MURU 12
Munaire Avi Ira Kamu-iye Funjeda Baibulo?
Funjeda Baibulo kokami-a vinjinji. Koma thawi dimo-i panga vyevi unokala orucha. Mwina munokoza kaikelanga akala munakwakwani-e pitiliza funjeda Baibulo. Chifukwa n’ni munafuneela panga tindi ira kamu-iye funjeda? Chin’ni inaukami-eni ira kamu-iye funjeda ngakale mugumananga na mavuto?
1. Chifukwa n’ni funjeda Baibulo uli wofuneya vinjinji?
Baibulo linaonga ira: “Mawu a Mulungu mba amoyo na akopolo.” (Aheberi 4:12) Baibulo tilokami-a vinjinji chifukwa linokoza ukami-ani iziwa mwemwo Mulungu munaganizela liye koma teto mwemwo munauonelani liye. Baibulo kalinakeda ukami-ani iziwa vyongo koma linoukami-ani teto fwanya zeru dororomeleya koma teto kaana idedi-edo yapama. Kwaranya vyetene, Baibulo linokoza ukami-ani ira mukale fwae wa Yehova. Mwafunjedanga Baibulo munakala mulolanga ira kopolwaye iwukami-eni chenja moywinyu.
2. Chifukwa n’ni ninafuneela ona ira imbarimbari ya Baibulo chatengo wavadimu?
Imbarimbari ya Baibulo ili ngati chuma yatengo wavadimu. Chichifukwa iwa Baibulo linanilimbikisa ira: “gula imbarimbari teto kuiguli-e.” (Miyambo 23:23) Naganizelanga funeya wa imbarimbari ya Baibulo, ninopanga tindi volifunjeda, ngakale vevo ninagumanana iyo mavuto. — Welengani Miyambo 2: 4, 5.
3. Kodi Yehova unaukami-edeni avi ira kamu-iye funjeda?
Voi Yehova ngu mulengi wakopolo detene koma teto fwinyu, liye unouiziwani pama teto unofuna ukami-ani ira mumuiziwe. Mulungu ‘unokoza limbi-a vyolakalaka vinyu ira mupange vyongo vyetene vyevyo unaomeliwana liye.’ (Welengani Afilipi 2:13.) Eeno, akala thawi dimo-i munafuneele limbikisiwa ira mupitilize funjeda kapena teto indi-eda chito vyevyo munafunjeda nyo, liye unoukami-ani. Akala munagumana na mavuto kapena runi-iwa, Mulungu unokoza uva-ani kopolo ira muwande vilela. Mupempelenga wa Yehova thawi detene ira aukami-eni pitiliza funjeda Baibulo. — 1 Atesalonika 5:17.
FUNJEDANI VYOWENJEDELEYA
Saelani ira muone vyevyo munapange nyo ira kamu-iye funjeda Baibulo ngakale munotanganisiwa kapena munoruni-iwa. Era eeno ganizelani mwemo Yehova munaukami-edeleni liye ira mudowenave funjeda.
4. Muonenga ira funjeda Baibulo kofuneya vinjinji
Thawi dimo-i iyo ninotanganisiwa vinjinji moi vinokoza oneyanga ira kaivyowandeya fwanya thawi yofunjeda Baibulo. Kodi chin’ni inanikami-e? Welengani Afilipi 1:10, era eeno tapanyani vyofuka vyo-arelavi:
-
Kodi munaona ira pivyongo vyiivi vyevyo vili mugulu la “vyongo vyofuneya vinjinji” vamoyo?
-
Kodi munaire avi ira muonenga ira funjeda Baibulo chiyongo yofuneya vinjinji vamoywinyu?
-
Akala munaambeele ela useva muitini vanduli viwa elangamo mabwe, mabwayo katinakwakwanamo
-
Akala munaambeele elamo mabwayo muitinimo vinakala vyoorucha ira useva unjinji uvolowemo. Pivyofwanafwana na vyevyo vinaireya, mwa-elanga vyongo vyofuneya vinjinji va malo owambeela vamoywinyu. Munowanda vikwakwani-a koma teto fwanya thawi yoi muirenga vyongo vimo-i viwa
Nafunjedanga Baibulo ninakala ira ninaavidji-a mwauzimu chifukwa yozindikila ira ninofuneela muiziwa Mulungu nomulambela. Welengani Mateyu 5:3, era eeno tapanyani yofuka yo-arelela:
-
Kodi ninapindula avi naesaesanga fwanya thawi yofunjeda Baibulo?
