TLAMACHTILI 12
¿Tlake mitspaleuis nojua ximomachti Biblia?
Maske tijmatij tlauel techpaleuis tlaj timomachtisej Biblia, kemantika uelis ouij tijmatisej kiampa tijchiuasej. Yeka uelis timoiljuia tlaj nojua uelis timomachtis. ¿Kenke moneki tijchiuas kampeka nojua timomachtis? ¿Tlake mitspaleuis nojua ximomachti maske tijpias kuesoli?
1. ¿Kenke moneki tijchiuas kampeka timomachtis Biblia?
“ITlajtol toTeko yoltok uan kipia tlauel miak chikaualistli” (Hebreos 4:12). Biblia eli se amochtli tlen tlauel ipati pampa kiijtoua tlake moiljuia toTeotsij uan nojkia kiijtoua ya mitsiknelia. Biblia amo san mitspaleuis tijmatis miak tlamantli, nojkia mitspaleuis kuali xijtlapejpeni tlen tijchiuas uan ximotemachi teipa kuali tiitstos. Uan tlen tlauel ipati, mitspaleuis kuali ximouampojchiua iuaya Jehová. Kema timomachtis, tijnextis tijneki Biblia ma mitspaleui ipan monemilis.
2. ¿Kenke moneki tijpatiitas tlen Biblia tlamachtia?
Biblia kipia tlamachtili tlen tlauel ipati. Yeka nopaya kiijtoua: “Xijtemo tlen melauak” uan “axkema xijkaua” (Proverbios 23:23). Tlaj tlauel tijpatiitasej tlamachtili tlen uala ipan Biblia, tijchiuasej kampeka nojua timomachtisej maske tijpiasej kuesoli (xijpoua Proverbios 2:4, 5).
3. ¿Kenijkatsa Jehová mitspaleuis nojua ximomachti Biblia?
Jehová, katli kichijchijki nochi tlen onka, eli mouampo, yeka kuali mitsixmati uan kineki mitspaleuis nojua kuali xikixmati. ToTeotsij uelis kichiuas xijneki xijchiua ipakilis uan mitsmakas chikaualistli (xijpoua Filipenses 2:13). Jehová uelis mitspaleuis nojua xijneki ximomachti Biblia uan xijchiua ipan monemilis tlen timomachtijti. Uan ya nojkia mitspaleuis kema tikixnamikis se kuesoli o kema sekinok mitskualankaitasej pampa timomachtia. Nochipa xikiljui Jehová ma mitspaleui nojua timomachtis Biblia (1 Tesalonicenses 5:17).
KUALI XIMOMACHTI
Ma tikitakaj tlake uelis tijchiuas uan kiampa nojua timomachtis Biblia maske tlauel timotekiuia o sekinok amo kinekisej ximomachti. Nojkia tikitasej kenijkatsa Jehová mitspaleuis nojua ximomachti.
4. Xijpatiita timomachtis Biblia
Kemantika tlauel timotekiuiaj, yeka ouij tijmatij timomachtisej Biblia. ¿Tlake uelis tijchiuasej? Xijpouakaj Filipenses 1:10 uan xijnankilikaj ni tlajtlanili:
-
Uan ta, ¿tlake tlamantli timoiljuia eli tlauel ipati?
-
¿Tlake uelis tijchiuas uan kiampa tikachtouitlalis timomachtis Biblia?
-
A. Tlaj ipan se cubeta achtoui tijtemas xali, teipa ayokmo kikuis miak tetl.
-
E. Uan tlaj ipan nopa cubeta achtoui tijtlalis tetl, kikuis miak xali. Nojkia uelis kiampa tijchiuas tlaj tikachtouitlalis tlamantli tlen tlauel ipati pampa kiampa uelis tijtlamichiuas, uan nojkia uelis tijchiuas sekinok tlamantli.
Nochi tojuantij tijnekij tikixmatisej uan tijueyichiuasej toTeotsij pampa ya kiampa techchijchijki, yeka moneki timomachtisej Biblia. Xijpouakaj Mateo 5:3, TNM uan xijnankilikaj ni tlajtlanili:
-
¿Kenijkatsa techpaleuis tlaj tikachtouitlalisej timomachtisej Biblia?
