A yègè Bibel a ne ane wò ke é dulu a ne ai nfi. Dzam da, dzam té da yi ki bò ébugubu abog ase. Mebog mezing wò yi sili wòmen na, ye ma yi fò bi ngul na ma ke ai ayègè dama osu. Asu dzé é ne nfi na bi ve mengul asu yi na bi ke ai ayègè daan osu? Dzé é ne wò dzam vòli na o ke osu ai ayègè Bibel tò nde wò toben ai mindzug?

1. Amu dzé ayègè Bibel a ne nfi abui?

“Amu Ébug Zamba é ne vevee ai ngul” (Hébréa 4:12). Bibel a ne nfi abui amu a kulen mintsogen Zamba a bele ai wò ai dzé ya Zamba a woren éyòng wò bò mbol si, mbol ka. Bibel a vòli wò na o bi nyemen, bebela ai afiri. É dzam ben a ne nfi abui a ne na Bibel a vòli wò na o lat amvoé ai Yéhova. Éyòng wò yègè Bibel, wò dzogè na ngul Ébug Zamba é bò na o bi mbembe énying.

2. Amu dzé a ne nfi na bi tuene yem na bebebela ya Bibel be ne nfi asu daan?

Bebebela ya Bibel be ne ane akuma. Dzom té nde Bibel a tam bia na: “kusu bebela o be nyè kuen” (Minkana 23:23). Éyòng wò baala a nnem woé nfi ya bebebela ya Bibel, wò yi ve mengul asu yi na o ke ai ayègè Bibel doé osu, tò abog wò yi toben ai mindzug (Lang’a Minkana 2:4, 5).

3. Akia afé Yéhova a ne wò vòli na o ke ai ayègè Bibel doé osu?

Yéhova a ne Zamba Ngul mese, mbondé waan ai mvoé dzaan. Yéhova a yi na a vòli bia na bi yègè é mam me tii ai nyè. Yéhova a ne bia dzam bò na “bi ding ai na bi sié amu mbembe nyien woé” (Lang’a Filippi 2:13). Nala a tilen na, nge mebog mezing o bele ngong na wò yègè ngeki na o lere a mimbòen é dzom wò yègè, Yéhova a ne wò dzam vòli. Nge wò yang’en ai ngul asu yi na o dang mindzug ngeki melumen, Yéhova a ne wò dzam ve ngul té. Abog ya abog ase, siligi Yéhova a ngogelen na a vòli wò na o ke ai ayègè Bibel doé osu (1 Tésaloni 5:17).

 TUENE FAG

4. Wò yeane telé ayègè Bibel doé osu

Mebog mezing bi ne dzam tsog na bi bele ki abog ya yègè Bibel. Dzé é ne bi dzam vòli? Lang’a Filippi 1:10 ai yalen minsili mi tsaa mi:

• A ntsogen woé, dzé ya “dang nfi” énying dzoé?

• Akia afé o ne dzam bò na ayègè Bibel a tòbò é dzom wò telé osu?

1. Nge wò dzali nlonga ai nseleg amvus ya étéré o nga dzeng na wò bag ngòk, ngòk té ya yi ki yeane

2. Nge wò kèè furi ngòk, wò yi bi afola asu yi na wò bag abui nseleg. Dzam deda, nge wò telé “é mam ma dang nfi’’ osu énying dzoé, wò yi bi ngul ya bò mam meté ai wò yi bi abog ya bò é mam mevòk

Éyòng bia yègè Bibel bia dzali meyang’en maan ya nsisim​—a yem ai a lugu Zamba. Lang’a Matéus 5:3 ai yalen a nsili hi:

• Nfi mbé bia nòng éyòng bia telé ayègè Bibel osu?

 5. Kele ai ayègè Bibel doé osu tò wò toben ai melumen

6. Furigi afiri doé abe Yéhova, a yi wò vòli

 OBALBAS

Ane bebela na ayègè Bibel a séki ébugubu, dzam da a ne wò dzam vòli na o bi énying kòm. Kele osu na wò firi Yéhova, a yi wò ve maan ya été.

Dzé bia baala

• Asu dzé bebebela ya Bibel be ne nfi asu doé?

• Akia afé o ne dzam “telé é mam me ne nfi osu”?

• Asu dzé wò yeane sili Yéhova na a vòli wò na o ke osu ai ayègè Bibel doé?