Okwega Bibuli nikurugamu ebirungi. Konka hine obu kwega Bibuli kiri kubasa kukugumira. Hine obu ori kubasa kwebuza yaba orije kugumizamu kwega Bibuli. Ahabw’enki oshemerire kutamu amani kugira ngu ogumizemu kuyega? Ni enki ekirije kukukwasa kusingura ebiri kubasa kukuremesa?

1. Ahabw’enki kwega Bibuli kiri ec’omugasho?

‘Ekigambo ca Ruhanga kine amagara n’amani.’ (Abaheburaayo 4:​12) Bibuli ni ey’omuhendo ahakuba netugambira ebitekateko bya Ruhanga n’oku ari kwehurira aha bwawe. Nekukwasa kugira obumanyi, obwenge n’amasiko. Ekiri kukira byona, Bibuli netuma wakizaho kuba munywani wa Yehova. Wayega Bibuli, noba wayikiriza ngu amani gayo gahindure amagara gawe.

2. Ahabw’enki tushemerire kureba amazima g’omuri Bibuli nk’ag’omuhendo?

Amazima g’omuri Bibuli ni nk’ekiconco c’omuhendo. Ni yo nshonga Bibuli eri kutushaba ngu tugure amazima konka tutarigatunda. (Enfumu 23:​23) Twagumizamu kwijuka omugasho gw’amazima g’omuri Bibuli nitutamu amani kugira ngu tugege n’obu twakubugana ebiri kuturemesa.​—Shoma omu Nfumu 2:​4, 5.

3. Ni bata oku Yehova ari kubasa kukukwasa kugumizamu kwega?

Yehova ni Omuhangi Rukirabona kandi munywani wawe ori kwenda kukukwasa kwega ebiri kumukwataho. Nabasa kutuma ‘wakunda ebi ari kusima n’okubikora.’ (Shoma omu Bafilipi 2:​13.) Obwe rero, ku oriba noyetenga obuyambi bw’okuta omu nkora ebi ori kushoma, nayija kukukwasa. Kandi ku oriba noyetenga amani g’okusingura ebiri kukuremesa ninga shi abari kukuhakanisa, nayija kugakuha. Guma oshabe Yehova akukwase kugumizamu kwega Bibuli.​—1 Abatesalonika 5:17.

 YEGA BYINGI

4. Ta okwega Bibuli omu mwanya g’okubanza

Hine obu turi kuba twine byingi by’okukora, kituma twabura obwire bw’okweyegesa Bibuli. Ni enki ekiri kubasa kutukwasa? Shoma omu Bafilipi 1:​10, rero muganire ahari ebi bibuzo:

• Mbehi iwe notekateka ngu ‘ebintu ebiri kukira oburungi’ omu kubaho kwitu ni biha?

• Ni bata oku ori kubasa kuta okwega Bibuli omu mwanya g’okubanza?

1. Wayijuza omushenyi omu ndobo, rero okagezaho kutamu amabare, tigakahweramu

2. Wabanzamu amabare, notunga omwanya g’okutamu omushenyi oguri kumara. Ni co kimwe, wata ‘ebintu ebiri kukira oburungi’ omu mwanya g’okubanza, noyija kubikora kandi otunge n’obwire bw’okukora ebindi

Okwega Bibuli nikutuma twahaza enjara yitu y’eby’omwika, ni okugamba ebi turi kwetenga kumanya n’okuramya Ruhanga. Shoma omuri Matayo 5:​3, rero muganire ahari ebi bibuzo:

• Ni biha birungi ebi turi kutunga twata okwega Bibuli omu mwanya g’okubanza?

 5. Guma oyehangane bakuhakanisa

6. Shaba Yehova obuyambi

 EMPINYE

N’obu kwega Bibuli kiri kuba kitorobi, nikija kukukwasa kubaho oshemerirwe ebiro byona. Gumizamu kwesiga Yehova, na we nayija kukuha emigisha.

Wayega ki?

• Ahabw’enki amazima g’omuri Bibuli gari ag’omuhendo ahari iwe?

• Ni bata oku ori kubasa kuta ‘ebintu ebiri kukira oburungi’ omu mwanya g’okubanza?

• Ahabw’enki oshemerire kushaba Yehova ngu akukwase kugumizamu kwega Bibuli?