He mahi pai te ako i te Paipera. Heoi anō, ehara pea i te mahi ngāwari i ngā wā katoa. I ētahi wā, ka mahara pea koe mehemea ka taea te ako tonu i te Paipera. He aha te take kia kaha tātou ki te ako tonu? He aha ngā mea ka āwhina i a koe ahakoa he uaua?

1. He aha te pai o te ako i te Paipera?

“Ora tonu hoki te kupu a te Atua, mana tonu.” (Ngā Hīperu 4:12) He taonga te Paipera i te mea e whakaatu ana i ngā whakaaro me te aroha o te Atua ki a koe. Ka whakawhiwhia ki a koe te mātauranga, te whakaaronui pono, me te tūmanako. Hira tonu, ka āwhina te Paipera i a koe ki te whakahoa ki a Ihowa. Ina ako koe i te Paipera, e tuku ana koe kia pā pai tōna kaha ki tōu oranga.

2. Nā te aha i hira ai te mōhio he taonga te pono o te Paipera?

He rite ngā pono o te Paipera ki ngā taonga utunui. Nā reira kei te akiaki te Paipera i a tātou kia “hokona te pono, kaua hoki e whakawhitiwhitia.” (Ngā Whakataukī 23:23) Ina mahara tātou he taonga te pono o te Paipera, ka kaha tātou ki te ako tonu​—ahakoa a tātou raruraru.​—Pānuitia Ngā Whakataukī 2:4, 5.

3. Ka āwhina pēhea a Ihowa i a koe ki te ako tonu?

Kei te hiahia tōu Kaihanga kaha rawa me tōu Hoa, a Ihowa, ki te āwhina i a koe ki te ako mōna. Ko te Atua hoki te kaimahi “o te hiahia, o te mahi, hei mea i tāna i pai ai.” (Pānuitia Piripai 2:13.) Nā reira, ki te tino hiahia koe ki te ako, ki te mahi i ngā mea i ākona, māna koe e āwhina. Māna anō e hōmai ki a koe te kaha kia taea ai ōu raruraru. Me inoi auau atu ki a Ihowa kia āwhina i a koe ki te ako tonu i te Paipera.​—1 Teharonika 5:17.

 KIMI MĀRAMATANGA

4. Meinga hei mea hira tonu tōu ako i te Paipera

I ētahi wā nā te nui o ngā mahi ka pēnei tātou kāore he tāima hei ako i te Paipera. He aha te mea ka āwhina? Pānuitia Piripai 1:10, kōrerotia ēnei pātai:

• Ki tōu whakaaro, he aha anō ētahi o “ngā mea papai” o te ora?

• Me pēhea e hira ai ki a koe tōu ako i te Paipera?

1. A. Ki te whakakiia e koe he pākete ki te kirikiri ka tāpirihia he pōhatu, kāore e uru ngā pōhatu

2. E. Ki te mātua meatia e koe ngā pōhatu, ka whai wāhi koe mō te nuinga o te kirikiri. Waihoki, ki te mātua meatia e koe “ngā mea papai” o te ora, ka taea ēnā e koe, ka whai tāima hoki mō ērā atu mea

Mā te ako i te Paipera e mākona ai tō tātou taha wairua​—arā, te hiahia kia mōhio, kia karakia ki te Atua. Pānuitia Matiu 5:3, kōrerotia tēnei pātai:

• He aha ngā painga ki a tātou ina hira ai te ako i te Paipera?

 5. Me ū tonu ahakoa te whakahē a ētahi atu

6. Whakawhirinaki ki a Ihowa ki te āwhina i a koe

 WHAKARĀPOPOTO

Ahakoa ehara i te mahi ngāwari, ka āwhina te ako i te Paipera i a koe ki te hari i te ora ake ake. Me ū tonu ki a Ihowa, ā māna koe e utu.

Titiro anō

• He aha i tino hira ai ngā pono o te Paipera ki a koe?

• Me aha koe “kia whakaaetia ai ngā mea papai”?

• He aha te take me inoi koe ki a Ihowa kia āwhina i a koe ki te ako tonu i te Paipera?