ISAMBILILO 12
I Cani Cilamwazwa Ukutwalilila Ukusambilila Baibo?
Ukusambilila Baibo kungamwazwa sana, nomba asi lyonsi lino canguka ukusambilila Baibo. Insita zimwi mungatwisika ndi cakuti mulatwalilila ukusambilila. U mulandu ci uno cacindamila ukuombesya pakuti mutwalilile? I cani cingamwazwa ukutwalilila asi mulandu ni ntazi?
1. U mulandu ci uno ukusambilila Baibo kwacindamila?
“Izwi lyakwe Leza i lya umi nupya lyakwata amaka.” (Aebele 4:12) Baibo yacindama pano ikasokolola vino Leza akaelenganya na vino akayuvwa pali mwemwe. Ikamwazwa ukuya na mano nu upaalilo. Ni cicindamisye i cakuti Baibo ikamwazwa ukuya cuza wakwe Yeova. Nga mukusambilila Baibo ale mukuzumilizya amaka yano yakwata aakusenula umi winu.
2. U mulandu ci uno cacindamila ukumanya vino icumi icaya muli Baibo cacindama?
Icumi icaya muli Baibo caya kwati i vintu vya mutengo. Ali mulandu uno Baibo ikatukomelezezya ukukala icumi nu kukanacikazya. (Mapinda 23:23) Nga tukwelenganya pali vino icumi icaya muli Baibo cacindama, cikalenga twatwalilila ukusambilila nanti cakuti twakwata intazi.—Belengini Mapinda 2:4, 5.
3. Uzye Yeova angamwazwa uli ukutwalilila ukusambilila?
Pa mulandu wakuti Yeova a Kaumba nupya a cuza winu, akalonda ukumwazwa ukusambilila pali aliwe. Angamupeela “amaka nu mwenzo wa kulondesya ukuomba.” (Belengini Filipi 2:13.) Fwandi ndi cakuti insita zimwi mukulondekwa ukukomeleziwa pakuti mutwalilile ukusambilila nu kucita vino mukusambilila, angamwazwa. Ndi cakuti mukulondekwa amaka pakuti mucimvye intazi nanti ukukaanya, angamupeela. Lyonsi mwalenga Yeova amwazwa ukutwalilila ukusambilila Baibo.—1 Tesalonika 5:17.
LONDELEZYINI NA VYUZE
Lolini vino mungatwalilila ukusambilila Baibo asi mulandu nu kupamviwa nanti ukukaanya. Lyene lolini vino Yeova angamwazwa ukutwalilila ukusambilila.
4. Mwalola ukuti ukusambilila Baibo kwacindama sana kuli mwemwe
Insita zimwi tungayuvwa ukuti itupamviwa sana icakuti tutakweti ni nsita ya kusambilila Baibo. I vyani vingatwazwa? Belengini Filipi 1:10, alino mulanzyanye mauzyo yaa:
-
Uzye mukwelenganya ukuti i vintu ci vimwi ivicindamisye umu umi?
-
Mungalenga uli ukusambilila Baibo ukuya ali cintu cicindame?
-
Nga mwazuzya imicanga muli baketi alino mwezya ukwikamo mawe, mawe yatanga ingile.
-
Nga mwatandikilapo ukwika mawe, ale mumakwata incende iya kwikamo imicanga. Mu nzila ili imwi kwene ndi cakuti mukwika ivintu ivicindamisye inkoleelo umu umi winu, mulaakwata insita ya kucitako ivintu vyuze.
Kusambilila Baibo kukalanga vino tukalondesya vyakwe Leza kuli kuti vino tukalonda ukumumanya nu kumupepa. Belengini Mateo 5:3, alino mulanzyanye iuzyo lii:
-
I visuma ci ivikacitika ndi cakuti ukusambilila Baibo kwaya ali cintu cicindamisye umu umi witu?
5. Mwatwalilila ukusambilila Baibo na lino yakumukaanya
Insita zimwi yamwi yangezya ukumutoovola pakuti mute ukusambilila Baibo. Lolini ivyacitikiile ya Francesco. Tambini VIDYO, alino mulanzyanye mauzyo atiyalondelelapo.
-
Muli vidyo, uzye ivyuza na ya lupwa yakwe ya Francesco yacisile uli lino ya Francesco yayanenyile pali vino yasambililanga?
-
Uzye yapaazilwe uli pa mulandu na vino yazizimizye?
Belengini 2 Timoti 2:24, 25, alino mulanzyanye mauzyo yaa:
-
Uzye ya lupwa inu ni vyuza yakauvwa uli pali vino mukasambilila?
-
Ukulingana ni vikomo vii, uzye mungacita uli ndi cakuti umwi atatemilwe vino mukusambilila muli Baibo? U mulandu ci?
6. Mwataila ukuti Yeova alamwazwa
Lino tukuya tukupalama kuli Yeova, tulalondesya ukumuzanzya. Nomba cingatutalila ukusenuka umu umi witu pakuti twaikala ukulingana na vino Yeova akalonda. Ndi cakuti avino mukayuvwa, mutalinzile ukutoovoka. Yeova alamwazwa. Tambini VIDYO, alino mulanzyanye mauzyo atiyalondelelapo.
-
Muli vidyo, a muli vyani muno ya Jim yasenwike pakuti yazanzya Yeova?
-
I vyani ivyamukomelezya sana kuli vino ya Jim yacisile?
Belengini Aebele 11:6, alino mulanzyanye mauzyo yaa:
-
I vyani vino Yeova alacitila yayo “aakamulondesya” kuli kuti yayo aakaezya na maka ukumumanya nu kumuzanzya?
-
Uzye cii cikumulanga uli vino Yeova akayuvwa nga walola mukwezya na maka ukusambilila Baibo?
UMWI ANGAMUZYA UKUTI: “U mulandu ci uno mukusambililila Baibo?”
-
Mungasuka mutuuli?
VINO TWASAMBILILA
Nanti cakuti citangupala, kusambilila Baibo kungamwazwa ukuya ni nsansa manda pe. Twalililini ukutaila Yeova nupya alamupaala.
I vyani vino mwasambilila?
-
U mulandu ci uno icumi ca muli Baibo cacindamila sana kuli mwemwe?
-
Uzye mungamanya uli “ivintu ivicindamisye”?
-
U mulandu ci uno mulinzile ukulengela Yeova ukuti amwazwe ukutwalilila ukusambilila Baibo?
LONDELEZYINI
Sambililini pa nzila 4 izyazwa antu aingi ukutandika ukuomvya ningo insita.
“Vino Mungacita Pakuti Mwaomvya Ningo Insita” (Zyukini!, Febuluwale 2014)
Lolini vino Yeova wavwile umwanaci umwi wino ya iya yatamanyile umulandu uno waombesyanga ukuzanzya Leza.
Lolini ivyacitikiile umonsi umwi pa mulandu na vino umuci wazizimizye.
Insita zimwi ya Nte Yakwe Yeova yakayabepezya ukuti yakapaatukanya indupwa. Nomba uzye vivyo i vya cumi?
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
