Jannde Deftere Alla nden no wondi e nafa. Kono haray welaa fii wonnde. Saa’iiji goo on lanndoto si on waaway jokkude jannde mon Deftere Alla nden. Fii honɗun ɗun no wondani en e nafa ? Ko honɗun wallata on wakkilagol si on heɓii satteendeeji ?

1. Fii honɗun jannde Deftere Alla nden no hitti ?

« Ko fii, daaluyee Alla on ko wuuruɗo duncoowo » (Yahuudiyankeeɓe 4:​12). Deftere Alla nden no hitti moƴƴa ɓayri nde anndinay on miijooji Alla ɗin e giggol makko ngol fii mon. Nde wallay on heɓugol ganndal, kono wonaa ɗun tun. Nde wallay on kadi heɓugol faamu Alla e tanƴinaare. E ko ɓuri hittude kon, Deftere Alla nden wallay on wonugol giɗo Yahuwah Alla. Si on janngii Deftere Alla nden, on heɓay ngurndan ɓurɗan welude.

2. Fii honɗun haanuɗen teddinde goonga Deftere Alla nden ?

Goongaaji Deftere Alla nden no wa’i wa keyeeji satta-cogguuji. Ko ɗun waɗi Deftere Alla nden wi’i : « Heɓu goonga, hara a yeeyaali mo » (Tindi 23:23, VPFJ). Si en miijitike fii hitte goonga Deftere Alla nden, en wakkiloto moƴƴa jokkugol jannde men nden, hay si en heɓii satteendeeji​ (janngee Tindi 2:​4, 5, VPFJ).

3. Ko honno Yahuwah Alla wallirta on wakkilagol ka jannde mon ?

Yahuwah Alla, Taguɗo mon on e giɗo mon on, no faalaa on wallude fii no anndiron mo. Himo waawi on okkude « faale on e huuwingol on » (janngee Filipii 2:​13). E saa’iiji goo, si tawii hiɗon hatonjini heɓugol wakkilaare ka jannde mon maa huutorgol ko jannguɗon kon, himo waawi on wallude. Si hiɗon hatonjini heɓugol doole fii jittugol satteendeeji maa muɲɲagol liddondiral, o okkay on ɗun. Toree Alla ɲannde woo fii yo o wallu on jokkugol jannde mon Deftere Alla nden (1 Tesalonii 5:​17).

 LUGGINEE

4. Waɗee jannde mon Deftere Alla nden ko adii kon

Wonnde haray hiɗen mari piiji buy ko waɗeten. En miijoto en heɓataa saa’i fii jannde Deftere Alla nden. Ko honɗun wallata en ? Janngee Filipii 1:10 e yewton fii ɗee lanndaale :

• E miijo mon, ko honɗun « ɓuri moƴƴude » ka ngurndan mon ?

• Ko honno waɗirton jannde mon Deftere Alla nden ko adii kon ?

1. Si on adike waɗugol njaareendi ndin taho, on heɓataa ka waɗon kaaƴe ɗen fow.

2. Si on fuɗɗorike kaaƴe ɗen, on heɓay ka waɗon fayda njaareendi ndin fow. Ko wano non kadi, si on adorike « ko ɓuri moƴƴude kon » taho ka ngurndan mon, on waaway laatinde ɗun e heɓon saa’i fii waɗugol piiji goo.

Deftere Alla nden no waawi on wallude no anndiron Alla, rewon mo e no timminiron faale mon wonugol giɗo makko. Janngee Matta 4:4 e yewton fii ngal lanndal :

• Ko honno ɗun nafirta on si on waɗii jannde Deftere Alla nden ko adii kon ?

 5. Wakkilee si on heɓii liddondiral

6. Hooloree Yahuwah Alla fii ballal

 RAWNOODE

Hay si wonnde no sattani on, jannde Deftere Alla nden wallay on heɓugol ngurndan welɗan haa poomaa. Jokkee hoolorgol Yahuwah Alla e o barkinay on.

Ndartannde

• Fii honɗun goongaaji Deftere Alla nden no hittani on ?

• Ko honno waɗirton « ko ɓuri moƴƴude kon » ko adii kon ?

• Fii honɗun haanuɗon lanndaade Yahuwah Alla ballal fii jokkugol jannde mon Deftere Alla nden ?