LÈSON 12
Ka ki ké édé-w pou ou kontinyé étidyé Labib ?
Lè ou ka fè on vwayaj, ou ka dékouvè onlo bèl biten. Men délè, ou ka jwenn onlo difikilté osi. Sé apépré menm biten-la lèwvwè ou ka étidyé Labib. Sa pa toujou fasil, é délè, ou pé ka mandé-w si ou ké rivé about. Men poukwa fò ou fè on éfò pou kontinyé étidyé ? Ka ki ké édé-w kontinyé menmsi ou ka jwenn difikilté ?
1. Fò ou étidyé Labib pas sa enpòwtan toubònman. Poukwa nou ka di sa ?
« Pawòl a Bondyé vivan é i puisan » (Ébré 4:12). Labib ni onlo valè pas i ka fè-nou sav kè Bondyé enmé-nou é i ka di-nou ka i ka pansé. Grasa Labib, ou ka aprann onlo bèl biten, ou ka ni plis sajès é ou ka ni on bèl èspwa. É pi bèl la, sé kè i ka édé-w vin bon bon zanmi èvè Jéova. Lè ou ka étidyé Labib, tout vi a-w ka vin pi bèl.
2. Poukwa fò nou ba sé vérité-la ki an Bib-la onlo valè ?
Sé vérité-la ki an Bib-la, sé on trézò ki ni onlo valè toubònman. Sé pousa Labib ka di : « Achté lavérité é pa jen vann-li » (Pwovèb 23:23). Lè nou ka sonjé valè a trézò-lasa, nou ka fè tousa nou pé pou kontinyé étidyé, menmsi nou ka jwenn difikilté (li Pwovèb 2:4, 5).
3. Ka Jéova pé fè ba-w pou ou pa fè dèyè ?
Jéova sé Kréyatè-la é i Toupuisan. Men anplisdisa, sé zanmi a-w é i vlé édé-w konnèt-li. Bondyé pé ba-w 2 biten alafwa : “lanvi-la é fòs-la” ou bizwen la pou ou pé sa aji (Filipyen 2:13). Alò, si délè ou pa gè anvi étidyé oben ou pa gè anvi mèt sa ou ka aprann an pratik, Jéova la pou édé-w. É si yo ka mèt baton an wou a-w pou anpéché-w pwogrésé é si ou ka jwenn difikilté, Jéova pé ba-w fòs-la ou bizwen la. Toutlè, mèt jounou atè pou mandé Jéova édé-w pou ou pa jen arété étidyé (1 Tésalonisyen 5:17).
AN-NOU FOUYÉ PI FON
An-nou vwè ka ki pé édé-w kontinyé étidyé Labib menmsi ou ni plen biten a fè oben menmsi yo ka mèt baton an wou a-w. Aprésa, an-nou vwè kijan Jéova ka édé-nou pou nou kontinyé fè douvan.
4. Mèt étid a-w prèmyé douvan
Délè, tèlman nou okipé, nou ni lenprésyon kè nou pa ni asé tan pou étidyé Labib. Adan on ka konsa, kijan ou pé fè ? Li Filipyen 1:10 é fè on ti kozé asi sé kèsyon-lasa :
-
Dapré-w, ka « ki pli enpòwtan » adan lavi ?
-
Ka pou ou fè, pou montré kè ‘étidyé Labib’ sé on biten ki ni onlo valè pou-w ?
-
Si nou mèt sab-la an prèmyé, pé’é ni plas pou mèt tout sé wòch-la.
-
Si nou ka koumansé pa mèt sé wòch-la, ké ni plas pou prèstout sab-la. Sé menm biten adan lavi. Si nou koumansé pa mèt tousa « ki pli enpòwtan » prèmyé douvan, nou ké ni tan pou fè-yo é nou ké jous ni tan pou fè dòt biten.
