LESON 12
Ki Pou Ed Ou pou Kontign Ou Letid Labib?
Sertin dimounn kapav trouv sa difisil pou etidie Labib. Me li vremem vo lapenn ki ou fer li, parski ou pou gagn bann bienfe. Me kitfwa ou pe demann oumem: ‘Eski mo pou reisi kontign mo letid Labib?’ Kifer li vo lapenn ki ou kontign fer bann zefor? Ki kitsoz kapav ed ou pou persevere malgre bann difikilte?
1. Kouma enn letid Labib kapav ed ou?
“Parol Bondie, li vivan ek li ena lefe.” (Ebre 4:12) Labib ena boukou valer parski li montre nou seki Bondie panse, ek lamour ki Li ena pou nou. Dan Labib ou pou aprann boukou kitsoz. Ou pou aprann kouma pou ena enn pli bon lavi, ek ou pou gagn enn lespwar pou lavenir. Me pli inportan, Labib pou ed ou pou vinn kamarad Zeova. Kan ou etidie Labib ou pou pli ere.
2. Kifer nou bizin rekonet ki bann verite ki ena dan Labib zot inportan?
Bann verite ki ena dan Labib zot parey kouma bann trezor ki ena boukou valer. Akoz sa, Labib ankouraz nou pou “aste laverite ek zame pa vann li.” (Proverb 23:23) Kan nou rapel ki bann verite ki ena dan Labib zot inportan, nou pou anvi fer bann zefor pou kontign etidie, mem kan nou gagn bann difikilte.—Lir Proverb 2:4, 5.
3. Kouma Zeova kapav ed ou pou kontign ou letid Labib?
Zeova Li Kreater tou kitsoz ek ou kamarad, alor Li konn ou pli bien ek Li anvi ed ou pou aprann konn Li. Li kapav donn ou “dezir ek kapasite pou azir.” (Lir Filipien 2:13, NW.) Alor, si parfwa ou bizin plis motivasion pou etidie ouswa pou aplik seki ou pe aprann, Li kapav ed ou. Si ou bizin plis lafors pou sirmont bann difikilte, Li kapav donn ou sa lafors-la. Ou kapav priye Zeova regilierman pou demann Li so led pou kontign ou letid Labib.—1 Tesalonisien 5:17.
ANOU GET INPE PLIS
Ou pou aprann kouma ou kapav kontign ou letid Labib mem si ou ena boukou kitsoz pou fer, ouswa si sertin dimounn pa kontan ki ou pe etidie Labib. Apre sa, gete kouma Zeova kapav ed ou pou sirmont sa bann difikilte-la ek kontign ou letid Labib.
4. Fer ou letid Labib vinn ou priorite
Parfwa nou telman okipe, ki li paret ki nou pena ase letan pou etidie Labib. Ki kitsoz kapav ed ou? Lir Filipien 1:10, NW, ek apre sa, get sa bann kestion-la ansam:
-
Dapre ou, ki “bann kitsoz ki pli inportan” dan lavi?
-
Kouma ou kapav montre ki ou letid Labib li bien inportan pou ou?
-
Si ou ranpli enn seo avek disab ek apre esey met bann ros, bann ros-la pa pou rantre
-
Si ou met bann ros-la avan, ou pou ena plas pou met enn bon parti disab-la apre. Dan mem fason, si ou fer “bann kitsoz ki pli inportan” avan, ou pou ena ankor letan pou fer lezot kitsoz
Etidie Labib ed nou pou aprann konn Bondie ek ador Li. Lir Matie 4:4, ek apre sa, get sa kestion-la ansam:
-
Ki bienfe nou pou gagne kan nou fer nou letid Labib vinn nou priorite?
5. Pa aret ou letid Labib mem si lezot pa kontan
Sertin dimounn kapav dekouraz ou pou etidie Labib. Anou get lexanp Francesco. Zwe VIDEO-la, ek apre sa, get sa bann kestion-la ansam:
-
Dan sa video-la, kouma Francesco so fami ek so bann kamarad ti reazir kan li ti dir zot seki li ti pe aprann?
-
Ki bann bienfe li ti gagne kan li’nn kontign so letid Labib?
Lir 2 Timote 2:24, 25, NW, ek apre sa, get sa bann kestion-la ansam:
-
Ki ou fami ek ou bann kamarad panse lor seki ou pe aprann?
-
Dapre sa bann verse-la, kouma ou bizin reponn kan enn dimounn pa kontan ki ou pe etidie Labib? Kifer?
6. Kont lor Zeova pou ed ou
Plis nou vinn pros ar Zeova, plis nou pou anvi fer Li plezir. Kanmem sa, nou kapav trouv sa difisil pou fer bann sanzman dan nou lavi, pou ki nou kapav viv an-akor avek so bann prinsip. Si ou finn deza ena sa santiman-la, pa dekouraze, Zeova pou ed ou. Zwe VIDEO-la, ek apre sa, get sa bann kestion-la ansam:
-
Dan sa video-la, ki sanzman Jim ti fer pou fer Zeova plezir?
-
Ki ou kontan dan so lexanp?
Lir Ebre 11:6, ek apre sa, get sa bann kestion-la ansam:
-
Ki Zeova pou fer pou bann ki fer bann gran zefor pou aprann konn Li ek fer Li plezir?
-
Dapre sa verse-la, ki Zeova resanti kan Li trouv ou fer bann zefor pou etidie Labib?
SERTIN DIMOUNN DIR: “Kifer to etidie Labib ar bann Temwin Zeova?”
-
Ki ou ti pou reponn?
SEKI NOU’NN APRANN
Etidie Labib kapav ed ou pou viv ere pou touletan. Li vre ki ou pou bizin fer bann zefor, me si ou kont lor Zeova, Li pou beni ou.
Eski Ou Rapel?
-
Kifer bann verite ki ena dan Labib ena valer pou ou?
-
Kouma ou kapav montre ki etidie Labib inportan pou ou?
-
Kifer ou bizin demann Zeova so led pou kontign ou letid Labib?
DEKOUVER
Get kat kitsoz ki finn ed bann dimounn pou servi zot letan dan enn bon fason.
« Comment bien gérer son temps » (Leve!, Fevriye 2014, an Franse)
Enn madam ti anvi fer plezir Bondie, me so misie pa ti soutenir li.
Gete kouma enn misie finn gagn bann bienfe parski so madam finn kontign etidie Labib.
Sertin dimounn panse ki bann Temwin Zeova kree bann divizion dan bann fami. Me eski li vre?
“Eski Bann Temwin Zeova Kas Bann Fami Ouswa Ed Zot pou Vinn Pli For?” (Lartik lor jw.org)
Ena Osi
KESTION KI POZE SOUVAN
Ki sa Inplike Etidie Labib Avek Bann Temwin Zeova?
Bann Temwin Zeova ofer bann letid Labib gratis, ek ou kapav servi ninport ki version Labib ki ou anvi. Santi ou lib pou invit bann manb ou fami ouswa bann kamarad ki ou anvi.
