Mayuh orang udah rindu belajarka Bup Kudus sereta bulih mayuh penguntung ari nya. Tang kadang-kadang, nuan engka berunding sekalika nuan patut neruska pengawa belajarka Bup Kudus. Ba pelajar tu, kitai deka berandauka kebuah nya beguna terus belajarka Bup Kudus sereta kebuah kitai enda patut ngetu belajarka Bup Kudus taja pan bisi penanggul.

1. Nama penguntung belajarka Bup Kudus?

‘Jaku Petara idup sereta bekuasa.’ (Hebrew 4:12) Iring sereta lalau ari Bup Kudus amat bekuasa lalu ulih ngubah pengidup nuan. Ari Bup Kudus, nuan ulih nemu runding Jehovah sereta asai ati Iya ke nuan. Kelimpah ari nya, nuan ukai semina bulih penemu tang nuan deka nyadi bepenemu-dalam sereta bisi utai manah ke dianti nuan jemah ila. Ke pemadu beguna nya, nuan ulih nyadi pangan Jehovah.

2. Nama kebuah beguna belematika pemesai reti pemendar ari Bup Kudus?

Pemendar ari Bup Kudus baka reta pesaka ti amat berega. Nya kebuah Bup Kudus madahka: “Beli pemendar, lalu anang nyual iya.” (Jaku Dalam 23:23) Lebuh kitai belematika pemesai reti pemendar ari Bup Kudus, tu deka meransang kitai enda ngetu lalu terus belajarka Bup Kudus taja pan napi penusah.—Bacha Jaku Dalam 2:4, 5.

3. Baka ni Jehovah nulung nuan terus belajarka Bup Kudus?

Jehovah nya Penempa sereta Pangan nuan. Nya alai, Jehovah tentu deka nulung nuan terus belajar pasal Iya. Jehovah “ngasuh kita deka sereta ulih ngereja utai.” (Bacha Pilipi 2:13.) Nya alai, enti nuan lembau deka belajarka Bup Kudus tauka tusah nitihka utai ti benung dipelajarka nuan, Iya ulih meri nuan pengeran kena neruska pengawa nya. Enti nuan disakal, Jehovah ulih nulung nuan napi nya. Nya alai, seruran meh besampi ngagai Jehovah ngambika nuan ulih terus belajarka Bup Kudus.—1 Tesalonika 5:17.

 BELAJAR MAYUH AGI

4. Kemeratka pengawa belajarka Bup Kudus nuan

Kadang-kadang kitai amat kisuk nyentukka kitai ngasaika diri nadai awak belajarka Bup Kudus. Nama jaku lalau ari Bup Kudus ke ulih nulung? Bacha Pilipi 1:10, lalu kerandauka tanya tu:

• Ba nuan, nama utai ti “pemadu badas” ba pengidup?

• Baka ni nuan ulih ngemeratka pengawa belajarka Bup Kudus?

1. Enti nuan ngengkahka pasir dulu dalam beledi, udah nya ngengkahka batu, batu nya enda ulih tama

2. Enti nuan ngengkahka batu dulu, udah nya nepuka pasir, nuan deka mujur nepuka nyauka semua pasir nya. Pia mega, enti nuan ngenuluka “utai ti pemadu badas” ba pengidup, nuan ukai aja mujur nembuka pengawa nya tang nuan mega bisi awak ngereja utai bukai

Semua kitai begunaka utai ba pengarap—iya nya ngelala sereta nyembah Petara. Enggau belajarka Bup Kudus, nuan ulih ngereja tu. Bacha Matthew 4:4, lalu kerandauka tanya tu:

• Nama penguntung iya enti nuan ngemeratka pengawa belajarka Bup Kudus?

 5. Anang ngetu taja pan disakal

6. Bepanggai meh ba Jehovah

 LANSA

Kekadang nuan tusah deka terus belajarka Bup Kudus. Tang enti nuan enda ngalahka diri, nuan deka bisi peluang ngasaika pengidup ti belama iya. Terus meh bepanggai ba Jehovah, lalu Iya deka merekatka nuan.

Ulang Kaji

• Kati pemendar ari Bup Kudus nya besai reti ba nuan? Nama kebuah?

• Pengudah “nemu utai ti pemadu badas”, nama patut dikereja nuan?

• Nama kebuah nuan patut minta tulung ari Jehovah ngambika nuan mengkang belajarka Bup Kudus?