M’ara neţṣafar, neţwali-d leḥwayeǧ ack-itent. Acu kan, nezmer daɣen a d-nemmager cceddat deg webrid. Kifkif daɣen m’ara neqqar Adlis Iqedsen. Tikwal, neqqar-as wissen ma nezmer a nkemmel taɣuri. Meɛna, acuɣer i glaq a nkemmel? D acu ara k-iɛiwnen aţ-ţkemmleḍ ɣas teţmagareḍ-d cceddat?

1. Acuɣer i glaq a neţnadi a nissin d acu i gesselmad Wedlis Iqedsen?

‘Awal n Ṛebbi yedder yerna yesɛa tazmert’ (Iɛebṛaniyen 4:12). Adlis Iqedsen yesɛa lqima tameqrant axaṭer yesskanay-aɣ-d ixemmimen n Ṛebbi yerna yeqqar-aɣ-d d acu i geţḥussu. Neţţaf deg-s tamusni, lekyasa akk-d usirem. Uyerna, yeţɛawan-aɣ a neqqel d iḥbiben n Yahwa. M’ara neţnadi a nissin d acu i gesselmad Wedlis Iqedsen, tudert-nneɣ s lekmal-is teţwenniɛ.

2. Acuɣer i glaq a neţţak lqima tameqrant i tideţ yellan deg Wedlis Iqedsen?

Tideţ yellan deg Wedlis Iqedsen d agerruj (lkenz). Ɣef wayagi i d-yeqqar Wedlis Iqedsen: “Kseb tideţ, ur ţ-znuzu ara” (Lemtul 23:23). M’ara neţxemmim ihi ɣer ssuma ɣlayen n Wedlis Iqedsen, a neţkemmil a neqqar deg-s ɣas neţmagar-ed cceddat (ɣer-ed Lemtul 2:4, 5).

3. Amek i gezmer a k-iɛiwen Yahwa akken ur tḥebbseḍ ara taɣuri n Wedlis Iqedsen?

Ur teţţu ara belli Yahwa, i gellan d Axellaq, d Bab n Tezmert yerna d Aḥbib-ik, yebɣa a k-iɛiwen a t-tissineḍ. Yezmer a k-d-yefk ‘lebɣi akk-d tezmert iwakken aţ-ţxedmeḍ ayen yelhan’ (ɣer-ed Ifilibiyen 2:13). Ihi, ma yewɛeṛ fell-ak tikwal aţ-ţeɣreḍ Adlis Iqedsen neɣ aţ-ţṭebbqeḍ ayen yellan deg-s, tzemreḍ aţ-ţţekleḍ ɣef Yahwa a k-iɛiwen. A k-d-yefk daɣen tazmert iwakken aţ-ţqableḍ wid i k-yeţxaṣamen neɣ iɣeblan nniḍen. Ṭṭalab-as daymen i Yahwa di tẓallit a k-iɛiwen bac ur tfeččleḍ ara (1 Itisalunikiyen 5:17).

 A NNADI A NEFHEM AKTEṚ

4. Efk-as amkan amezwaru i tɣuri n Wedlis Iqedsen

Tikwal, seg wakken neččuṛ d lecɣal, nezmer a s-nini belli ur nesɛi ara lweqt bac a nɣer Adlis Iqedsen. D acu ara ɣ-iɛiwnen ihi? Ɣret-ed Ifasusiyen 5:16, mbeɛd hedṛet ɣef yesteqsiyen-agi:

• Ɛlaḥsab-ik, d acu-tent leḥwayeǧ yesɛan azal ideg i glaq a ‘neţfaṛas lweqt’, yeɛni ideg i glaq a nessexdam lweqt-nneɣ akken ilaq?

• Amek ara teţţarraḍ taɣuri n Wedlis Iqedsen ţ-ţamezwarut di temɛict-ik?

1. Ma nezwar qbel di ṛṛmel, ur d-yeţɣimi ara wemkan i yeblaḍen-agi meṛṛa.

2. Ma nezwar deg yeblaḍen, a d-yegri wemkan akken a nernu amur ameqran n ṛṛmel. Di tudert-nneɣ, ma neţţarra deg wemkan amezwaru leḥwayeǧ yesɛan azal, a nesɛu lweqt a nexdem leḥwayeǧ-agi yerna a ɣ-d-yegri lweqt a nexdem ayen nniḍen.

Neḥwaǧ a nissin Ṛebbi w’a t-neɛbed. Taɣuri n Wedlis Iqedsen teţɛawan-aɣ a nessiweḍ ɣer wayagi. Ɣret-ed Matta 5:6, mbeɛd hedṛet ɣef westeqsi-yagi:

• Acu n lfayda ara naf ma neţţarra taɣuri n Wedlis Iqedsen ţ-ţamezwarut di temɛict-nneɣ?

 5. Ur feččel ara ɣas ma llan wid yeţnadin a k-qeḍɛen aţ-ţeɣreḍ Adlis Iqedsen

6. Ţkel ɣef Yahwa a k-iɛiwen

 AYEN I D-NELMED

Ma teqqareḍ Adlis Iqedsen, tzemreḍ aţ-ţesɛuḍ tudert n dayem. Ayagi yeṭṭalab-ed lmeǧhud, meɛna ma teţkalayeḍ ɣef Yahwa, a k-ibarek.

A d-nesmekti

• Acuɣer i tesɛa lqima tideţ yellan deg Wedlis Iqedsen?

• Amek i tzemreḍ a d-tbeggneḍ belli taɣuri n Wedlis Iqedsen tesɛa azal ɣur-ek?

• Acuɣer i glaq a s-teṭṭalabeḍ i Yahwa a k-iɛiwen akken ur tḥebbseḍ ara taɣuri n Wedlis Iqedsen?