EHONGWA 12
Otjikeṋa tji matji ku vatere okukayenda komurungu okurihonga Ombeibela?
Okurihonga Ombeibela ku eta ouwa posi yokutja, kaaruhe tji i rira oupupu. Povikando tjiva mape ya o ripura kutja mo yenene okukayenda komurungu okurihonga Ombeibela. Omena raye tji mo sokukondja okukayenda komurungu? Otjikwaye tji matji yenene okukuvatera okupanḓera po nandarire kehi yomauzeu?
1. Omena raye omerihongero wOmbeibela tji ye ri omananḓengu?
“Embo ra Ndjambi ri nomuinyo nu ri nomasa.” (Ovaheberi 4:12) Ombeibela onanḓengu mena rokutja i raisa oumune wa Mukuru mbwe na wo kove. Oyo kai ku vatere okukara nondjiviro uriri, nungwari wina i ku pa ounongo watjiri nomaundjiro. Nu tjinenenene, Ombeibela i ku vatera okurira epanga ra Jehova. Indu tji mo rihongo Ombeibela, ove u yandjera kutja oyo i rundurure ehupo roye.
2. Omena raye tji wa sokutjiwa kutja ouatjiri wOmbeibela ounanḓengu?
Ouatjiri mbu ri mOmbeibela u ri tjimuna ovihuze. Ombeibela opu i zokutja, “randa ouatjiri, o u randisa ko.” (Omiano 23:23) Indu tji twa tjiwa ounanḓengu wouatjiri wOmbeibela, tu tjita ozongondjero kokutja tu kayende komurungu okurihonga nandarire indu tji matu munu omauzeu.—Lesa Omiano 2:4, 5.
3. Jehova ma yenene okukuvatera vi, kutja u kayende komurungu okurihonga?
Mena rokutja Jehova Omuute woye omunamasa nu Epanga ewa, eye u vanga okukuvatera kutja u rihonge ohunga na ye. Eye ma yenene okukupa “ombango nomasorero okuyenenisa ondyero ye.” (Lesa Ovafilipi 2:13.) Ku nao, indu tji mo hepa ombatero yokurihonga poo okuṱakamisa imbi mbi we rihongo, eye ma yenene okukuvatera. Nu indu tji mo hepa omasa wokutuurunga omauzeu poo omapirukiro, eye me ku vatere. Aruhe ningira Jehova mongumbiro kutja me ku vatere okukayenda komurungu okurihonga Ombeibela.—1 Ovatesalonika 5:17.
KONḒONONA OUKOTO
Rihonga omuano mu mo yenene okukayenda komurungu okurihonga Ombeibela nandarire kehi yomapirukiro poo oviungura ovingi. Okuzambo ripurira komuano Jehova mu ma yenene okukuvatera.
4. Tjita kutja omerihongero woye wOmbeibela ye rire omananḓengu
Povikando tjiva tu kara noviungura ovingi nu rumwe tu muna kutja katu noruveze okurihonga Ombeibela. Otjikeṋa tji matji yenene okutuvatera? Lesa Ovafilipi 1:10, nu okuzambo hungirira komapuriro ngu maye kongorere kehi mba:
-
Hapo u muna kutja ovikeṋa “mbi ri oviwaviwa” poo ovinahepero tjinene mehupo?
-
Mo yenene okutjita vi kutja omerihongero woye wOmbeibela ye rire omatenga mehupo roye?
-
Indu tji we urisa otjitjuma nehi nu okuzambo o vanga okutwa mo omawe, owo kamaaye yenene
-
Tji wa twa mo omawe rutenga ove mo kara noruveze okutwa mo ehi enyingi. Momuano otjingewo, indu tji wa twa po oviṋa “imbi mbi ri oviwaviwa” ovitenga mehupo roye ove mo yenene okuviyenenisa nu mo kara noruveze okuungura oviṋa vyarwe
Okurihonga Ombeibela ku tjita kutja tu tjiwe Mukuru nu tu rikotamene ku ye. Lesa Mateus 4:4, nu okuzambo hungirira kepuriro ndi:
-
Ouwa waye mbu tu muna indu tji twa twa po omerihongero wOmbeibela poruveze orutenga?
