ISAMBIILILO 12
Acani Cino Cingakwavwa Ukutwalilila Ukusambilila Baibolo?
Cacindama nkaninye ukusambilila Baibolo, lelo asa we lyonsi pano cikapepuka. Amuno manda yamwi ungalanguluka nga cakuti ungakumanisya. Nomba amulandu ci wuno uzipizile ukutwalilila ukusambilila Baibolo? Acani cino cingakwavwa ukutwalilila ukusambilila?
1. Amulandu ci wuno ukusambilila Baibolo kwacindamila?
“Izwi lyakwe Leza alyawumi swinya likawomba kaninye.” (Waheberi 4:12) E Baibolo yacindama nkaninye amuno yikasokolola vino Leza akakwelenganya pe wewe na vino akayivwa. Yingakwavwa ukumanya ivivule swinya yingakwavwa ukuwa na mano yeneco yeneco ni suwilo. Ni cicindamisye aca kuti yingakwavwa ukuwa we ciwuza wa kwe Yehova. Nga ukusambilila Baibolo lyo ukuleka amaka yano yawa mwenemo ukuzifya uwumi wako.
2. Amulandu ci wuno cacindamila ukumanya uwucindami wa cisinka ca mu Baibolo?
Icisinka ca mu Baibolo acuuma. Awuli umulandu wuno e Baibolo yikatuwomelezya ukukala icisinka ca mu Baibolo cino ‘tutanga tukazye.’ (Imilumbe 23:23) Nga twamanya umulandu wuno icisinka ca mu Baibolo cacindamila, apano tuliwawombesya ukutwalilila ukusambilila asa mulandu na vyo tungapitamo.—Wazyani Imilumbe 2:4, 5.
3. Uzye e Yehova angakwavwa wuli ukutwalilila ukusambilila?
E Yehova e Kelewula swinya e Ciwuza wako akalonda ukukwavwa pa kuti umumanye. Angalenga ukuti “muwalondesya” nu kuti mucitepo cimwi. (Wazya Wafilipi 2:13.) Fwandi na pano ukulola ngati utanga ukumanisye, e Yehova angakupa umwezo wakuvwambisya ukusambilila nu wa kuviwomvya. Cinji acakuti angakupa amaka yakucimvya intazi izili zyonsinye ukusanzyako na pano wakukucuzya. Acino lyonsinye uwapepa kwe Yehova ukuti akwavwa ukutwalilila ukusambilila Baibolo.—1 Watesalonika 5:17.
SAMBILILA IVICILE PA-A
Lola vino ungacita pa kuti utwalilile ukusambilila Baibolo na pano uli ni vya kucita ivivule nanti pano wanji wakukucuzya, na vino Yehova angakwavwa ukutwalilila ukusambilila.
4. Uwakolezya ukusambilila Baibolo
Impindi zimwi tungalola ngati tutanga tukwanisye ukusambilila Baibolo pa mulandu ni vya kucita. Nomba acani cino cingatwavwa? Wazyani Wafilipi 1:10, nu kulanzyanya ya-a amawuzyo:
-
Uzye ukulola ukuti avintu ci ‘iviyane nanti ivicindamisye’ mu wumi?
-
Ungacita wuli pa kuti uwakolezya ukusambilila Baibolo?
-
Nga watalicila ukulonga amasenga, ungapotwa apakulonga amawe
-
Nomba nga watalicila ukulonga amawe, ungasyala ni mfwasi yakulongamo amasenga. Wonye avino cawa, nga watalicilapo ukucita ivintu ‘iviyane nanti ivicindamisye’ mu wumi, apano uliwasyala ni mpindi iyakucitako na vinji
Swe wantu tukalonda ukumanya Leza nu kumupepa, ukusambilila Baibolo kukatwavwa ukumanya vyonsinye vyo-o. Wazyani Mateyu 5:3, nu kulazyanya lyo-o iwuzyo:
-
Avizima ci vino tukazanamo nga cakuti twacindamika sana ukusambilila e Baibolo?
5. Uwatwalilila ukusambilila Baibolo na pano wakukucuzya
Wamwi wangakunena ukuleka ukusambilila Baibolo. Nomba icakulolelako ca kwe Francesco cingakwavwa. Tambani e Vidyo, nu kulanzyanya ya-a amawuzyo.
-
Uzye walupwa ni viwuza vya kwe Francesco wacisile wuli pano wawanenile vino wasambililanga?
-
Avizima ci vino vyafumilemo pa mulandu nu kutwalilila ukusambilila Baibolo?
Wazyani 2 Timoti 2:24, 25, nu kulanzyanya ya-a amawuzyo:
-
Uzye walupwa lwako ni viwuza wakayivwa wuli pe vino ukasambilila?
-
Ukulingana na ya-a amavesi, avyani vino uzipizile ukucita nga cakuti wumwi atakunzile ukumanya ukuti ukusambilila Baibolo? Amulandu ci?
6. Uwakweyamila pe Yehova pa kuti akwavwe
Nga tukuya tukupalamila kwe Yehova, apano tukavwambisya sana ukumusecelesya. Nanti ciwe wo-o, cingatutalila ukupilukako mwe vimwi pakuti tuwakwikala ukulingana na masundo yakwe. Nomba utazipizile ukunenuka. E Yehova alikwavwa. Tambani e VIDYO, nu kulanzyanya ya-a amawuzyo.
-
Ukulingana ne vidyo, avyani vino e Jim wapilusilemo pa kuti awasecelesya Yehova?
-
Acani cino wakundapo sana pa cakulolelako cakwe?
Wazyani Waheberi 11:6, nu kulanzyanya ya-a amawuzyo:
-
Acani cino Yehova alicitila wano “wakwelezya na maka ukumumanya nu kumusecelesya?”
-
Uzye ukulola ukuti e Yehova akayivwa wuli nga walola vino ukuwombesya pakuti vye usambilile Baibolo?
WUMWI ANGATI: “Nga cani cino ukusambilila Baibolo?”
-
Uzye ungamwasuka wuli?
IVISINKA VIKULU
Ukusambilila Baibolo akuno kungakwavwa ukwikala amanda pe, nanti aca kuti asa we lyonsi pano cikapepuka ukucita wo-o. Acino utwalilile ukweyamila pe Yehova nawe alikulambula
Avyani Vino Wasambilila?
-
Amulandu ci wuno ukulolela ukuti icisinka ca mu Baibolo cacindama nkaninye kwe wewe?
-
Ungawika wuli amano ku vintu ‘iviyane nanti ivicindamisye’ mu wumi?
-
Amulandu ci wuno uzipizile ukupepela kwe Yehova ukuti akwavwe ukutwalilila ukusambilila Baibolo?
MANYILAPO NA VINJI
Lola inzila 4 zino zyavwa awavule pakuti wawomvya icete impindi yawo.
Lola vino e Yehova wavwizye umwanaci wumwi wino watwitwe ku monsi wino atamanyile cino calenzile umuci awombesya ukucita ivya kusecelesya Leza.
Lola vino umonsi wumwi wazanilemo ivizima pa mulandu wakusipicizya kwa muci.
Inte zya kwe Yehova wakawawipizya ukuti wakapusanya indupwa. Uzye co-o acisinka?
“Uzye Inte zya kwe Yehova Wakapusanya Indupwa Nanti Wakazilemenkanya?” (Icipande ca pa webusayiti)
Mungakunda na vyoo
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