5. Muvilelenga mwaruni-iwanga
Thawi dimo-i, athu amo-iwa kanokoza ufooki-ani ira mu-iye funjeda Baibulo. Onani vyevyo vyamuireele Francesco. Onelani VIDIYO, era eeno tapanyani vyofuka vyo-arelavi:
-
Muvidiywela, kodi afwae a Francesco na m’mae kairile n’ni liye angaawandelile vyevyo unafunjeda liye?
-
Nanga adalisiwe avi chifukwa yoo-iya funjeda?
Welengani 2 Timoteyu 2:24, 25, era eeno tapanyani vyofuka vyo-arelavi:
-
Kodi afwinyu na abalinyu kanawonga vyoi avi chifukwa yoi munofunjeda Baibulo?
-
Mogwilizana na mavesala, kodi munafuneela panga n’ni akala muthu m’mo-iwa kanasangalala chifukwa yoi munafunjeda Baibulo? Chifukwa n’ni munaonga eeno?
6. Muroromelenga Yehova ira aukami-engani
Usamwali-u na Yehova walimbanga, pavevo teto ninafunechecha iyo panga vyongo vyomusangalasa. Komave thawi dimo-i vinokala vyorucha ira nichenje vyongo vimo-i vamoywi-u ira nipangenga vyongo vyevyo unafuna liye. Akala munavwa eeno, kamufooke. Yehova unoza aukami-eni. Onelani VIDIYO, era eeno tapanyani vyofuka vyo-arelavi.
-
Muvidiywela, kodi pivyongo vyiivi vyevyo Jim achenjile liye ira amusangalasenga Yehova?
-
Kodi pivyongo vyiivi vyevyo vinaupangi-ani chidwi mwaona vyongo vyevyo airile liye ira achenje?
Welengani Aheberi 11:6, era eeno tapanyani vyofuka vyo-arelavi:
-
Kodi Yehova unapangela vyoi avi athu anayo “kanamusaelasaela na murima wetene,” tapulela athu anayo kanapanga tindi ira kamuiziwe nopanganga vyongo vyomusangalasa?
-
Mogwilizana na lembali, kodi nyo munaona ira Yehova unavwa avi aonanga tindi lelo munapanga nyo vofunjeda Baibulo?
KODI MUTHU M’MO-IWA ANGAUFUKILENI IRA: “Chifukwa n’ni munafunjeda Baibulo?”
-
Kodi munamusomede avi?
VYEVYO NIFUNJEDILE IYO
Ngakale ira munogumana na mavuto vofunjeda Baibulo, kamu-iye roromela Yehova teto liye unoza audaliseni ira musangalalenga na moyo mpakana walewale.
Vyofuka Vyoweli-eda
-
Chifukwa n’ni munaonga ira imbarimbari ya m’Baibulo chatengo wavadimu?
-
Munaire avi ira “musimikizelenga ira vyongo vyofuneya vinjinji piivi”?
-
Chifukwa n’ni munafuneela pempela wa Yehova ira aukami-eni pitiliza funjeda Baibulo?
ONANI VIMO-I
Onani ndila 4 dedo ndikami-ile athu anjinji indi-eda chito thawi mwazelu.
“Kodi Mungatani Kuti Muzigwiritsa Ntchito Bwino Nthawi?” (Galamukani!, February 2014)
Onani mwemo Yehova mwakami-edile liye zimai m’mo-iwa unoyo mamunae kaavwechecha chifukwa iwa liye aesaesa musangalasa Mulungu.
Yehova Amatilimbikitsa Kuti Tithe Kulimbana Ndi Mavuto Athu (5:05)
Onani mwemo baba m’mo-iwa mwapindulele liye chifukwa yoi mu-iyanae ka-iile funjeda Baibulo.
Athu amo-iwa kanaonga ira a Mboni da Yehova kanomali-a mabanja a athu. Koma kodi vyevi pivyoona?
“Kodi a Mboni za Yehova Amapangitsa Kuti Mabanja a Anthu Athe Kapena Alimbe?” (Khani yavawebusaiti)
