Muaj ib txhia tib neeg pom tias nyuaj heev rau lawv kawm Vajlugkub. Txawm li ntawd los, yog peb ua tiag kawm ces yeej tsis nkim peb lub zog li rau qhov peb yuav kawm tau ntau yam los pab peb lub neej. Tiam sis tej zaum peb yuav xav tias xyov peb puas yuav kawm tau Vajlugkub mus li. Vim li cas zoo rau peb ua siab ntev kawm Vajlugkub? Txawm tias tsis yooj yim los muaj dab tsi pab kom peb ua taus siab ntev kawm Vajlugkub?

1. Vim li cas kev kawm Vajlugkub ho muaj nqis heev?

Vajtswv “tej lus tseemceeb thiab muaj kuab kawg li.” (Henplais 4:12) Phau Vajlugkub muaj nqis heev rau qhov nws qhia txog Vajtswv tej kev xav thiab nws txoj kev hlub rau peb. Yog peb kub siab kawm Vajtswv Txoj Lus ces peb yuav kawm tau ntau yam, muaj tswv yim, thiab muaj kev vam kev cia siab rau yav tom hauv ntej. Qhov tseem ceeb tshaj, tej uas hais nyob hauv phau Vajlugkub yuav pab peb ua tau phooj ywg nrog Yehauvas. Thaum peb kawm Vajlugkub ces twb yog peb cia Vajtswv lub hwj chim pab hloov peb lub neej kom zoo dua tuaj.

2. Vim li cas tseem ceeb rau peb paub tias qhov tseeb hauv phau Vajlugkub muaj nqis npaum li cas?

Qhov tseeb hauv phau Vajlugkub muaj nqis tshaj tej nyiaj tej kub. Twb yog vim li ntawd, Vajtswv Txoj Lus thiaj hais kom peb “cia li yuav qhov tseeb tsis txhob muab muag” mus li. (Pajlug 23:23) Thaum peb paub tias qhov tseeb hauv phau Vajlugkub muaj nqis npaum li cas lawd, peb yuav ua tiag kawm mus li txawm tias yuav muaj kev cuam tshuam li cas los xij.​—Nyeem Pajlug 2:4, 5.

3. Yehauvas yuav pab peb li cas xwv peb thiaj mob siab kawm Vajlugkub?

Yehauvas yog peb tus Tswv Tsim thiab Phooj Ywg uas muaj hwj chim loj dua ntais. Nws xav pab peb kawm thiab paub txog nws. Nws yeej pab tau kom peb muaj lub siab “xav” kawm thiab nws tseem yuav “ntxiv zog” rau peb kom peb kawm tau nws Txoj Lus. (Nyeem Filipis 2:13; Yaxayas 40:29.) Yog li ntawd, nws yeej pab tau kom peb xav kawm Vajlugkub los sis pab kom peb txawj muab tej uas peb kawm tau coj los siv rau hauv peb lub neej. Yog tias peb xav kom nws ntxiv dag ntxiv zog rau peb es peb thiaj nyiaj taus tej kev cuam tshuam los sis kev tawm tsam, los nws yeej ua tau. Cia li thov Yehauvas tsis tu ncua kom nws pab koj kub siab lug kawm Vajlugkub mus li.​—1 Thexalaunikes 5:17.

 KAWM NTXIV

4. Cia li muab kev kawm Vajlugkub ua qhov tseem ceeb rau koj

Tej thaud, peb yeej tsis xyeej kawm Vajlugkub hlo li. Ua li, dab tsi thiaj yuav pab tau peb? Nyeem Filipis 1:10, thiab tham txog ob lo lus no:

• Koj xav tias tej yam twg tseem ceeb tshaj plaws hauv neeg lub neej?

• Koj yuav ua cas thiaj qhia tau tias kev kawm Vajlugkub tseem ceeb rau koj?

1. Yog koj muab lub thoob ntim xuab zeb ua ntej, ces yuav ntim tsis tas cov pob zeb lawm

2. Yog koj muab cov pob zeb tso hauv lub thoob ua ntej, ces yuav txaus ntim cov xuab zeb thiab. Zoo li ntawd, yog koj muab “yam uas zoo dua ntais” tso ua ntej hauv koj lub neej, ces koj yeej yuav ua tau tej ntawd thiab tseem muaj sij hawm ua lwm yam ntxiv

Vajtswv tsim tib neeg kom muaj lub siab xav paub thiab xav teev tiam nws. Yuav kom lawv ua tau li ntawd, lawv yuav tau kawm phau Vajlugkub. Nyeem Mathais 5:3, thiab tham txog lo lus no:

• Thaum peb muab kev kawm Vajlugkub ua qhov tseem ceeb ces yuav pab tau peb li cas?

 5. Ua siab ntev thev thaum raug tawm tsam

6. Cia Yehauvas pab koj

 KOJ KAWM TAU DAB TSI

Txawm tsis yooj yim txhua zaus los, qhov uas koj kawm Vajlugkub yuav pab koj nyob kaj siab lug mus ib txhis. Cia li tso siab plhuav rau Yehauvas, ces nws yeej yuav muab nqi zog rau koj.

Rov Tham Dua

• Vim li cas qhov tseeb hauv phau Vajlugkub muaj nqis ua luaj rau koj?

• Yuav ua li cas koj thiaj paub tias “yam twg yog yam uas zoo dua ntais”?

• Vim li cas koj yuav tsum thov Yehauvas pab kom koj ua taus siab ntev kawm Vajlugkub?