ADZESUA 12
Ebɛnadze Na Obotum Aboa Wo Ma Aakɔ Do Esua Bible No?
Bible no sua dze, mfaso wɔ do. Naaso nnyɛ aber nyina na Bible no sua botum ayɛ mberɛw. Ɔtɔ da a, ibotum mpo atse nka dɛ irunntum nnkɔ do nnsua Bible no. Naaso, ebɛnadze ntsi na ɔwɔ dɛ imia w’enyiwa na ekɔ do sua? Sɛ ihyia nsɛndzendzen a, ebɛnadze na obotum aboa wo na aammpa abaw?
1. Ebɛnadze ntsi na Bible no sua botum aboa wo?
“Nyankopɔn asɛm wɔ nkwa, [na] ahoɔdzen wɔ mu.” (Hebrewfo 4:12) Osiandɛ Bible no ma ihu nsusui a Nyankopɔn wɔ ma wo nye mbrɛ ɔtse nka fa woho ntsi, sɛ isua a ɔbɔboa wo. Ɔbɛma enya nyimdzee, nyansa mapa nye enyidado. Dza ɔkyɛn ne nyinara no, Bible no boa wo ma itum bɛyɛ Jehovah ne nyɛnko. Sɛ isua Bible no a, ɔkyerɛ dɛ erema tum a ɔwɔ mu no kwan dɛ ɔmma w’asetsena nyɛ papa.
2. Ebɛnadze ntsi na ɔwɔ dɛ yehu mfaso a ɔwɔ Bible mu nokwar do?
Nokwasɛm ahorow a ɔwɔ Bible no mu no tse dɛ akoradze a ɔsom bo. Ɔno ntsi na Bible no tu hɛn fo dɛ ‘yɛntɔ nokwar, na mma yɛnntɔn’ no. (Mbɛbusɛm 23:23) Sɛ yɛma mfaso a ɔwɔ Bible mu nokwar do no tsena hɛn adwen mu a, ɔmmfa ho nsɛndzendzen biara a yebehyia no, yɛbɛyer hɛnho na yaakɔ do esua Bible no.—Kenkan Mbɛbusɛm 2:4, 5.
3. Jehovah besi dɛn aboa wo ma w’adzesua no aakɔ do?
Jehovah yɛ Ɔbɔadze a ɔwɔ adze nyina do tum nye wo Nyɛnko, ntsi ɔpɛ dɛ ɔboa wo ma isua noho adze. Obotum ama enya ‘ɔpɛ’ no nye ‘ahoɔdzen’ a edze bɛyɛ dɛm. (Kenkan Philippifo 2:13; 4:13.) Iyi ntsi, sɛ ɔyɛ na ɔpɛ a edze bosua adze anaa ɔbɛma edze dza irusua no ayɛ edwuma no nnyi hɔ a, obotum aboa wo ma eenya bi. Sɛ ihia ahoɔdzen pii dze egyina nsɛndzendzen anaa ɔtaa bi ano a, obotum ama wo bi. Taa bɔ Jehovah mpaa dɛ ɔmboa wo ma kɔ do sua Bible no.—1 Thessalonicafo 5:17.
PƐNSAPƐNSA MU KƆ EKYIR
Ma yɛnhwɛ mbrɛ ibotum akɔ do esua Bible no ɔmmfa ho dɛ innyi adagyer pii anaadɛ afofor soɛr tsia Bible a irusua no. Yɛbɛsan so ehu dza Jehovah bɛyɛ aboa wo amma eenngyaa dza irusua no.
4. Fa Bible no a irusua no enyibersɛm
Ɔtɔfabi a, ɔbra botum nye hɛn ekyinkyin araa ma yɛbɛtse nka dɛ yennyi adagyer a yɛdze bosua Bible no. Ebɛnadze na obotum aboa hɛn? Ma yɛnkenkan Ephesusfo 5:16, na yensusu nsɛmbisa yi ho:
-
Ehwɛ a ebɛn ndzɛmba na no ho hia dɛ ‘yɛpon aber’ anaa yɛgye ber dze yɛ wɔ asetsena mu?
-
Ebɛnadze na ibotum ayɛ dze akyerɛ dɛ wo Bible adzesua no ho hia wo?
-
Sɛ edze anhwea gu bokitsi bi mu, na eyɛ dɛ edze mbobaa bɛka ho a, mbobaa no ronnkɔ mu
-
Sɛ idzi kan dze mbobaa no gu bokitsi no mu a, ibenya kwan pii dze anhwea no mu dodowara aka ho. Dɛmara so na ɔtse wɔ asetsena mu, sɛ idzi kan yɛ ndzɛmba a no ho hia no a, ibotum ewie dɛm ndzɛmba no yɛ ma mpo asan so enya ber dze ayɛ ndzɛmba afofor
Yehia Nyankopɔn anomu asɛm wɔ hɛn asetsena mu, na sɛ yesua Bible no a ɔma hɛn nsa ka dɛm ehiadze no. Ma yɛnkenkan Matthew 4:4, na yensusu asɛmbisa yi ho:
-
Sɛ yɛfa Bible a yerusua no asɛnhia a, ebɛn mfaso na yenya fi mu?
