoʼ pä rchë ma xtayaʼ ta qa atjonik chrij le Biblia?