Kwiritana Bibiria nĩ rũgendo rwĩthagĩrwa na maumĩĩra jameega. Amwe, na bũu tĩ rĩonthe rwĩthagĩrwa rũrĩ rũrũũthũ. Magiita jamwe, no ũciũrie kethĩra ũkoomba gwĩta na mbere kwiritana Bibiria. Nĩkĩ nĩ bwega gwiciũmia gwĩta na mbere ũtĩgũtiga? Nĩmbi bigagũtethia gwĩta na mbere ũtĩkũrekeeria kinya kwethĩrwa kũrĩ na mantũ jamoomũ?

1. Nĩkĩ kwiritana Bibiria bũrĩ ũntũ bwa gĩtũmi?

“Ruteto rwa Murungu ruri mwoyo, na ruri inya.” (Ahibirania 4:12) Bibiria nĩ ya gĩtũmi tontũ nĩĩgwũraga mathũgaanio ja Mũrungu, na ũrĩa aigagua gũkwerekera. Ĩtĩgũtethagia akĩ kũgĩa na ũmenyo, ĩndĩ kinya nĩkwejaga ũũme bwa mma na wĩrĩgĩĩro. Ũntũ bwa gĩtũmi nkũrũki nĩ atĩ, Bibiria nĩgũtethagia kwaa mũcoore wa Jehova. Rĩrĩa wairitana Bibiria, nĩwĩtĩkagĩĩria inya yayo ĩtũma ũtũũro bwaku bwagĩra nkũrũki.

2. Nĩkĩ bũrĩ ũntũ bwa gĩtũmi kũmenya baita ya ũmma bwa Bibiria?

Mma irĩa irĩ Bibiriene nĩ ta twiga twa goro. Kĩu nĩkĩo gĩtũmi Bibiria ĩtwĩkagĩra inya ‘tugure mantu ja mma, na tukajeendia.’ (Njuno 23:23) Rĩrĩa tũkũthũgaanĩria baita ya ũmma bwa Bibiria, nĩ tũciũmagia gwĩta na mbere kwiritana—kinya rĩrĩa twatirimana na magiitaria.—Thooma Njuno 2:4, 5.

3. Nĩatĩa Jehova omba gũgũtethia nĩkenda wĩta na mbere kwiritana?

Arĩ Mũũmbi mwene inya yonthe na Mũcoore waaku, Jehova nakwenda gũgũtethia wiritana bũmwegie. No atũme ‘wendage kuthithia mantu jawe na agatuma ujathithagie.’ (Thooma Afilipi 2:13.) Kwou, kethĩra magiita jamwe ũkaigua ũkĩbatara kwongeera wĩru bwa kwiritana, kana bwa gũtumĩra jarĩa ũkwiritana, no agũtethie. Kethĩra ũkabatara inya nkũrũki ya gũciinda magiitaria kana irigĩĩria, agakwaa yo. Kaingĩ, romba Jehova agũtethie gwĩta na mbere kwiritana Bibiria.—1 Athesalonike 5:17.

 ĨNJA NKŨRŨKI

4. Aa wiritani bwaku bwa Bibiria kaanya ka mbere

Rĩmwe ũtũũro nĩ bwĩthagĩrwa na mantũ jamaingĩ jakũthithia mwanka gũkooneka teka tũtĩ na kaanya gakangˈanu ga kwiritana Bibiria. Nĩmbi biũmba gũtũtethia? Thooma Afilipi 1:10, rĩu bwarĩĩrie biũria bibi:

• Nĩ mantũ jamwe jarĩkũ woonaga “jari jameega” kana jagĩtũmi nkũrũki ũtũũrone?

• Nĩatĩa ũũmba kwaa wiritani bwaku bwa Bibiria kaanya ka mbere?

1. Ũkeeja kũũjũria mũthanga ndoone, na ũkageria kwongeera maiga, jatĩngˈanĩĩra

2. Ũkeeja gwĩkĩra maiga mbere, ũkethĩrwa na kaanya ga kwongeera mũthanga. O ũu, ũkeeja gwĩĩka “mantu jaria jari ja gitumi” mbere ũtũũrone bwaaku, ũkethirwa na ũũmbi bwa kũjaingia na wĩthĩrwe na kaanya ka mantũ jangĩ

Kwiritana Bibiria nĩkũũjũragia ũbatu bwetũ bwa gĩkĩrundu—ũbatu bwetũ bwa kũmenya Mũrungu na kũmũthathayia. Thooma Mathayo 5:3, rĩu bwarĩĩrie kĩũria gĩkĩ:

• Nĩatĩa tũgunĩkaga rĩrĩa twaa wiritani bwetũ bwa Bibiria kaanya ka mbere?

 5. Ĩta na mbere kũũmĩĩria rĩrĩa ũgũkũrũkĩĩra irigĩĩria

6. Ĩrĩgĩĩra Jehova nĩkenda agũtethia

 NA NJĨRA ĨNKUĨ

Kinya kethĩra rĩonthe tĩ bũbũũthũ kwiritana Bibiria, kũthithia ũu no gũgũtethie kũgwirĩrua ũtũũro kenya na kenya. Ĩta na mbere kwĩrĩgĩĩra Jehova nawe agakwaa ĩtui.

Gũcookera

• Nĩkĩ ũmma bwa Bibiria bũrĩ bwa gĩtũmi kĩrĩ gwe?

• Nĩatĩa ‘uumba kuthuura jaria meega’ nkũrũki?

• Nĩkĩ ũbuĩrĩte kũromba Jehova agũtethie kwiritana Bibiria?