THUTO 12
Ini Chi Nga ku Batsha Kuti u Dwilile u Zwidiya Baibili?
Ku zwidiya Baibili konga ku tola gwendo. Ne kwa ka jalo, ku nga sima mu nako dzingwe. Nako dzingwe, u nga zwibuzwa kuti a u nowo khona ku dwilila u zwidiya Baibili. Ini ku sheteka kuti u longe masimba kuti u dwilile u zwidiya? Ini chi nga ku batsha ku mililana ne dzindiko dza u nga shangana nadzo?
1. Ini ku sheteka ku zwidiya Baibili?
“Dama le Ndzimu lotjila, kakale loshinga.” (Bahebera 4:12) Baibili i no sheteka ne kuti i no leba mikumbulo ye Ndzimu, ne mazwiwo awe mu kuli. Ha ito ku batsha koga kuti u be ne luzibo ngono i no ku batsha kuti u be ne buchenjedu ne thembo. Chikulukulu, Baibili i no ku batsha ku be nkhwinya wa Jehova. Ha u zwidiya Baibili, u no lechedzela masimba ayo ku ku batsha kuti buchilo gugo gu be butuka.
2. Ini ku sheteka ku bona bukulu gwe malebeswa a mu Baibili?
Malebeswa a mu Baibili a nonga fungwa ya ka sumbikika. Ndizo Baibili iti kumbuludza iti “tenga lebeswa, usitongo litengesa.” (Zwiani 23:23) Ha ti dwilila ti kumbula kuti ini malebeswa e Baibili e sheteka, to dwilila ti zwidiya ne ta ka lingisana ne dzindiko.—Bala Zwiani 2:4, 5.
3. Jehova u nga ku batsha chini kuti u dwilile u zwidiya Baibili?
Se Mbumbi ne Nkhwinya uwo u na masimbawose, Jehova u no shaka ku ku batsha kuti u zwidiye ne kukwe. Ndzimu u nga thama “kuti mutubule kushingila ne kushaka kushathisa iwo.” (Bala Bafilipi 2:13.) Mu zwibaka zwingwe ha u sheta ku batshiwa kuti u shathile ku zwidiya kene ku shingisa cha u no zwidiya, u nga ku batsha. Ha u sheta masimba e kuti u khone ku lingisana ne dzindiko kene ku nyanyaidziwa, u nowo ku batsha. Dwilila u tembezela Jehova kuti a ku batshe kuti u khone ku dwilila u zwidiya Baibili.—1 Bathesalonika 5:17.
ZWIDIYE KWA KA NGINILILA
Bona se kwa u nga khona ku dwilila u zwidiya Baibili ne wa ka batika kwazo kene u nyanyaidziwa ne bangwe. Kakale u bone kuti Jehova u nga ku batsha chini kuti u dwilile u zwidiya.
4. Thama kuti ku zwidiya Baibili ibe chithu chikulu mu buchilo gugo
Mu zwibaka zwingwe to batika kwazo ku be ku lingika i ngati ha ti na nako ya ka lizana ye ku zwidiya Baibili. Ini chi nga batsha? Bala Bafilipi 1:10, mu be mu lebesana ne kwe buzo dzi no tobela:
-
U no kumbula kuti ini “tjakalulwama kupinda zose” mu buchilo?
-
U nga thama chini kuti ku zwidiya Baibili kuko ibe chithu chikulu?
-
Ha u zhadza emeri ne nseche u bo u lika ku longa mabgwe, ha a nga ngine
-
Ha u longa mabgwe takhwa, u nowo khona ku dila nseche. Ne zila i no fanana, ha u biga “tjakalulwama kupinda zose” mu buchilo gugo, u nowo khona ku chi thama kakale u nowo be ne ingwe nako ye ku thama zwingwe
Ku zwidiya Baibili ko ti batsha ku bona se kwa ti nga ziba Ndzimu ne ku nnamata. Bala Matewu 5:3, mu be mu lebesana ne kwe buzo i no tobela:
-
Ku thama kuti ku zwidiya ibe chithu chikulu ko ti batsha chini?
5. Mililana ne ku nyanyaidziwa
Nako dzingwe, bangwe ba ngana ba ka lika ku thama kuti u mise ku zwidiya Baibili. Bona cha ka shingikalila Francesco. Zana VIDIYO, mu be mu lebesana ne kwe buzo dzi no tobela.
-
Mu vidiyo, bakhwinya ne be nsha wa Francesco ba ka zwibata chini ha e ba budza ne kwe cha a no zwidiya?
-
Ku dzikitadza kwa ka mbatsha chini?
Bala 2 Timoti 2:24, 25, mu be mu lebesana ne kwe buzo dzi no tobela:
-
Be nsha uwo ne bakhwinya ba no zwiwa chini ne kwe cha u no zwidiya?
-
Ku yenda ne ndimana idzedzi, wa ka fanila ku thamani ha nngwe a si nga shathile kuti u no zwidiya Baibili? Ne kutini?
6. Biga mu na Jehova kuti a ku batshe
Ha bukhwinya gwedu na Jehova gu kula, ku shaka kwedu ku nshathisa ko paphidzika. Ne kwa ka jalo, ku nga ti simila ku shandula machilo edu ku yendidzana ne milayo iye. Ha ili kuti u nga zwiwa ne zila iyeyo, u si zwitoboke. Jehova u nowo ku batsha. Zana VIDIYO, mu be mu lebesana ne kwe buzo dzi no tobela.
-
Mu vidiyo iyeyi, Jim wa ka shandula buchilo gugwe chini kuti a shathise Jehova?
-
Ini cha u no da ne kwe chilakidzilo chiche?
Bala Bahebera 11:6, mu be mu lebesana ne kwe buzo dzi no tobela:
-
Ndzimu u nowo thamilani “ibabo banoushaka”—ibabo ba no gwisa ku nziba ne ku nshathisa?
-
Ichechi cho ku diyani ne kwe kuti Jehova u no zwiwa chini ha e bona u gwisa ku zwidiya Baibili?
UNGWE U NGANA A KATI: “Ini u zwidiya Baibili?”
-
U nga ndabila u tini?
CHA WA ZWIDIYA
Nenguba kwa ka sima mu zwibaka zwingwe, ku zwidiya Baibili ndiko ku nga ku batsha ku shathila buchilo cha chose. Dwilila u biga mu na Jehova, ngono u nowo ku batsha.
U Nga Tini?
-
Ini u da malebeswa e Baibili kwazo?
-
U nga shalula chini “tjakalulwama kupinda zose” mu buchilo?
-
Ini wa ka fanila ku kumbila Jehova kuti a ku batshe ku dwilila u zwidiya Baibili?
SHAKISISA
Bona zila dzili 4 dza ka batsha bathu banjinji ku shingisa nako yabo zwibuyanana.
“Se Kwa u Nga Shingisa Nako Iyo ne Buchenjedu” (Mukani!, February 2014)
Bona se kwa Jehova a ka batsha nkadzi nngwe, we nlume wa ka be a si nga hwisise mazwimisilo awe e ku shaka ku shathisa Ndzimu.
Jehova U no ti Simisa ku ti ti Khone ku Senga Mitolo Yedu (5:05)
Bona se kwa nlume nngwe a ka batshiwa ne ku simidzila kwe Nkadzi uwe.
Bafakazi ba Jehova mu zwibaka zwingwe ba no tilikiwa nlandu we ku pkhwanya misha. Ngono a ichecho malebeswa?
“Apa Bafakazi ba Jehova ba no Pkhwanya Misha Kene ba no i Baka?” (Web article)
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
