Kukushonga Bibeli kuna kara ruyendo rwaruwa. Ngoli, kapi vya kara kehepano ureru. Pamaruvede ghamwe, kuvhura u kupure ntjeneshi ngavi kutompoka kutwikira kukushonga Bibeli. Morwanke u kutuliramo ngudu kutwikira kukushonga Bibeli? Vinke vi kuvatero u twikire kukushonga mpiri mumaudito?

1. Nke vya karera mulyo kukushonga Bibeli?

“Nkango daKarunga kwa kara namonyo ntani nankondo.” (Heberi 4:12) Bibeli kwa kara namulyo mbyovoshi kukushorwera maghano namakuyuvho ghaKarunga. Kapi ngayi kuvatera u wana tupu ndunge ngoli nka ngau wana uyivi wene ntani nalihuguvaro. Shamulyo po, Bibeli kukuvatera u kare muholi waJehova. Pakukushonga Bibeli, ove kuna kupulitira nkondo damo di wapukurure liparu lyoye munaruwa.

2. Nke vya karera hepero kunongonona mulyo waushiri wamuBibeli?

Ushiri wamuBibeli kwa fana yira limona lyamulyo. Mbyongoli Bibeli ya tu korangederanga ashi tu ‘ghure ushiri ntani narumweshi kuughulita.’ (Vishegho 23:23) Ntjene atu vhurukanga kehepano mulyo waushiri wamuBibeli, atwe ngatu kondja ngoli kukushonga mpiri mumaudito.—Varura Vishegho 2:4, 5.

3. Weni Jehova a kuvatera u twikire kukushonga?

Jehova Mushiti, munankondo nadintje ntani Muholi ghoye, ana shana kukuvatera u kushonge kumuhamena. Ghuye nga ku pa “shihoro nankondo dakurughana vininke.” (Varura Filipi 2:13.) Jehova nga ku vatera nka ntjeneshi pamaruvede ghamwe ghuna hepa litumangedo lyakukushonga ndi lyakutura pashirughana ovyo ghuna kukushonga. Ntani nka Jehova nga ku pa nkondo, ntjene ghuna hepa nkondo mukukudidimikira mahomokero ndi vilimbikito. Raperera kehepano kwaJehova a kuvatere u twikire kukushonga Bibeli.—1 Tesalonika 5:17.

 TEDA KO

4. Tura muhowo likushongo lyoye lyaBibeli

Pamaruvede ghamwe atwe kukuyuva ashi vina tu vhukire ngudu vininke muliparu makura kundere ko ruvede rwakukushonga Bibeli. Vinke vi kuvatero? Varura Filipi 1:10 makura timwitirenu mapuro ghano:

• Weni ghuna kughayara, vininke munke ‘vyamulyo po’ muliparu?

• Weni u tura muhowo likushongo lyoye lyaBibeli?

1. Ntjene u tere musheke mushihemere makura u ture mo nka mawe, kapi ngagha gwaneka mo mawe

2. Ntjene u hove kuyuda mo mawe, ngau vhura nka kutera mo musheke waungi. Mukukufana, ntjene u ture “vininke vyamulyo po” muhovo muliparu lyoye, ove ngau vhura kuvitikitamo ntani ngau wana nka ruvede rwakurughana vyapeke

Kukushonga Bibeli kutikita mo shihepwa shetu shapampepo, shakuyiva Karunga nakumukarera. Varura Matheus 5:3 makura timwitirenu lipuro lino:

• Uwa munke tu wanena mo ntjene atu tura muhowo likushongo lyetu lyaBibeli?

 5. Kondja ngoli mpiri kuna kukurwanita

6. Huguvara mwaJehova a ku vatere

 LIKAMO

Mpiri vikareshi pamwe udito kukushonga Bibeli, ngoli yayo ngayi ku vatera ngau hafere liparu naruntje. Twikira kuhuguvara mwaJehova makura ghuye ngaku futa.

Livyukuruko

• Nke maushiri ghaBibeli gha karera mulyo koye?

• Weni omo u “yivilita vininke vyamulyo po”?

• Nke u shungidira Jehova a kuvatere kutwikira kukushonga Bibeli?