Lè ou ka étidyé Labib, sa ka édé-w konnèt Bondyé é sa ka pèwmèt-vou sav kijan pou adoré-y. Konsa, ou ka vin pi bon zanmi èvè-y. Li Matyé 5:3 é fè on ti kozé asi kèsyon-lasa :
-
Ki bénéfis sa ka pwokiré-w lè ou ka mèt étid a-w prèmyé douvan ?
5. Menmsi yo ka mèt baton an wou a-w, pa lagé
Fò pa ou touvé sa fò si délè, ni moun ki vlé fè-w arété étidyé. Gadé sa i rivé Francesco. Gadé VIDÉO-la é fè on ti kozé asi sé kèsyon-la ki ka vin la.
-
Kijan zanmi a Francesco é manman-y réyaji lè i palé-yo dè sa i té ka aprann ?
-
Francesco pa jen fè dèyè. Ka sa pwokiré-y ?
Li 2 Timoté 2:24, 25 é fè on ti kozé asi sé kèsyon-lasa :
-
Ka zanmi a-w é fanmi a-w ka pansé dè sa ou ka aprann ?
-
Dapré sé vèwsé-lasa, si on moun kòlè èvè-w davwa ou ka étidyé Labib, kijan pou ou réyaji ? Poukwa ?
6. Fè fon asi Jéova
Pi ou ka vin bon zanmi èvè Jéova, pi ou anvi fè-y plézi. Men délè, pétèt ou ni dimal a fè sèwten chanjman pou fè sa Bondyé ka mandé-w. Si sé adan sitiyasyon-lasa ou yé, pa dékourajé-w. Jéova la pou édé-w. Gadé VIDÉO-la é fè on ti kozé asi sé kèsyon-la ki ka vin la :
-
Ki chanjman Jim fè pou i té fè Jéova plézi ?
-
Ka ki touché-w adan istwa a Jim ?
Li Ébré 11:6 é fè on ti kozé asi sé kèsyon-lasa :
-
Ka Jéova ka fè, pou moun « ki ka chèché-y vréman », kivédi pou moun ki ka fè éfò pou konnèt-li é pou fè-y plézi ?
-
Dapré vèwsé-lasa, ka Jéova ka rèsanti lè i ka vwè éfò ou ka fè pou étidyé Labib ?
MI SA YO TÉ’É PÉ MANDÉ-W : « Poukwa ou ka étidyé Labib èvè Témwen a Jéova ? »
-
Ka ou té’é réponn ?
ON TI RÉZIMÉ
Si ou ka étidyé Labib, sa pé édé-w ni lavi étèwnèl. On biten ki sèten, sé kè sa ka mandé onlo éfò. Men si ou konté si Jéova, i ké béni-w.
Ka ou woutyenn
-
Poukwa sé vérité-la ki an Bib-la ni onlo valè pou-w ?
-
Dépi ou vin sav ka « ki pli enpòwtan » adan lavi, ka pou ou fè ?
-
Poukwa fò ou mandé Jéova édé-w pou ou pé sa kontinyé étidyé Labib ?
AY GADÉ SA OSI
Kat konsèy ki ka édé onlo moun jéré tan a yo pibyen.
« Comment bien gérer son temps » (Réveillez-vous ! a févriyé 2014)
On madanm té byen vlé fè Bondyé plézi men mari a-y pa té dakò. Kijan Jéova édé-y ?
On misyé ka vin zanmi a Bondyé padavwa madanm a-y pa jen lagé.
Yo ka di kè Témwen a Jéova ka mèt pwoblèm an mennaj a moun. Men ès sé vré sa ?
Ay gadé sa osi...
KÈSYON ONLO MOUN KA POZÉ-YO
Sé lèson biblik la Témwen a Jéova ka pwopozé : kijan sa ka pasé ?
Sé lèson-la gratui é ou ka pé fè bèl ti kozé èvè Témwen a Jéova ; ou pé sèvi èvè pwòp Bib a-w é ou pé envité fanmi a-w oben zanmi a-w suiv étid-la èvè-w.
