TIMOKO 12
Nti bikubakisa mu tatamana mu longoka Bibila?
Longoka Bibila musamu wa mbote wena, kâ ntangu zazansoni musamu wa mpasi mpe wubâka. Ntangu zakaka lendi tiyula tala ti mbo bâ na lenda dia tatamana mu longoka Bibila. Mu bungu dia nti fweti sarila ngolo mu tatamana? Nti bilendi ku bakisa mu tatamana ntono mpasi?
1. Mu bungu dia nti ndongokolo ya Bibila ye salu?
“Zu dia Nzambi dia moyo diena mpe ngolo diena.” (Bahebre 4:12, NWT) Bibila salu diena mu bungu ti mabanza ma Nzambi na luzolo lwandi mu bungu dia nge dizabikisaka. Bibila mbo dikubakisa mu bâ na luzabu, mbo dikubakisa mpe mu bâ na ndwenga za matieleka na tivuvu. Musamu wuyôkele mfunu ni wena’eti, Bibila mbo dikubakisa mu bâ ndiku ya Yehova. Bu longokaka Bibila, ngolo zandi hanaka nzila ngatu zatomesa luzingu lwaku.
2. Mu bungu dia nti we mfunu mu tambula ntalu ya matieleka ma Bibila?
Matieleka ma Bibila me ntiana bimvwama. Ntiangu Bibila ditulombaka ‘mu sumba matieleka na mu lembo ma teka.’ (Bingana 23:23) Bu tudimbitilaka mu ntalu ya matieleka ma Bibila, mbo tusarilaka ngolo mu tatamana mu longoka ni bu sa ti tubwabane na nkwamusu.—Tanga Bingana 2:4, 5.
3. Bwe Yehova kalendi ku bakisa mu tatamana mu longoka?
Mu bungu ti Yehova Mvangi’aku wena na ndiku’aku ya Nkwa-Ngolo-Zazansoni, Yandi zolo ti kakubakisa mu tomo mu zaba. Yehova lendi ku hana “ha timosi lenda na ngolo za sarila.” (Bisi-Filipe 2:13, NWT) Dieka bo, tala ti ntangu zakaka nsatu yi bâka naku ya tomo longoka peleko ya sarila misamu mi longokele, Yandi lendi ku bakisa. Tala ti nsatu ye naku kakuyikila ngolo ngatu watelamana mpasi peleko nkwamusu, Yandi lendi za ku hana. Lombaka kwe Yehova mu lusambulu kakubakisa mu tatamana mu longoka Bibila.—1 Bisi-Tesalonike 5:17.
YIKA NDILU
Longoka bwe lendi tatamana mu longoka Bibila ntono programe ya mpasi peleko nkwamusu. Ha manima dimbitila mu mpila Yehova yi kakubakisila mu tatamana.
4. Tûla ndongokolo’aku ha tibuka tia ntete
Ntangu yi misamu miamingi mi bâka neto mu luzingu, ka tubâka na ntangu ya fwanana ko mu longoka Bibila. Ngano nti bilendi tu bakisa? Tangeno Bisi-Filipe 1:10, mpe zonzeleno biyuvu bita landa:
-
Mu mabanza ma nge, ntia “bima biyôkele mfunu” mu luzingu?
-
Bwe lendi sila ti ndongokolo’aku ya Bibila yabâ musamu wa ntete?
-
Wamana fulusa kantine mu dielo, mpe yêlele mu yika matari, matari ka makota ko
-
Tala ti tokolo tûla matari, mbo lenda mu kotesa dielo diadingi. Mpila mosi mpe, tala ti tûriri “bima biyôkele mfunu” ha tibuka tia ntete mu luzingu lwaku, mbo bâ na lenda dia lungisa bio, na dia baka ntangu mu bungu dia bima biakaka
Ndongokolo ya Bibila nsatu’eto ya timpeve yi lungisaka—nsatu’eto ya zaba na ya sambila Nzambi. Tangeno Matie 5:3, mpe zonzeleno tiyuvu eti:
-
Ntia ndandu tubaka bu tutûla ndongokolo ya Bibila ha tibuka tia ntete?
