Topẽ Vĩ Rá to kanhrãn mũ vỹ tỹ nén ũ há nĩ, ẽg mỹ. Hã ra, kejẽn tag vỹ jagy nĩ. Hã re mũn ã tỹ ãkrén nĩ: Inh mỹ Topẽ Vĩ Rá to kanhrãn hã ki tĩnh ke mũ hẽn? Hã ra ne tugnĩn Topẽ Vĩ Rá to kanhrãn mũ vỹ ã mỹ há nĩ? Jérĩn mỹ ã tỹ nén ũ jagy ag kato tẽ tĩ, ne nỹ ã ajũna kenh mũ, ã tỹ tag han hã ki tĩ jé?

1. Topẽ Vĩ Rá to kanhrãn mũ ne tugnĩn ẽg mỹ há nĩ?

“Ti vĩ tóg nén kar kãfór nĩ, tar pẽ tóg nĩ, ti vĩ tĩ.” (Salmo 29:4) Topẽ Vĩ Rá to kanhrãn tĩ vỹ tỹ nén ũ há tãvĩ nĩ. Ti tỹ ẽg ajũna ke tĩ, ẽg tỹ Topẽ jykre, kar ti tỹ ẽg to há nĩ ki kanhrãn jé. Topẽ Vĩ Rá vỹ ã ajũna kenh mũ, ã tỹ nén ũ há ag to kanhrãn jé, kar ã tỹ mỹ há nĩ jé. Kar sir ti vỹ ã ajũna ke tĩ, ã tỹ Jeová mré há nĩ jé. Ã tỹ Topẽ Vĩ Rá to kanhrãn kỹ, tag vỹ ã tỹ vãsỹ ũn há kãfór han tĩ.

2. Ẽg ne tugnĩn Topẽ Vĩ Rá to há ke nỹtĩ?

Topẽ vĩ pẽ ag vỹ tỹ pó kóko sĩnvĩ ri ke nĩ. Hã kỹ ti vỹ ẽg mỹ ke tĩ, “vẽnh vĩ to há nĩm nĩ, ki kanhró nĩn kỹ, ũ tỹ ã kanhrãn kỹ ke gé, ã tỹ nén to jykrén há nĩn kỹ ke gé. Hã ra tag kar fón sór tũg nĩ”. (Provérbios 23:23) Kejẽn nén ũ jagy ag hãn ri ke tĩ. Hã ra ẽg tỹ Topẽ Vĩ Rá to há nỹtĩn kỹ, ẽg tỹ vãsãnsãn ke mũ, ẽg tỹ ti to kanhrãn hã ki mũ jé. — Provérbios 2:4, 5 le kem nĩ.

3. Jeová hã ren kỹ ã ajũna ke tĩ, ã tỹ Topẽ Vĩ Rá to kanhrãn hã ki tĩg jé?

Jeová hã vỹ tỹ ũn tỹ nén kar hyn han ja ti nĩ, kar tóg tỹ ã mré ke nĩ gé. Ti tỹ ã ki kanhrãn há nĩ, kar ti tỹ ã ajũna ke sór tĩ, ã tỹ ti to kanhrãn jé. Jeová ‘hã ne tóg ã krĩn há han tĩꞌ, . . . ã mỹ sér tĩn jé.’ (Filipos 2:13 le kem nĩ.) Kejẽn ã mỹ jagy nĩ, ã tỹ Topẽ Vĩ Rá to kanhrãn, kar ti vĩ ki króm jé. Hã ra ti hã vỹ ã ajũna ke tĩ. Ã tỹ nén ũ jagy ag kato tẽn kỹ, Jeová vỹ ã rã jẽ nĩ. Jeová mré vĩm nĩ, ti tỹ ã ajũna ke jé, ã tỹ Topẽ Vĩ Rá to kanhrãn hã ki tĩ jé. — 1 Tessalônica 5:17.

 VẼNH KANHRÃN KÃFÓR NĨ

4. Vẽnh kar mỹ ven nĩ, ã tỹ Topẽ Vĩ Rá to há tĩ

Kejẽn ẽg tỹ nén ũ e hyn han ke nỹtĩ, kar hã re mũn ẽg pi tempo nỹtĩ, Topẽ Vĩ Rá to kanhrãn jé. Ne nỹ ẽg ajũna ke tĩ? Éfeso 5:16, 17 le kem nĩ. Kar jagnẽ mré vẽmén nĩ, nén ũ tag ag to:

• Ã mỹ hã re nỹ nén ũ há tãvĩ kar, ã vida ki?

• Ã hã ren kỹ vẽnh kar mỹ ven ke mũ, ã tỹ Topẽ Vĩ Rá to há tĩ?

1. Ã tỹ areia tỹ balde fãn kar, pó tỹ kãki vin sór kỹ, pi ki genh

2. Hã ra, ã tỹ pó tỹ kãki vin vén kar, tỹ kar areia mỹ lugar nĩnh. Gen kỹ tỹ ke nĩ gé, ã tỹ nén ũ há hyn han vén kỹ, kỹ ã tỹ kar sir tempo nĩnh mũ, ã tỹ nén ũꞌũ hyn han jé.

Ẽg tỹ Topẽ Vĩ Rá to kanhrãnrãn kỹ, tag vỹ ẽg ajũna ke tĩ, ẽg tỹ Topẽ ki kanhrãn, kar ti mỹ vĩ há han jé. Mateus 4:4 le kem nĩ. Kar jagnẽ mré vẽmén nĩ, tag to:

• Ẽg tỹ Topẽ Vĩ Rá to kanhrãn mũ to há kỹ, ẽg tỹ nén ũ há ag tỹ ne vigvenh ke mũ?

 5. Vãsãn hã ki tĩm nĩ, ã tỹ Topẽ Vĩ Rá to kanhrãn jé

6. Jeová vỹ ã ajũna kenh ke mũ, tag kri fim nĩ

 Ã NE KANHRÃN JA TI

Kejẽn ã mỹ jagy nĩnh mũ, Topẽ Vĩ Rá to kanhrãn nĩn kỹ. Hã ra ã tỹ vãsãn kỹ, tag vỹ ã ajũna kenh mũ, ã tỹ mỹ sér nĩ jé. Kỹ Jeová kri fi hã ki tĩm nĩ, gen kỹ tóg ã ve há han ke mũ.

Jykrinkrén mũ

• Topẽ vĩ pẽ ag ne tugnĩn ã mỹ há tãvĩ nĩ?

• Ã hã ren kỹ vẽnh kar mỹ ven ke mũ, Topẽ Vĩ Rá to kanhrãn mũ vỹ ã mỹ há nĩ ti?

• Ã ne tugnĩn Jeová mỹ to vĩ ke nĩ, ã tỹ Topẽ Vĩ Rá to kanhrãn hã ki tĩ jé?