ILINNIAGASSAQ 12
Biibilimik misissuininnut akornutaasinnaasut anigukkit
Biibilimik misissuisarneq iluaqutaangaarpoq, ajornaatsuinnaasanngilarli. Imaassinnaavoq Biibilimik misissuinerit unitsissanerlugu ilaannikkut eqqarsaatigisarit. Tunniutiinnannginnissalli sooq imminut akilersinnaava? Ajornartorsioraluarlutit Biibilimik misissuiuarnissamut suut iluaqutigissavigit?
1. Sooq Biibilimik misissuisarnissaq pingaaruteqarpa?
‘Guutip oqaasia uumavoq pissaaneqarlunilu.’ (Hebræerit 4:12) Biibili naleqangaarpoq atuarneratigut Guutip eqqarsaatai uagullu pilluta misigissusii paasisinnaagatsigit. Aamma silatusaartumik inuunissannut siunissamullu neriuuteqalernissannut iluaqutigissavat. Pingaarnertulli Biibili iluaqutigalugu Jehovamut ikinngutaalersinnaavutit. Biibilimi misissuininni paasisatit inuuninnut ajunngitsumik sunniuteqarluarsinnaapput.
2. Sooq Biibilip naleqangaarnera qularinngittariaqarparput?
Ilumoortut Biibilimi allassimasut erlinnartuutinut assersuunneqarsinnaapput. Taamaattuminguna kajumissaarneqartugut ‘sallusuissuseq pisiarissagipput akiginagulu’. (Ussatit 23:23) Biibilip naleqangaarnera eqqaamajuarutsigu misissuiuarnissarput ilungersuutigissavarput – aamma unamminartoqalissagaluarpat. – Ussatit 2:4, 5 atuarsigit.
3. Biibilimik misissuiuarnissannut Jehovap qanoq ikiorsinnaavaatit?
Pinngortitsisivit ikinngutivillu, Jehovap, imminik ilisimasaqarnerulernissannut ikiorusuppaatit. ‘Piumassuseqalersittarlutillu pissatsittarpaatit.’ (Filippimiut 2:13 atuarsiuk). Misissuinissannut ilikkakkannillu maleruaanissannut kajumissuseqarnerulersissinnaavaatit. Aamma ajornartorsioraangavit akerlilersorneqaraangavillu pisariaqartitannik nakussatsissinnaavaatit. Taamaattumik Biibilimik misissuiuarsinnaajumallutit Jehovamut ikioqqullutit qinukulasarit. – Tessaluunikamiunut 1. 5:17.
ITISILIINEQ
Ulapikkaluarlutit akerlilersorneqaraluarlutillu qanoq Biibilimik misissuiuarsinnaanerlutit paasiniaruk. Aamma tamatumunnga tunngatillugu Jehovap ilinnik qanoq ikiuisarnera misissoruk.
4. Biibilimik misissuisarnerit pingaartiguk
Ilaannikkut Biibilimik misissuinissatsinnut ulapippallaartutut misigilersoortarpugut. Taamaappat suna iluaqutigisinnaavarput? Filippimiut 1:10 atuarsiuk apeqqutillu uku eqqartorlugit:
-
Inuunermi suut ‘pingaarnerpaasoraagit’?
-
Biibilimik misissuisarneq qanoq pingaarnerutissinnaaviuk?
-
Siparni sioqqanik immereerlugu ujaqqanik immerniarsarigukku ujaqqat tamarmik inissaqassanngillat
-
Ujaqqat siulliullugit ikigukkit sioqqat amerlanerpaartaat inissaqassapput. Tamatumunnga assingusumik pingaarnerit inuuninni salliukkukkit aamma allanik angusaqarsinnaassaatit
Biibilimik misissuigaangatta anersaakkut – tassa Guuti pillugu ilisimasaqarnissamik aamma guutisiornissamik – pisariaqartitagut matussusertarpagut. Matiusi 5:3 atuarsiuk apeqqullu una eqqartorlugu:
-
Biibilimik misissuinissamik pingaartitsinerput qanoq iluaqutigissavarput?
5. Akerlilersorneqartillutit tunniutiinnaqinak
Biibilimik misissuisarnerit pillugu ilaannikkut akerlilersorneqartassagunarputit. Francescop misigisaa maluginiaruk. VIDEO takusiuk apeqqutillu tulliuttut eqqartorlugit.
-
Francescop ilinniakkani oqaluttuarimmagit ikinngutai anaanaalu qanoq qisuariarpat?
-
Tunniutiinnannginnami qanoq pilluaqquneqarpa?
Timuutiusimut 2. 2:24, 25 atuarsigit apeqqutillu uku eqqartorlugit:
-
Ilaquttavit ikinngutivillu Biibilimik misissuisarnerit qanoq isumaqarfigaat?
-
Akerlilersorneqaraangavit versit atuakkagut naapertorlugit qanoq periaaseqartassavit? Sooq?
6. Jehovap ikiuinera qularutiginngilluinnaruk
Jehovamut qanilliartuinnartilluta nuannaartinnissaa kissaatiginerulertarparput. Jehovalli iluarisaanik inooriaaseqalerumalluta allannguiniarnissaq ajornakusoortittarsinnaavarput. Illit taamatut misigisaruit tunniutiinnaqinak. Jehovap ikiussavaatit. VIDEO takusiuk apeqqutillu tulliuttut eqqartorlugit.
-
Jim Jehovamit iluarisaajumalluni qanoq allannguiva?
-
Oqaluttuaani suna killitsissutiginerpaaviuk?
Hebræerit 11:6 atuarsiuk apeqqutillu uku eqqartorlugit:
-
Jehovap ‘qamannga pisumik ujarlersini’ – tassa imminik ilisarisimannilerumallutik ikinnguteqalerumallutillu ilungersortut – qanoq pissavai?
-
Tamanna eqqarsaatigalugu Biibilimik misissuiumallutit ilungersornerit Jehovap qanoq isumaqarfigisimassavaa?
OQARTOQARTARPOQ: “Sooruna Biibilimik misissuisartutit?”
-
Qanoq akissavit?
EQIKKAANEQ
Biibilimik misissuineq ajornaatsuinnaasanngikkaluartoq naassaanngitsumik pilluarnissannut iluaqutigissavat. Jehova tatigiuaruk, taava akissarsisissavaatit.
Uteqqiineq
-
Ilumoortut Biibilimiittut sooq naleqartingaarpigit?
-
Suut pingaarnerpaanersut qanoq qulakkeersinnaavigit?
-
Sooq Biibilimik misissuiuarnissamut Jehovamut ikioqqusassavit?
NAMMINEQ MISISSUGASSATIT
Piffissamik atorluaanissamut siunnersuutit sisamat inuppassuit iluaqutigisimasaat pillugit atuarit.
“Piffissat qanoq atorluarsinnaagit” (Iteritsi!, februaari 2014)
Arnap Guutimit iluarisaajumalluni ilungersornera uiata paasisinnaanngilaa. Jehovap arnaq taanna qanoq ikiorsimaneraa takuuk.
Angutip nuliami pinertusaarnera qanoq iluaqutigisimaneraa takuuk.
Jehovap Nalunaajaasui ilaqutariinnik avissaartuutsitsinerarneqartarput. Tamannali ilumoorpa?