5. Tatamana mu telamana nkwamusu
Ntangu zakaka, bantu bakaka balendi yêla mu ku kabakasa mu longoka Bibila. Tala tifwani tia Francesco. Taleno VIDEO, mpe zonzeleno biyuvu bita landa.
-
Mu video, ngano ndiku na kanda dia Francesco bwe basa bu kabazonzela misamu mi keri longokaka?
-
Ngano bwe bamusendela mu bungu dia fuki tiandi?
Tangeno 2 Timote 2:24, 25, mpe zonzeleno biyuvu ebi:
-
Bwe kanda diaku na ndiku zaku babongelaka misamu mi longokaka?
-
Tintwari na verse zi, bwe lendi hanina mvutu kwe muntu wuta lembo yangalala na ndongokolo’aku ya Bibila? Mu bungu dia nti?
6. Sikirila Yehova ngatu kakubakisa
Bu tukwe pusane kwe Yehova, nsatu’eto ya mu tâ nsayi mbo yikula. Kâ, wulendi bâ musamu wa mpasi kwe beto mu sa nsobolo zidelakane na ntumunu zandi. Tala ti mabanza ni mo me naku, kubikandi. Yehova mbo kakubakisa. Taleno VIDEO, mpe zonzeleno biyuvu bita landa.
-
Mu video, ngano ntia nsobolo Jim kasa mu tâ Yehova nsayi?
-
Ngano nti bikususumuni mu tifwani tiandi?
Tangeno Bahebre 11:6, mpe ha manima zonzeleno biyuvu ebi:
-
Ngano Yehova nti kasa mu bungu dia bantu “bamudingaka mu mutima wawansoni”—wuzololo tâ, bô ba sarilaka ngolo mu mu zaba na mu mu tâ nsayi?
-
Ngano nti wuta ku longesa mu mio mi monaka Yehova ku mutima bu kamonaka ngolo zi sarilaka mu longoka Bibila?
TALA TI BAKUYURIRI: “Mu bungu dia nti longokelaka Bibila?”
-
Ntia mvutu lendi hana?
MU BUKUFI
Ni bu sa ti musamu wa mpasi wubâka ntangu zakaka, ndongokolo ya Bibila yilendi ku bakisa mu bâ mu nsayi ntangu zazansoni. Tatamana mu sikirila Yehova, mpe mbo kakusenda.
Biyuvu bia mbambukulu
-
Mu bungu dia nti matieleka ma Bibila me ntalu kwe nge?
-
Ngano bwe lendi bakurila “bima biyôkele mfunu”?
-
Mu bungu dia nti fweti sambilaka Yehova kakubakisa mu tatamana mu longoka Bibila?
ZABA BIAKAKA
Taluzula mpila ziyà zayi bakisa bantu babingi mu zaba sarila ntangu’awu.
“Bwe lendi zabila mu tomo sarila ntangu’aku” (Réveillez-vous! février 2014)
Tala bwe Yehova kabakisila mukento wumosi weri na bakala dieri lembo bakulaka ngolo zi keri sarilaka mu tâ Nzambi nsayi.
Tala bwe bakala dimosi diabakila ndandu mu fuki tia songela mukento’andi.
Ntangu zakaka mbo bakwikisilaka Mbangi za Yehova ti makanda bahambasaka. Ngano wa matieleka we?
“Ngano Mbangi za Yehova makanda zihambasaka peleko ngolo bayikaka mo?” (Mutu-diambu wa mu Internet)
Dzukula mpe...
BIYUVU BI VULU YULAKA BANTU
Ngano ndongokolo ya Bibila yi saka Mbangi za Yehova bwe yiyôkelaka?
Mu ndongokolo ya Bibila yi saka Mbangi za Yehova, lendi sarila mbangululu ni mbangululu ya Bibila. Kutinandi mu tikisa bantu ba kanda diaku peleko ndiku zaku ku ndongokolo’aku.
