Tað er gott at kanna Bíbliuna, men tað er kanska ikki altíð so lætt. Viðhvørt ivast tú kanska í, um tú skalt halda fram. Hví er tað stríðið vert? Og hvat kann hjálpa tær at halda fram hóast avbjóðingar?

1. Hví er tað gott at læra meira um Bíbliuna?

„Orð Guds er livandi og hevur kraft.“ (Hebrearabrævið 4:12) Bíblian er ein heilt serlig bók. Tað er bara hon, sum fortelur, hvat Gud hugsar, og hvussu góður hann er við teg. Tá ið tú lærir meira um Bíbliuna, kanst tú fáa eitt betri lív nú og vón um eina góða framtíð. Men fremst av øllum kann hon hjálpa tær at blíva vinur við Jehova. Bíblian kann altso hava eina positiva ávirkan á títt lív.

2. Hví er tað umráðandi at skilja, at sannleikin í Bíbliuni hevur stóran týdning?

Sannleikin í Bíbliuni er sum ein dýrgripur, og tí sigur Bíblian, at vit skulu ’keypa sannleika og ikki selja hann’. (Orðtøkini 23:23) Tá ið vit skilja, hvussu stóran týdning sannleikin í Bíbliuni hevur, fáa vit hug at gera alt fyri at læra meira, eisini sjálvt um tað ikki altíð er so lætt. – Les Orðtøkini 2:4, 5.

3. Hvussu kann Jehova hjálpa tær at halda fram at kanna Bíbliuna?

Jehova hevur skapt teg og er góður við teg, og tí vil hann tær alt tað besta. Hann vil, at tú skalt læra hann betur at kenna, og hann kann bæði geva tær ’viljan’ og ’styrkina’ til at gera tað. (Les Filippibrævið 2:13; Esaias 40:29.) So um tú av og á manglar motivatión til at halda fram við bíbliuskeiðinum ella til at fylgja tí, sum tú lærir, kann hann hjálpa tær. Og viss tú hevur avbjóðingar ella upplivir mótstøðu, kann hann geva tær ta neyðugu styrkina. Tí er tað gott, at tú ofta biður Jehova hjálpa tær at halda fram at kanna Bíbliuna. – 1. Tessalonikabræv 5:17.

 LÆR MEIRA

4. Raðfest tað at kanna Bíbliuna

Onkuntíð føla vit kanska, at vit eru so upptikin, at vit ikki hava tíð til at kanna Bíbliuna. Hvat kann hjálpa okkum? Les Efesusbrævið 5:16, og tosa um hesar spurningarnar:

• Hvat heldur tú, mann eigur at keypa sær tíð til?

• Hvussu kanst tú vísa, at hetta bíbliuskeiðið hevur týdning fyri teg?

1. Viss tú koyrir sandin í fyrst, passa steinarnir ikki í

2. Viss tú leggur steinarnar í fyrst, fært tú pláss fyri næstan øllum sandinum. Og viss tú á líknandi hátt setur tað, sum hevur størstan týdning, fremst í tínum lívi, fært tú eisini pláss fyri øðrum

Tá ið vit kanna Bíbliuna, nøkta vit okkara andaliga tørv, altso okkara tørv á at læra Gud at kenna og gera hansara vilja. Les Matteus 4:4, og tosa um henda spurningin:

• Hvussu kann tað gagna tær at raðfesta bíbliuskeiðið?

 5. Halt ikki uppat, tá ið tú møtir mótstøðu

6. Lít á, at Jehova hjálpir tær

 HVAT HEVUR TÚ LÆRT?

Sjálvt um tað ikki altíð er so lætt, kann tað at kanna Bíbliuna geva tær eitt gott lív bæði nú og í allar ævir. Viss tú heldur fram at líta á Jehova, fer hann at hjálpa tær.

Greið frá

• Hví hevur sannleikin í Bíbliuni stóran týdning fyri teg?

• Hvussu kanst tú keypa tær tíð til tað, sum er umráðandi?

• Hví eigur tú at biðja Jehova hjálpa tær at halda fram at læra meira um Bíbliuna?