Ó wɛ ɔdā olɔhi ō klɔcɛ ku Ubáyíbu, amáŋ ó gē tɔɔtɛ eko doodu ŋ. Ekoohi, a lɔfu yɔ i gbɛla ɔdaŋ kóō géē tɔɔtɛ gā uwɔ ō yɔ i klɔcɛ ku Ubáyíbu gɔbu. Ɔdiya nōó cɛgbá ku a yɔ i ceyitikwu gɔbu mla oklɔcɛ ku Ubáyíbu a? Ɔdi gáā ta uwɔ abɔ ceyitikwu gɔbu mla oklɔcɛ ku Ubáyíbu naana nɛ a yɔ i má unwalu ɛyɛɛɛyɛyi a?

1. Ɔdiya nɛ oklɔcɛ ku Ubáyíbu wɛ ɔdā ō cɛgbá a?

“Ohígbú ka ɛlā kú Ɔwɔicō yēeyī, ó klla lɔfú.” (Ācɛ Uhíbru 4:12) Ubáyíbu cɛgbá ohigbu kóō géē mafu ɔdā nōo wɛ ɛlá ō gbo ku Ɔwɔico gā uwɔ mla ɛgɛ nɛ ɔtu gē ya ɔ lɛyikwu uwɔ a. Ó géē ta uwɔ abɔ ku a lɛ ɔdā ō jé, ijeeyi ɔkwɛyi mla eyiyoce. Ofiyɛ duu a, Ubáyíbu géē ta uwɔ abɔ kwu piya ɔya ku Ujehofa. Eko duuma nɛ a klɔcɛ ku Ubáyíbu, a yɔ i jɛga lɛ ɔfu ku nu kóō lɛ abɔ kwu oyeeyi ku uwɔ ɔwɛ olɔhi.

2. Ɔdiya nōó wɛ ɔdā olɔhi ō jé ɛgɛ nɛ ɔkwɛyi ku Ubáyíbu cɛgbá lɛ a?

Ɔkwɛyi ɛyɛɛyɛyi nōo yɔ ipu Ubáyíbu a lɛbɛɛka aɔdā agbenu nōo cɛgbá nɛhi a. Ɔɔma ya ɛɛ nɛ Ubáyíbu ta alɔ ɔtu kwu ɔtu ku “ɔkwɛ̄yi, . . . cíkā nāa i lɛ, amáŋ eko nāa le lɛ, ā cɛ̄ lɛ [ɔ] hɛ́ uwɔ abɔ̄ ŋ́.” (Aíita 23:23) Ɔdaŋ ku alɔ bi ɛgɛ nɛ ɔkwɛyi ku Ubáyíbu cɛgbá lɛ a ipu ɔtu, alɔ géē ceyitikwu lɔfu lɔfu klɔcɛ gɔbu kpɔ naana nɛ alɔ yɔ i má unwalu ɛyɛɛɛyɛyi a.—Jé Aíita 2:4, 5.

3. Ɛgɛnyá nɛ Ujehofa lɔfu ta uwɔ abɔ ku a yɔ i klɔcɛ gɔbu a?

Abɔ Ujehofa wɛ ɔcɛ nōo ya ɛjɛɛji odee klla wɛ Ɔya ku uwɔ a, Ujehofa dɔka ō ta uwɔ abɔ ku a nwu ɛlā lɛyikwu ɔ. Ó géē je “ɔfú” gā uwɔ o ya oklɔcɛ ku ɛlā ku nu. (Jé Ācɛ Ufílipāyi 4:13.) Ɔdaŋ ku a cɛgbá ɔtu ō tu kwu ɔtu o ya ɛɛ ku a klɔcɛ klla bi ɛlā nɛ a yɔ i jé a le yuklɔ, ó géē ta uwɔ abɔ. Ɔdaŋ ku a cɛgbá otabɔ tōōtɔ̄ɔ̄ o ya ɛɛ ku a ya unwalu ɛyɛɛyɛyi nɛ a lɛ a lé, ó géē je otabɔ ɔɔma gā uwɔ. Da Ujehofa eko doodu ō bu ipu ɔkɔ ō gba kóō ta uwɔ abɔ klɔcɛ ku Ubáyíbu gɔbu.—1 Ācɛ Utesaloníka 5:17.

 JÉ GƆBU

4. Kwu Ubáyíbu ō klɔcɛ ku uwɔ i piya ɔdā ō cɛgbá fiyɛ duu

Ekoohi, ó lɔfu ya alɔ ku alɔ i lɛ ɛga nwune ō ya oklɔcɛ ku Ubáyíbu ŋ. Ɔdi gáā ta alɔ abɔ a? Jé Ācɛ Ufílipāyi 1:10, cɛɛ ku aa kɔka lɛyikwu aɔka nōo ba nyā:

• Ɔdi wɛ ɔdā ōhī nɛ a gbɛla “nōo lɔhi fíyɛ́ dúú” ipu oyeeyi a?

• Ɛgɛnyá nɛ a lɔfu je Ubáyíbu ō klɔcɛ piya ɔdā ō cɛgbá ipu oyeeyi ku uwɔ a?

1. Ɔdaŋ ku a lɛ ajɛ ta umu ubɔkɛti nɛ a kē yɔ i ceyitikwu kpo ɛcɔ tu ipu nu, ó gáā gā ɔ lɔhi gla ŋ

2. Amáŋ, ɔdaŋ ku a lɛ ɛcɔ a kpo tu ɔ aflɛyi, a géē má ɛga ō kpo ajɛ tu ipu nu. Ɔwɛ ekpo ɔɔma duu, ɔdaŋ ku a kwu aɔdā “nōo lɔhi fíyɛ́ dúú” a u ta aflɛyi ipu oyeeyi, a géē ya uwa klla i lɛ eko ō bi le ya aɔdā ɔhá

Alɔ cɛgbá Ɔwɔico, eko duuma nɛ alɔ gē klɔcɛ ku Ubáyíbu alɔ géē wa i jé Ɔwɔico lɔɔlɔhi klla gba ɔ ɛ̄gbā. Jé Umátiyu 5:3, cɛɛ ku aa kɔka lɛyikwu ɔka nyā:

• Ɛgɛnyá nɛ alɔ géē lɛ itene ɔdaŋ ku alɔ kwu oklɔcɛ ku Ubáyíbu i piya ɔdā ō cɛgbá fiyɛ duu ipu oyeeyi ku alɔ a?

 5. Ceyitikwu gɔbu yɔ i klɔcɛ ku Ubáyíbu naana néē yɔ i ya uwɔ ŋmo a

6. Gbolo ce Ujehofa kóō ta uwɔ abɔ

 ƆDI NƐ A NWU A?

Naana nɛ oklɔcɛ ku Ubáyíbu i gē tɔɔtɛ eko doodu ŋ ma, ó géē ta uwɔ abɔ jɔɔnyɛ oyeeyi opiyoo. Ceyitikwu gbolo ce Ujehofa gɔbu, ó kē i cila uwɔ ule.

Aɔka ō tu alɔ ɛlá kwu ɔdā nɛ alɔ nwu

• Ɔdiya nɛ ɔkwɛyi ɛyɛɛyɛyi nōo yɔ ipu Ubáyíbu a cɛgbá gā uwɔ a?

• Ɛgɛnyá nɛ a lɔfu jé aɔdā “nōo lɔhi fíyɛ́ dúú” a?

• Ɔdiya nɛ a cika ō ba Ujehofa kóō ta uwɔ abɔ yɔ i klɔcɛ ku Ubáyíbu gɔbu a?