Ech’ukọchẹ Baibul che n’ile nana. Ama, i neke kọ elọla ñwu wa iko duu. Ẹgba ẹbọ, ẹ neke na kpibe ichẹñwu k’ẹ neke na ch’ukọchẹ Baibul wẹ alo. Ẹñwu chi ki chẹñwu ogbogaga k’ẹ na ch’ukọchẹ Baibul wẹ alo? Ẹñwu neke ch’atẹko wẹ k’ẹ na ch’ukọchẹ wẹ alo dagba k’ẹ na d’eju d’akanya?

1. Ẹñwu chi k’ukọchẹ Baibul chẹñwu ogbogaga?

‘Todu ọl’Ọjọ deju, i la n’ukpahiu.’ (Abo Hibru 4:​12) Baibul ch’ọtakada akoko todu i ajẹñwu ẹ ma ẹñwu ki ch’ibe Ọjọ lugbo wẹ. I ch’uma kate ẹ nẹ kwefu Baibul n, i añọ ch’atẹko wẹ k’ẹ n’ibe kpai ukibeno ọmẹmẹlẹ. E-ki ch’ogbogaga tule che kaki, i ach’atẹko wẹ k’ẹ ch’onukwu kpai Jihofa. Ichẹñwu k’ẹ ch’ukọchẹ Baibul, ẹ jẹñwu k’ukpahiu-wñ ki r’ọlai wẹ da.

2. Ẹñwu chi ki nyọ k’a m’ile k’a nẹ kwefu ukọchẹ Baibul?

Am’ochochi ki defu Baibul dabu amẹñwu akoko. Todu e-lẹ, Baibul d’ibe ñwu wa k’a ‘f’ochochi la, a ki la d’u ta n.’ (Ita Ita 23:23) Ichẹñwu k’a ma kaki ochochi ki defu Baibul ch’ẹñwu ogbogaga e-lẹ ajẹñwu wa ja ki ana kọchẹ Baibul alo dagba k’a dejudo am’ihianyi.​—Gba Ita Ita 2:​4, 5.

3. Abu Jihofa neke ch’atẹko wẹ k’ẹ na ch’ukọchẹ Baibul alo?

Todu ki che Jihofa ny’ẹ ki la ch’onukwu wẹ, Jihofa atene k’ẹ kọchẹ lugbo ọla ẹnẹ ki che. Ọjọ neke ‘d’ẹ ẹdọ kwanẹ kpai ed’ukpahiu ukọlọ echẹ ñwẹ.’ (Gba Abo Filipia 2:​13.) Ẹgba ẹbọ ichẹñwu k’ẹ tene atẹko k’ẹ neke kọchẹ Baibul abẹki ech’ẹñwu k’ẹ kọchẹ, Jihofa neke ch’atẹko wẹ. Ichẹñwu k’ẹ tene atẹko k’ẹ neke legwu efu am’ihianyi abẹki ajama du, Jihofa neke ch’atẹko wẹ. Na ka ñwu Jihofa efu adua iko duu ki ch’atẹko wẹ k’ẹ neke na ch’ukọchẹ Baibul.​—1 Abo Tẹsẹlonaika 5:​17.

 N’UMA NYỌGBA

4. Jẹñwu ukọchẹ Baibul wẹ ki ch’ẹñwu ogbogaga tule

Ẹgba ẹbọ ọwọ wa neke gbaji nyọnyọ ki adab’ẹnẹ kaki a n’uña k’a ch’ukọchẹ Baibul n. Ẹñwu neke ch’atẹko wa? Gba Abo Ẹfẹsọs 5:​16, ubilẹ mẹ ch’oluka oji am’ene-i:

• Ẹñwu ẹ neju kak i ch’amẹñwu ogbogaga tule ki dukpẹ k’ẹ ‘f’iko la tẹ’ ñwu efu ọlai wẹ?

• Abu ẹ neke jẹñwu ukọchẹ Baibul wẹ ki chẹñwu ogbogaga tule?

1.  

2. Abalẹ gẹ, ichẹñwu k’a du “ẹñwu ki ch’ogbogaga tule” chẹñwu ejodudu efu ọlai wa, e-lẹ ajẹñwu ẹ k’ẹ neke che, k’ẹ la ñọ n’iko k’ẹ ch’amẹñwu omunẹ

Ech’ukọchẹ Baibul ajẹñwu wa m’ọla ẹnẹ k’Ọjọ che kpai ọna k’a neke r’arẹ-wñ. Gba Matiu 5:​3, ubilẹ mẹ ch’oluka oji ene-i:

• Abu a jile ichẹñwu k’a jẹñwu ukọchẹ Baibul wa ki chẹñwu ogbogaga tule?

 5. Ọla wẹ ki kpa n ichẹñwu k’ẹ dejudo ajama

6. Lọno Jihofa ki ch’atẹko wẹ

 ẸY’ỌLA UKỌ-I

Ochochi, i lọla k’onẹ ki ch’ukọchẹ Baibul n, ama ech’ukọchẹ Baibul ach’atẹko wẹ k’ẹ neke jura ogbegbelẹ. Na lọno Jihofa alo waa, i la ana d’ẹnyọ ñwẹ.

Ẹñwu ẹ kọchẹ?

• Ẹñwu chi k’amọgẹcha ki defu Baibul chẹñwu akoko ñwẹ?

• Abu ẹ neke ‘f’iko la tẹ’ ñwu amẹñwu ki ch’ogbogaga tule?

• Ẹñwu chi ki dukpẹ k’ẹ ka ñwu Jihofa ki ch’atẹko wẹ k’ẹ neke na ch’ukọchẹ Baibul alo?