5. Sɛ afofor soɛr tsia Bible a irusua no a, mma mmpa abaw
Ɔyɛ a, afofor botum ebu w’abaw mu wɔ Bible a irusua no ho. Hyɛ dza ɔtoo Francesco no nsew. Ma yɛnhwɛ VIDEO no, na yensusu nsɛmbisa a odzidzi do no ho.
-
Wɔ video no mu no, aber a Francesco kaa dza orusua no ho asɛm kyerɛɛ n’anyɛnkofo nye n’ebusuafo no, wɔyɛɛ hɔn adze dɛn?
-
Aber a oenntsie nsɛm a wɔkekae no, ebɛn nhyira na onyae?
Ma yɛnkenkan 2 Timothy 2:24, 25, na yensusu nsɛmbisa yi ho:
-
W’ebusuafo na w’anyɛnkofo tse nka dɛn wɔ dza irusua yi ho?
-
Dɛ mbrɛ kyerɛwsɛm yi ka no, sɛ obi n’enyi nngye Bible a irusua no ho a, ebɛn kwan na ɔwɔ dɛ efa do yɛ w’adze? Ebɛnadze ntsi na ereka dɛm?
6. Fa woho to Jehovah do ma ɔmboa wo
Sɛ yɛtwe bɛn Jehovah a, ɔpɛ a yɛwɔ dɛ yɛbɛyɛ dza ɔsɔ n’enyi no so yɛ kɛse. Naaso, nsesa ahorow bi a ɔwɔ dɛ yɛyɛ wɔ hɛn asetsena mu ama yaabɔ hɛn bra dɛ mbrɛ ɔpɛ no, ne yɛ botum ayɛ dzen ama hɛn. Sɛ etse nka dɛm a, ɔyɛ a mma mmpa abaw. Jehovah bɔboa wo. Ma yɛnhwɛ VIDEO no, na yensusu nsɛmbisa a odzidzi do no ho.
-
Wɔ video no mu no, ebɛn nsesa na Jim yɛe ama ɔaasɔ Jehovah n’enyi?
-
Ebɛnadze na w’enyi gye ho paa wɔ n’asɛm no mu?
Ma yɛnkenkan Hebrewfo 11:6, na yensusu nsɛmbisa yi ho:
-
Ebɛnadze na Jehovah bɛyɛ ama hɔn a wɔbɔ mbɔdzen yɛ dza wobotum biara ama woeehu no na wɔaayɛ dza ɔsɔ n’enyi no?
-
Sɛ ehwɛ asɛm yi a, Jehovah tse nka dɛn aber a ohu mbɔdzen a ebɔ dze sua Bible no?
BI A OBI BEBISA DƐ: “Ebɛnadze ntsi na enye Jehovah Adasefo rusua Bible no?”
-
Ibeyi ano dɛn?
DZA ESUA
Nokwasɛm nye dɛ nnyɛ aber nyina na ɔyɛ mberɛw dɛ ibosua Bible no. Naaso sɛ ebɔ mbɔdzen isua a, obotum aboa wo ma eenya enyigye daa. Kɔ do ara fa woho to Jehovah do, na obehyira wo.
Mbobɔdo
-
Ebɛnadze ntsi na ɔwɔ dɛ ema nokwar a ɔwɔ Bible mu no ho hia wo?
-
Ibesi dɛn akyerɛ dɛ Bible no a irusua no ho hia wo?
-
Ebɛnadze ntsi na ɔwɔ dɛ eserɛ Jehovah hɔ mboa ama aakɔ do esua Bible no?
HWEHWƐ PII KA HO
Hwɛ ndzɛmba anan bi a wɔaboa nyimpa pii ma wɔdze hɔn ber edzi dwuma nyansa mu.
Nna ɔbaa bi pɛ dɛ ɔsom Jehovah, naaso nna no kun nntse no ase. Hwɛ mbrɛ Jehovah boaa dɛm ɔbaa no.
Ɔbaa warfo bi enngyaa Bible a nna orusua no, na iyi maa no kun nyaa n’adzesua no do mfaso. Hwɛ iyi ho asɛm.
Ɔyɛ a wɔbɔ Jehovah Adasefo sombo dɛ wɔtsetsew mbusua ntamu. Naaso, ana dɛm asɛm no yɛ nokwar?
“Aso Jehovah Adasefo Tsetsew Mbusua Ntamu Anaa Wɔka Hɔn Bɔ Mu?” (Asɛm bi a ɔwɔ wɛbsaet do)
Bi A W'enyi Bɛgye Iyi So Ho
NSƐM A WƆTAA BISA
Ebɛnadze Nye Bible Adzesua A Jehovah Adasefo Nye Nkorɔfo Yɛ No?
Wɔ dɛm Bible adzesua a Jehovah Adasefo nye nkorɔfo yɛ yi mu no, ibotum dze Bible nkyerɛase biara a ewɔ no esũa adze. Ibotum afrɛ w’ebusuafo anaa w’anyɛnkofo binom mpo ma wɔaabɛka woho ma hom eesũa.
