TAMACHTILIS 12
¿Keniuj uelis tikonsentokas tionmomachtis Biblia?
Maski kemansa ouij tekisa se momachtis Biblia, semi tepaleuia komo se kichiua. Xa hasta tionmotajtania ox uelis tikonsentokas tionmomachtis. Sayoj ke, ¿keyej moneki tikonsentokas? ¿Toni mitsonpaleuis xikonsentoka xionmomachti maski tikonitas ke ouij?
1. ¿Keniuj uelis mitsonpaleuis komo tionmomachtia Biblia?
“Itajtol Dios yoltok uan semi kipia chikaualis” (Hebreos 4:12, TNM). Biblia semi kipia ipatiuj porin kijtoua tein Dios kinemilia uan no kijtoua ke semi mitsontasojta. Keman tionmomachtia Biblia amo sayoj mitsonpaleuia xikonmati miak taman, ta no kuali xiontaixpejpena uan xikonchia tein kuali. Uan tein okachi moneki kuali tionmouikas iuan Jiova. Komo tionmomachtia mitsonpaleuis okachi xionyolpaki.
2. ¿Keyej semi moneki maj tikmatikan ke techpaleuia tein Biblia tamachtia?
Tein tamachtia Biblia semi kipia ipatiuj. Yejua ika, techiluia maj tikchiuakan nejin: “Xikoua tein melauak uan amo keman xiknamaka” (Proverbios 23:23). Keman tikmatij ke semi techpaleuia tein Biblia tamachtia, tiksentokaskej timomachtiskej maski ouij techkisas (xikonita Proverbios 2:4, 5).
3. ¿Keniuj Jiova mitsonpaleuis xikonsentoka xionmomachti?
Jiova yejua Akin tachijchiuak, kipia nochi chikaualis uan kuali mouan mouika. Uan no, kemej kuali mitsonixmati kineki mitsonpaleuis okachi xikonixmati. Dios “namechchikaualismakatiu para xikyekchiutiyakan ijkon keme [...] kimonekiltia” (xikonita Filipenses 2:13). Yejua ika, komo amo semi tikonneki tionmomachtis oso tikonchiuas tein tionmomachtijtok, Jiova mitsonpaleuis. Uan komo tikonpia se ouijkayot oso mitsonixnamikij, yejuatsin mitsonpaleuis. Nochipa xikontajtani Jiova maj mitsonpaleui xikonsentoka xionmomachti Biblia (1 Tesalonicenses 5:17).
MAJ OKACHI TIMOMACHTIKAN
Maj tikitakan keniuj uelis tikonsentokas tionmomachtis Biblia maski oksekin kinekiskej mitsontsakuiliskej oso tikonpia miak tekit. Uan tikitaskej keniuj Jiova mitsonpaleuis.
4. Xikonita ke semi moneki tionmomachtis Biblia
Kemansa moneki tikchiuaskej miak taman uan hasta amo tihorajtijok timomachtiskej Biblia. Sayoj ke, ¿toni uelis tikchiuaskej? Xikitakan Filipenses 1:10 uan ika xitajtokan nejin:
-
¿Toni tikonnemilia ke “okachi tayekantok”?
-
¿Keniuj uelis tikonnextis ke semi kipia ipatiuj maj mitsonmachtikan Biblia?
-
Komo itech se xikal yekinika tikontema xal amo akisok tet.
-
Sayoj ke komo yekinika tikonpexontia tet, akis miak xal. No ijkon, komo achto tikonchiua tein “okachi tayekantok” tikonpias tiempo tikonchiuas okseki taman.
Dios techchijchiuak maj tiknekikan tikixmatiskej uan maj tikueyichiuakan, nejin uelis tikchiuaskej komo timomachtiaj Biblia. Xikitakan Mateo 5:3 uan ika xitajtokan nejin:
-
¿Keyej moneki semi tikpatiuitaskej timomachtiskej Biblia?
5. Xikonsentoka xionmomachti maski sekin mitsonixnamikiskej
Xa sekin mitsoniluiskej amo xikonsentoka xionmomachti Biblia, ijkon kemej kipanok Francesco. Xikitakan VIDEO uan ika xitajtokan nejin:
-
Keman Francesco peuak momachtia Biblia, ¿toni kichiujkej ichankauan uan akin kuali iniuan mouikaya?
-
¿Keyej semi tapaleuij maj kisentokani momachtiani?
Xikitakan 2 Timoteo 2:24, 25 uan ika xitajtokan nejin:
-
¿Toni kijtouaj mochankauan uan akin kuali iniuan tionmouika porin tionmomachtijtok?
-
Kemej kijtouaj nejin versículos, ¿keniuj moneki tiontanankilis keman oksekin amo kinekiskej xionmomachti Biblia? ¿Keyej?
6. Xiontakuaujtamati ke Jiova mitsonpaleuis
Keman kuali timouikaj iuan Dios, okachi tiknekij tikchiuaskej tein kiyolpaktia. Sayoj ke, xa ouij techkisas tikchiuaskej tein technauatia. Komo ijkon mitsonpanoua, amo xionmosenkaua porin Jiova mitsonpaleuis. Xikitakan VIDEO uan ika xitajtokan nejin:
-
¿Toni monekik kichiuas Jim para kitakamatis Jiova?
-
¿Toni okachi tikonmoujkaita tein kichiuak Jim?
Xikitakan Hebreos 11:6 uan ika xitajtokan nejin:
-
¿Toni kiseliskej akin mochikauaj kiixmatiskej Jiova uan kiyolpaktiskej?
-
¿Keniuj momachilia Jiova keman kiita ke tionmochikaua tionmomachtis Biblia?
TEIN SEKIN UELIS MITSONTAJTANISKEJ: “¿Keyej tionmomachtijtok Biblia?”.
-
¿Toni tiontanankiliskia?
TEIN TIKITAKEJ
Uelis tionyolpakis nochipaya komo tionmomachtia Biblia maski ueliskia teisa mitsontsakuilis. Jiova mitsontatiochiuis komo tikonsentoka tiontakuaujtamati iuan.
Maj tikelnamikikan
-
¿Keyej tikonita ke semi tepaleuia tein tamachtia Biblia?
-
Axkan ke tikonmatia tein “okachi tayekantok”, ¿toni moneki tikonchiuas?
-
¿Keyej moneki tikontajtanis Jiova maj mitsonpaleui xikonsentoka xionmomachti Biblia?
NO XIKONITA NEJIN
Xikonita naui taman tein miakej kinpaleuiani maj kuali kikuikan tiempo.
“Cómo invertir sabiamente el tiempo” (¡Despertad!, febrero de 2014)
Se siuatsin semi kinekia kiyolpaktis Dios, sayoj ke itakauj amo kimatia keyej ijkon kichiuaya. Xikonita keniuj Jiova kipaleuij.
Jiova techmaka chikaualis tein techpaleuia maj titaxikokan (5:05)
Xikonita keniuj se siuatsin taxikoj uan nejon semi kipaleuij itakauj.
Kemansa kinijtouiliaj itaixpantijkauan Jiova ke kinxelouaj kalyetouanij. Sayoj ke, ¿yekmelauj nejon?
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
