Hawuloolong lwend, umaamanyik myand yivul yilengel. Ki cikwaabw, udy mwa kutat mu lwend lwiibuh oolw. Bya mushind aakaabumw, kulong Bibl i kulengel ki kakwiishoh bend kuheehel. Misang yikwaabw, udy mwa kwiiyihanguj ning udy mwa kutungunuk ni kulong Bibl. Bwabiny bikaam kwiikashishomw bwa Kutungunuk ni kumulong? I biny bidy mwa kukwambulwiish bwiibuh kutungunuk ning mudyok makab?

1. Bwabiny kulong Bibl i kulengel?

“Bwaal diiy dya Mawej didy ni buumy ni bukash.” (Ebreh 4:12) Bibl udy ni buseeb buvul, bwaal uleeleej meej ma Mawej ni mudyey wiiyumvw bwiibuh. Ukwaakwambulwiish bwiibuh kuhet diimany, meej ni kutakamin. Nang-nang, ukwaakwambulwiish cikwaabw, bwiibuh kushaal mulund a Yehow. Hawuloolong Bibl, shikacil ibuh uleelengel.

2. Bwabiny bikaam kwangat myand ya biin-biin yidy mu Bibl ni buseeb?

Myand ya biin-biin yidy mu Bibl, yidy teng bu bihak bilengel menmen. Bibl wiitwambambil neey: ‘kaam bwiibuh kwiikal uleeb teng myand ya biin-biin [. . .] kwiiyilandish bend.’ (Tusumw 23:23) Hatulaalangil ha buseeb budy naabw myand ya biin-biin yidy mu Bibl, twiikaakashishomw bwa kumulong​—ning mututwiitwiilangan ni makab.—​Balaay Tusumw 2:4, 5.

3. I mushind kaay udy Yehow mwa kukwambulwiish bwiibuh kutungunuk ni kulong Bibl?

Yehow i Cyakahang iibuh udy ni bukash buvul ni mwiikal mulund iibuh, i mukat kukwambulwiish bwa umumanyik. Udy mwa kukwaakish bukash “bwiibuh kufik kukukat ni kukulong bilengel byoos bidyey muhangadik.” (Balaay Filipw 2:13.) Nook, uw ukaam bwa bakwambulwiish mu kulong kwiibuh eecy bwa ukooyel myand yiwuloolong, lomb Yehow dyambulwiish. Uw ukaam bukash bwa kuhit bilengel ni bulwiish, udy mwa kukwaakishebw. Iikal teng ulomb Yehow bwa akwambulwiish bwiibuh kutungunuk ni kulong Bibl.​— 1 Biin Tesalonik 5:17.

 TWEEL MU BONDOK

4. Teek diilong diibuh dya Bibl ha cyaab cya kuuhal

Misang yikwaabw, tudy mwa kwiikal ni bivul bya kulong bidy mwa kwiitukaakadish bwa kulong Bibl. I biny bidy mwa kwiitwambulwiish? Balaay Filipw 1:10, ni isambilaay ha majooj aam:

• Bwiibuh, i ‘myand kaay yidy yilengel’ yiwudy mwa kulong mu shikacil iibuh?

• I mushind kaay uwudy mwa kuteek diilong diibuh dya Bibl ha cyaab cya kuuhal?

1. Uw muteek kuuhal-a-hal luseng mu mbekecy, kakwaakwiikaloh bend cyaab cya kuteek mabw

2. Ki hawuteeteek cya kuuhal-a-hal mabw mu mbekecy, kwiiyiiy kushaal cyaab cya kuteek luseng. Bya mushind aakaabumw, uw muteek “myand yidy yilengel” ha cyaab cya kuuhal mu shikacil iibuh, wiiyiiy kuhet diib dya kwiiyilong ni bwa kulong myand yikwaabw

Kulong kwa Bibl, kwiituheehetesh myand ya mu spirit yitukaakaam​—i bwiin kuleeb neey, kumanyik ni kuhambidil Mawej. Balaay Matewus 5:3, ni isambilaay ha diijooj eedy:

• I biny biwiikal mwa kuhet uw muteek diilong diibuh dya Bibl ha cyaab cya kuuhal?

 5. Tungunuk ning mudyok bulwiish

6. Eeyeleel Yehow bwa akwambulwiish

 CYA KUKWAAT

Bikaam kwiikashishomw bwa kulong Bibl, bwaal kumulong kudy mwa kukwambulwiish bwa kwiikal ni buumy buyiil. Ki uw mweeyeleel Yehow, wiiyiiy ukufut.

Bwa kuvuluk

• Bwabiny myand ya biin-biin yidy mu Bibl yidy ni buseeb kuwudy?

• I mushind kaay uwudy mwa kuteek “myand yidy yilengel” ha cyaab cya kuuhal?

• Bwabiny bikaam kulomb Yehow dyambulwiish bwiibuh kutungunuk ni kulong Bibl?