5. Nojua ximomachti maske sekinok amo kinpaktis
Kemantika sekij uelis mitsiljuisej ayokmo ximomachti Biblia. Xikita tlake kipanok Francesco. Xikitakaj nopa VIDEO uan xijnankilikaj ni tlajtlanili:
-
¿Tlake kichijkej ichampoyouaj uan iuampoyouaj Francesco kema kiniljuik momachtiyaya Biblia?
-
¿Tlake panok pampa nojua momachtik Biblia?
Xijpouakaj 2 Timoteo 2:24, 25 uan xijnankilikaj ni tlajtlanili:
-
¿Tlake moiljuiaj mochampoyouaj uan mouampoyouaj pampa timomachtia Biblia?
-
Kej kiijtoua ni versículos, ¿tlake moneki tijchiuas tlaj se akajya mitsiljuis ayokmo ximomachti Biblia? ¿Kenke moneki kiampa tijchiuas?
6. Ximotemachi Jehová mitspaleuis
Tlaj kuali timouampojchijtias iuaya toTeotsij, nojua tijnekis tijchiuas tlen ya kipaktia. Maske kiampa tijnekis tijchiuas, uelis ouij tijmatis tijpatlas se keski tlamantli ipan monemilis. Tlaj se tonali kiampa tijmatis, nojua xijchiua kampeka pampa Jehová mitspaleuis. Xikitakaj nopa VIDEO uan xijnankilikaj ni tlajtlanili:
-
Kej neski ipan video, ¿tlake monejki kipatlas Jim pampa kinekiyaya kiyolpakiltis Jehová?
-
¿Tlake tlamantli tlen Jim kipatlak tlauel mitsyolchikaua?
Xijpouakaj Hebreos 11:6 uan xijnankilikaj ni tlajtlanili:
-
¿Kenijkatsa kinpaleuia Jehová nochi katli “nelia kitemouaj” o katli kinekij kiixmatisej uan kiyolpakiltisej?
-
¿Kenijkatsa timoiljuia kiyolmati Jehová kema kiita tijchiua kampeka timomachtis Biblia?
TLEN SEKINOK KINEKIJ KIMATISEJ: “¿Kenke timomachtia Biblia ininuaya Jehová itlajtoltemakauaj?”.
-
¿Tlake titlanankiliskia?
TLEN TIMOMACHTIJKEJ
Maske kemantika ouij tijmatis, nojua ximomachti Biblia pampa nopa mitspaleuis xiyolpaki nochipa. Tlaj nojua timotemachis ipan Jehová, ya mitsteochiuas.
¿Tlake tijyekok?
-
¿Kenke tlauel tijpatiita tlen Biblia tlamachtia?
-
¿Tlake uelis tijchiuas tlaj ya tijmati tlake tlamantli tlauel ipati?
-
¿Kenke moneki tikiljuis Jehová ma mitspaleui nojua timomachtis Biblia?
NOJKIA XIKITA NI
Xikita naui tlamantli tlen kinpaleuijtok miakej maseualmej kuali ma kitekiuikaj tonali.
“¿Tlake mitspaleuis kuali xijtekiui tonali?” (¡Xitlachixtokaj!, febrero 2014)
Maske se siuatl kinekiyaya kiyolpakiltis toTeotsij, iueue amo kipatiitayaya tlen ya kichiuayaya. Xikita kenijkatsa kipaleuik Jehová.
Xikita kenijkatsa se tlakatl tlauel kipaleuik kema kiitak isiua amo kema kikajki momachtis Biblia.
Sekij kiijtouaj Jehová itlajtoltemakauaj kichiuaj maseualmej ayokmo ma itstokaj sansejko ininuaya ininchampoyouaj. ¿Nopa nelia o amo?
Tlen nojkia mitspaktis tikitas
TLEN KINEKIJ KIMATISEJ
¿Kenijkatsa Jehová itlajtoltemakauaj tlamachtiaj ika Biblia?
Kema Jehová itlajtoltemakauaj mitsmachtisej ika Biblia amo mitsinamasej uan uelis tijtekiuis Biblia tlen ta tijnekis. Nojkia uelis tikintlaneuis sekinok kej mochampoyouaj o mouampoyouaj.
