Ku lilongesa Mbimbiliya ce ku neha vivezikiso via vingi. Vunoni kati ca casi. Vintsimbu vimo, mu hasa vene na ku lihula nga mu ka hasa ku tualelelaho ku lilongesayo ni kuahi. Vuno seho ika honi ya kala ha ku tualelelaho ku lilongesa Mbimbiliya? Kaha vika vi hasa ku mi kuasa ku tualelelaho, ambe nga ca cikalu ku lingamo?

1. Omo lia vika ku lilongesa Mbimbiliya ca pua ca seho?

“Lizi lia Njambi li li na muono, lia takama.” (VaHevelu 4:12) Ku lilongesa Mbimbiliya ca pua ca seho, muomu ce ku solola visinganieka na cifua ce ku livuilamo Njambi ku tuala hali yenu. Kaha ci ka mi kuasa kati lika ku tantekeya via vingi, vunoni na ku kala na mana na lulavelelo. Helu lia viose evi, ku lilongesa Mbimbiliya ci ka mi kuasa ku pua kavusamba ka Yehova. Ngeci mukemuo ku lilongesayo, ca pua ku i tavesa i tuale muono uenu ku lutue.

2. Omo lia vika tua pande ku haka seho ku vusunga vua mu Mbimbiliya?

Vusunga vua mu Mbimbiliya, vua pua ngue vupite vua seho. Ngeci Mbimbiliya ya tu kaniamesa nguayo, “landa vusunga, kaha kati u vu landese.” (Visimo 23:23) Nga tu tualelelaho ku mona seho ya vusunga vua mu Mbimbiliya, kaha tu ka lihakela kapandi ka ku lilongesayo ambe ha vintsimbu via vikalu.—Tandenu Visimo 2:4, 5.

3. Vati Yehova a hasa ku mi kuasa ku tualelelaho ku lilongesa?

Mu ku pua Kavusamba kenu na Sakatanga mukua ngolo yose, Yehova a tonda mu lilongese vieni. Ngeci mukemuo, a hasa ku “pangela muli enu cizango” ca ku lilongesayo na ku mi hana ngolo ya ku lingamo. (Tandenu Filipu 2:13.) Ngeci mukemuo nga ha vintsimbu vimo mu ka tondeka vukuasi linga mu lilongese Mbimbiliya, ni ku pangesa vi mue ku lilongesamo, Yehova a ka mi kuasa. Kaha nga mu ka tondeka ngolo ya ku vula vimo vitanga ni cimo ku mi luisa, a ka mi hanayo. Ngeci mukemuo puenu na ku vundila kuli Yehova ku-sua kumo, linga a mi hane ndzili ya ku tualelelaho ku lilongesa Mbimbiliya.—1 Tesalonika 5:17.

 TANTEKEYENU VIKUAVO

4. Tuamekenu cilongesa cenu ca Mbimbiliya ku lutue

Vintsimbu vimo, tu hasa ku livua ngecize tuli na via vingi via ku linga, kaha ka tuesi na ntsimbu ya ku lilongesa Mbimbiliya. Nga tu livua ngoco, vika vi hasa ku tu kuasa? Tandenu Filipu 1:10, kaha mu nima yaco simutuilenu ha vihula vi na hatako:

• Mu ku mona cenu viuma vika “via hiana ku viuka” ni nguetu via hiana seho mu muono?

• Vati mu hasa ku tuameka ku lutue cilongesa cenu ca Mbimbiliya?

1. Nga mu sulisa cimo civela na museke kaha mu seteka ku hakamo mavue, mavue aco ka a ka fumo

2. Vunoni nga mu livanga ku haka mavue, ku ka lisupa mahasa a ku hakamo museke. Na vuno vene, nga mu tuameka “viuma via hiana ku viuka” ni nguetu via hiana seho mu muono, mu ka hasa ku vi puisamo kaha kasi mu ka lisupa na ntsimbu ya ku linga viuma vieka

Ku lilongesa Mbimbiliya ce ku suka ndzala yetu ya mu lutsilielo, ni nguetu, cizango cetu ca ku tantekeya Njambi na ku mu lemesa. Tandenu Mateo 5:3, kaha simutuilenu ha cihula ci na hatako:

• Vukuasi vuka tue ku uana nga tu tuameka cilongesa cetu ca Mbimbiliya mu muono?

 5. Kolesenu nga va mi luisa

6. Kulahelenu mu vukuasi vua Yehova

 VI MU NA LILONGESA

Vutuhu vintsimbu vimo ce ku pua ca cikalu, ku lilongesa Mbimbiliya ci hasa ku mi kuasa ku yoya mu ndzolela ya ya-ye. Tualelelenuho ku kulahela muli Yehova, kaha aka mi lunguisa.

Mpupulule

• Omo lia vika vusunga vua mu Mbimbiliya vua kala na seho kuli yenu?

• Vati mu hasa ku tuameka viuma “via hiana ku viuka”?

• Omo lia vika mua pande ku vundila Yehova linga a mi kuase ku tualelelaho ku lilongesa Mbimbiliya?