5. Kayende komurungu nandarire kehi yomapirukiro
Povikando tjiva, mape ya varwe ave kondjo okukuteya ombango okurihonga Ombeibela. Tara kotjihorera tja Francesco. Nyanda OKAVIDIO, nu okuzambo hungirira komapuriro ngu maye kongorere kehi mba.
-
Mokavidio, omapanga wa Francesco neṱunḓu re va tjita vi indu tje ve raera imbi mbyee rihongo?
-
Omomuano uṋe ma muna ondjambi mena rokupanḓera po?
Lesa 2 Timoteus 2:24, 25, nu okuzambo hungirira komapuriro ngu maye kongorere kehi mba:
-
Hapo omapanga woye neṱunḓu roye ve noumune uṋe ohunga na imbi mbi u rihonga?
-
Otja komazeva nga tamunwa kombanda mba, hapo mo tjiti vi indu omundu tje hi na ohange nomerihongero woye wOmbeibela? Omena raye?
6. Ṱaṱera ku Jehova kutja me ku vatere
Otja pu matu tumbuka popezu na Jehova, onḓero yetu yokumuyorokisa i kurira ko. Posi yokutja, i rira ouzeu okutjita omarundurukiro mehupo retu kutja tu hupe otja komirari vye. Indu tji u noumune mbwo, o rihahiza, Jehova me ku vatere. Nyanda OKAVIDIO, nu okuzambo hungirira komapuriro ngu maye kongorere kehi mba.
-
Mokavidio, omarundurukiro yeṋe Jim nga tjita okuyorokisa omutima wa Jehova?
-
Otjihorera tje, tje ku ṱunu vi?
Lesa Ovaheberi 11:6, nu okuzambo hungirira komapuriro ngu maye kongorere kehi mba:
-
Jehova ma tjiti vi ku “imba mbe Mu paha” nu mbe kondja oukukutu okumutjiwa nokumuyorokisa?
-
Iho matji ku raere ye ohunga nomuano Jehova mbwe fula indu tja munu ozongondjero zoye zokurihonga Ombeibela?
OMUNDU MAPE YA A PURA KUTJA: “Ongwaye tji u rihonga Ombeibela?”
-
Hapo mo ziri vi?
OKUYARUKIRA PO OUSUPI
Nandarire kutja kaaruhe tje rira oupupu okurihonga Ombeibela, okutjita nao maku yenene okukuvatera okuyorokera ehupo nga aruhe. Kayende komurungu okuṱaṱera ku Jehova neye me ku sere ondaya.
Okurizemburukisa
-
Omena raye ouatjiri wOmbeibela tji u ri ounanḓengu kove?
-
Mo toorora vi “imbi mbi ri oviwaviwa”?
-
Omena raye tji mo sokuningira Jehova kutja me ku vatere okukayenda komurungu okurihonga Ombeibela?
RIHONGA OVINGI
Tara komiano vine mbya vatera ovandu ovengi okuungurisa oruveze rwawo momuano omusemba.
“Okuungurisa oruveze rwoye momuano omusemba” (Penduka!, Februari 2014)
Tara komuano Jehova ma vatera omukazendu ngwa ri nomurumendu ngwaa ha zuu nawa ozongondjero ze zokuyorokisa Mukuru.
Jehova u tu yanḓiparisa kutja tu tjinde omauzeu wetu (5:05)
Tara omuano omurumendu umwe ma muna ouwa mena rouvanḓe womukazendu we.
Ovahongonone va Jehova povikando tjiva ve kumininwa kutja ve haṋa omaṱunḓu. Hapo imbwo ouatjiri?
“Hapo Ovahongonone va Jehova ve haṋa poo ve tunga omaṱunḓu?” (Okarupa okasupi morungovi)
Mo yenene okutara ku imbi wina
OMAPURIRO NGE PURWA i yovandu OVENGI
Ovahongonone va Jehova ve yandja omerihongero wOmbeibela momuano uṋe?
Ove mo yenene okuungurisa Ombeibela ngamwa aihe indu tji mo rihongo Ombeibela otjari pu nOvahongonone va Jehova. Mo yenene okuṋanga eṱunḓu roye arihe poo omapanga woye okukara pomerihongero woye wOmbeibela.
