12-ШО УРОК
Библийым умбакыжат шымлаш мо полшен кертеш?
Библийым шымлен, те шуко пайдам налыда. Но южгунам нелылык денат тӱкнен кертыда. Тугодым шымлымашым кодаш шонымашда лектын кертеш. Но молан Библий шымлымым чарнаш огеш кӱл? Нелылыкым ончыде, шымлымым умбакыжат шуяш мо полшен кертеш?
1. Библийым шымлымаш мо дене пайдале?
«Юмын шомакше илыше да виян» (Еврей-влаклан 4:12). Библий чот шергакан, вет тушто Юмын шонымашыжым возымо. Тушечын те пален налыда, мыняр чот Иегова тендам йӧрата. Библий шинчымашым гына огыл, тыгак чын уш-акыл ден пеҥгыде ӱшаным пуа. А эн тӱҥжӧ, тудо Иегован йолташыже лияш полша. Юмын Мутшым шымлымаш тыланда илышдам сай могырыш вашталташ вийым пуа.
2. Библийысе чын шинчымашым молан аклаш кӱлеш?
Библийысе чын шинчымашым кугу поянлык дене таҥастараш лиеш. Теве молан Библий мемнам тарата: «Чыным нал да тудым ит ужале» (Притчи 23:23). Библийысе чын шинчымашын чот шергакан улмыжым шкаланна эре шарныкташ кӱлеш. Тунам, кеч-могай нелылыкым ончыде, Библийым шымлашлан жап ден вийым она чамане. (Притчи 2:4, 5 лудын лекса.)
3. Иегова тыланда Библийым умбакыжат шымлаш кузе полшен кертеш?
Иегова — Чылакертше Юмо, мемнам Ыштыше да Йолташ. Иегова тендан деч тудым эше сайрак пален налмыдам вуча. Тидлан тудо тыланда «кумылымат, вийымат» пуэн кертеш. (Филиппысе-влаклан 2:13, УТ лудын лекса.) Библийым шымлаш але пален налмым илышыш пурташ кумылдам вияҥдаш кӱлеш гын, Иегова тыланда полшаш ямде. Нелылыкым але поктылмашым сеҥаш вий кӱлеш гын, Юмо тудым тыланда пуа. Библийым умбакыжат шымлаш манын, кумалме годым Иегова деч полышым эре йодса (1 Фессалоникысе-влаклан 5:17).
КЕЛГЫНРАК ШЫМЛЕН НАЛЗА
Яра жапда уке гын, але шыгыремдымаш дене тӱкнеда гын, Библий шымлымым умбакыжат кузе шуяш? Пален налза, кузе Иегова тыланда полшен кертеш.
4. Библий шымлымаш икымше верыште лийшаш
Южгунам шуко пашалан кӧра чучын кертеш, пуйто Библий шымлымашлан жап огешат код. Тунам мом ышташ? Ефесян-влаклан 5:16 лудын лекса да вашмутым пуыза:
-
Жапым кузе пайдалын кучылташ? Илышыште мо эн тӱҥ лийшаш?
-
Библий шымлымаш илышыштыда икымше верыште лийже манын, мом ыштен кертыда?
-
А. Ведраш ончыч ошмам опташ гын, кӱлан вер огеш код
-
Б. Но эн ончыч кӱм пышташ гын, ошмаланат вер кодеш. Тиде семынак, илышыштына эн тӱҥжым икымше верыш шындена гын, молыжланат жап кодеш
Айдеме Юмым палаш да тудлан кумалаш кӱлешлык дене шочеш. А Юмым палашлан Библийым шымлаш кӱлеш. Матфейын 5:3, УТ лудын лекса да вашмутым пуыза:
-
Библий шымлымаш илышыштына икымше верыште лиеш гын, тиде мыланна могай пайдам конда?
5. Шыгыремдымашым ончыде, Библийым умбакыжат шымлыза
Южгунам весе-влак тендам Библий шымлымым чарнаш таратен кертыт. Франческо лӱман пӧръеҥын примержым ончалза. ВИДЕОРОЛИКЫМ ончалза да вашмутым пуыза:
-
Кунам Франческо Библийым шымлаш тӱҥалын, аважын да йолташыж-влакын могай реакцийышт лийын?
-
Пеҥгыдын шогымылан кӧра Франческо могай суапым налын?
2 Тимофейлан 2:24, 25 лудын лекса да вашмутым пуыза:
-
Йолташ ден родо-шочшыда Библийым шымлымыда нерген мом шонат?
-
Нине почеламут-влак дене келшышын, Библийым шымлымыда иктаж-кӧлан огеш келше гын, шкем кузе кучаш? Умылтарыза.
6. Полышым Иегова деч кычалза
Кунам ме Иегова деке лишемына, тунам тудым эше чотрак куандараш кумылна лектеш. Но Иеговалан йӧрышӧ лияшлан илышнам вашталташ куштылго огыл лийын кертеш. Туге гынат, вуйдам ида саке! Иегова тыланда полша. ВИДЕОРОЛИКЫМ ончалза да вашмутым пуыза:
-
Иеговам куандарашлан Джим илышыжым кузе вашталтен?
-
Тудын примерже тыланда мо дене келша?
Еврей-влаклан 11:6 лудын лекса да вашмутым пуыза:
-
Иегова «тудым кычалше-влаклан» але, вес семынже, тудын нерген пален налаш да шке илышым тӧрлаташ тыршыше-влаклан, мом ыштынеже?
-
Тиде почеламут дене келшышын, Библийым шымлаш тыршыше айдемым Иегова кузе онча?
ИКТАЖ-КӦ ЙОДЫН КЕРТЕШ: «Те Библийым молан шымледа?»
-
Кузе вашештеда ыле?
ТӰҤ ШОНЫМАШ
Библийым шымлаш южгунам куштылго огыл гынат, тиде кызыт да ончыкыжым курымеш куанен илаш полшен кертеш. Умбакыжат Иегова деч полышым йодын шогыза, да тудо тендам суапландара.
Ушештарымаш
-
Библийысе чын шинчымашым молан те акледа?
-
Кузе те жапым пайдалын кучылтын кертыда?
-
Библийым умбакыжат шымлашлан молан Иегова деч полышым йодман?
ЕШАРТЫШЛАН
Тиде ныл каҥаш шуко еҥлан жапым пайдалын кучылташ полшен.
«Жапым уш-акыл дене кузе кучылташ?» («Помыжалтса!» февраль, 2014 ий)
Ик ӱдырамаш Иеговалан йӧрышӧ лияш тыршен, но марийжылан тиде келшен огыл. Иегова тиде ӱдырамашлан кузе полшен?
Ик ӱдырамаш Библий шымлымым чарнен огыл. Кузе тиде марийжылан полшен?
Южышт ойлат, пуйто Иегован Таныкше-влак верч еш шалана. Тиде чын мо?
«Иегован Таныкше-влак верч еш-влак шаланат мо?» (веб-статья)
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
